سياره اجار منتهي بالتمليك انسرقت

عليك اقصاد متاخره ؟

لا ملتزم ولله الحمد 

الله يعوض عليك ارجع للعقد بس اتوقع بيرجعون لك الدفعه الاولى فقط هذا بعد انتظار لقوها او لا

لو لقوها يرجعون الدفعه بعد انتظار 

الله يعينك بدون سياره الوضع صعب



اللي يسرقونها يفحطون فيها والاكثيريه حصلوا مواترهم محروقه 

حط رقم لوحتها مع المدينه وان شاء الله الاخوان ماراح يقصرون 

حط رقم لوحتها مع المدينه وان شاء الله الاخوان ماراح يقصرون 

يمقن احد اخوانك اخذها مشوار بالمفتاح الاحتياطي مجرد تخمين

حسبي الله ونعم الوكيل الانسان يتعب ويشقى ويجي غيره مايخاف الله يضيع تعبه وشقاه في دقايق الله يعوضك خير

حسبي الله ونعم الوكيل فيهم ..
دائما السيارات التي تنسرق في وضع التشغل يعني انت نازل بقاله وخليتها شغاله هذا يسرقها يفحط فيها ويتمشى فيها واغلبيتهم شباب مراهقين ..
اما زي حالتك هذه سرقة من باب البيت يعني سرقة فيها كسر قزاز وفك ضفيرة هذه عصابة راح توقف سيارات في مكان مهجور ولا استراحة كم يوم
وبعدين يشلحونها يبيعونها قطع ...
لو انت في الرياض رح دور عند الاستراحات ولا حي الوزارات وإن شاء الله تحصلها انا قريبي انسرقت منه كورولا مطلعها اقساط من قدام الباب
حصلها في حي الوزارات في ملبك.
اما لو بتستنى عبداللطيف جميل يسوي مخالصة هذه يبيلها وقت ...

ولا تنسى حديث ابن عمر ضي الله عنهما ما معناه: أن من ضاع له شيء فليتوضأ وليصل ركعتين وليتشهد وليقل:
"بسم الله يا هادي الضلال وراد الضالة اردد علي ضالتي بعزتك وسلطانك فإنها من عطائك وفضلك"

ان شاء الله ترجع لك بس وكل امرك لله وانساها

وانشر صور الموتر واكتب رقمك على الصورة

وباذن الله تلاقيها

مو ملاحظين سرقة السيارات كثرت في الاونة الاخيرة؟ ليش ؟ المفروض يرجعون قطع اليد زي اول والله الواحد ما كان يتجراء يسرق لوزين الحين يسرق جيب لكزس 2018 وهو مطمئن البال والضمير لا ومكبر مخدته بعد

الله يردها لك سليمه. وحسبي الله على من سرقها. 
يمكن ثالث سرقه. اسمع عنها الاسبوع هذا حسبي الله ونعم الوكيل 

اذا انت بالرياض. ياليت حط لنا معلومات عنها لونها نوعها رقم اللوحه واسم الحي الي انت فيه 

واناشاء الله الي يشوفها يكلمك. 

وان شاء الله ***

ودى أن تقطع يد السارق من أول مرة 

السلام عليكم
ولد عمي مدرس في تبوك
المهم سهران برا البيت ورجع الساعه 3فجر
وشاف سطحه عند بايكة جاره يبغون يحملون سيارة جاره وفيها ثلاث اشخاص لابسين ملابس صيانة تويوتا
سيارة جاره جيب لكزس آخر مديل
المهم،
عندما سألههم خير ان شاء اي خدمه
أجابوه بأنهم من شركة تويوتا
وان صاحب السياره
مادفع الأقساد وجايين نسحب السياره
قال لهم اي خدمه قالو شكرآ
وفي الصباح وهو رايح الدوام الا فيه دوريات واقفه عند جاره قال لهم خير ياجار
قال لهم خير ياجار
قال السياره انسرقت
قال البارح فيه سطحه..الخ..الخ
قال جاره السياره مشتريها من معرض كااااااش
.....صراحه....فن في السرقه