كم قيمة مخالفة وجود صدمات في السيارة؟

جاتني صدمة في الرفرف صلحتها أسبوعين وانصدمت مره ثانيه في نفس الرفرف ولها الحين سنه ونص ولا احد كلمني ؟ العساكر ماعندهم قانون ونظام لا على حسب المزاج

الجماعه مطفرين يبون فلوس بأي طريقه

اول مرة اسمع فيها المخالفه !!!!!

سلامات يعني تنصدم سيارتك واذا مطفر غصب تصلح ! طيب كيف تعطيني مخالفه حرام عليك لو معي فلوس صلحة هالصدمه عساكر ما يخافون ربهم وانا انصحك تشتكي على هالعسكري وراح تأخذ حقك هذي اول مره نسمع فيها كثير من معارفي سيارات فيها صدمات وعادي وبحياتنا ما سمعنا عن هالمخالفه الغريبه وشكلها مخالفه مزاجيه من العسكري 

استعلم برقم بطاقتك في الموقع وشوف كم يطلع لك المبلغ ، طبعا تستعلم من موقع أبشر ، والله يعوضك خير

^^ ما اعتقد انها بتنزل الحين يا ابواحمد تعرف عسكري اللي مسجلها لك مهب رصد آلي كم يوم وهي عندك


هذي لين يسلم العسكري الدفتر وتدرج


انا كنت ماخذ مخالفة سرعة قبل حوالي ثلاث شهور وانكسرت رجلي وجبرت وسافرت الدمام وجيت وتوها تنزل الخميس الماضي وسددتها


تحياتي

ههههههههه والله شعب غريب



السيارة لو فيها صدوم طبيعي يكون فيها مخالفه وكل دول العالم تمشي بهالنظام



مشكلتنا ماتعودنا على بعض الامور بهالبلد اذا طبقوا النظام العالمي استغربنا وقمنا نتحلطم




انا اتفق انه فيه مزاجيه من المرور بشكل كبير بس مهما كان هذي اسمها مخالفه




امس اقرا موضوع هنا واحد يقول صدمني شخص وانحاش وجا المرور وطلب الرخصه والتامين ولامعي شئ وخالفني وزعلان الاخ ليش يعطيه مخالفه طبيعي ياحبيبي يخالفك مامعك اوراق وتمشي بالسياره ولاتبيهم يسوون لك شئ وين تسوق انت بالبر ؟؟






ياراعي الموضوع ارجع لنظام المرور والمخالفات وراح تحصل نوع مخالفتك اللي اخذتها

وازيدك من الشعر بيت ترى الملصقات اللي على السيارة اش ما كان نوع الملصق عليها مخالفة انا فك فكت كل الاستكرات اللي لاصقة على السيارة ماني ناقص مخالفات لاني الوضع حاليا صعب شوويتين كوني عاطل او بالاحرى باحث عن عمل

اي اسمها مخالفة تشويه منضر اذا كنت فاك الصدام مثل كذا اما صدمة ورفرف بسيطة م له حق وان شاء الله ما تنزل ياما مخالفات ورقية كثييير ما تنزل

اذا الصدمة جامدة وتأثر على قيادة السيارة
معها حق يخالفك لان فيها خطورة عليك
وعلى الاخرين

اما صدمة بسيطة انا اشوف ماله حق
يعني لو جاك دقة في الرفرف والسيارة
تمشي تمام 100% ماهو معقول تجيب
سطحة ب200 ريال عشان توديها للورشة

اجل موترك مصدم من كل ناحيه وتمشي فيه 

لابد انك تصلحه والمخالفه تحذيريه عشان سلامة الاخرين

صحح معلومتك اخوي الصدمات عليها مخالفه وكثير يخالفون عندنا في الشرقيه واحيان توقفك الدوريه
ويحقق العسكري وين صادم وكيف واذا عندك ورقة اصلاح وتامين بس بعض العسكر مزاجي اذا يبي خلص الدفتر بيوم وطبق
النظام بحذافيره والعكس عموما كان الله بعونك

المخالفة هادي منتشرة في مكة عندنا وبعين شفت الدوريات تفتيش تحت كبري الزاهر والسيارات المتهالكة او لوحاتها قديمة او مصدمة او بدون ( شمعات او اصطبات ) يتم سحبها بالسطحة وعلى حجز المرور في مخطط ولي العهد يتم حجز حتى يتم تصحيح وضعها وفوقها تتحمل قيمة السطحة

وبعدين تلوث بصري السيارات المصدومه كانك في افريقيا

ياخوان مدري وش وضع الرفرف عندي
والله اني صادم عليه واول ما اصلحه اصدم عليه مره ثانيه
والحين غيرت التكتيك ولا صلحته وابشركم لي شهرين م صدمت
ههههه :)
حتى هييييبه اللي يشوفك يخاف تصدمه اللي ماجرب يروح يجرب
ههههههههه تصبحون ع خير :﴾