قصتي البسيطة للعظة والعبره من الشريطية

23 42

لايمكنك التصويت حتى الحصول على 20 نقطة على الأقل
إضغط هنا للإخفاء

صاحب سموه 533
قبل 7 سنه و 10 شهر

عمتم مساء ياقوم

حكأيتي لهذاء اليوم .هي مشكلة مزمنة منذو دخول السيارات الى مملكتي الحبيبة.. وهي الشريطية

صبأح أمس وكعادتي أتصفح موقع حراج . مرتع الشريطية النصابين حاليآ ..
وجدت اعلان جميل جدآ بالمحتوى . والسعر . والصور . فابهرني جدآآآآ

المهم . صأحب الاعلان ذالك الشريطي المحتال الذي لايخاف ربه في خير يوم طلعت عليه الشمس . وهو يوم الجمعه
كأتب البدي وكالة عداء الرفرف الخلفي . فيه شوية معجون فقط باتجاه الباب .قلنا شي جميل السياره هي:-

كأمري 2016ليمتدء فطيمي تحمل اللوحة ع س ل والارقام لاتذكرها في الحقيقه . السياره سعرها لقطة بكل ماتعنية الكلمة
بي 42الف فقط .. قلت توكلنا على الله وعدنا بعد الظهر قال . حول عربونك ومن هالكلام قلت دامك مسستعجل
الوعد بعد نص ساعه في معارض الشفاء ندور محل فحص يفحص لنا... قال انا ساكن بالشفاء قلت حلوين

والله واتروش . والبس افضل الملابس . عشان افحص ونصلي وننقل...

بعد عناء من الوقت وجدت محل فحص وحيد فاتح يعاني من وحدته . وقلنا توكلنا على الله نفحص...

صاحب الفحص عندما مرر جهاز الفحص على جميع انحاء السياره . قال البدي وكالة باستثناء جزء من الرفرف الخلفي
قلنا شي جميل .. انا بالنسبة لي كنت مصدقة .لن الرجل يقول انه محتد على البيعه بظروف لايعلم به الا الله

صاحب الفحص .. جزاه الله خير . حب يتاكد لكي يبرئ ذمته

راح لمكان المسامير حقت البيبان . والرفارف والشنطة ...

المفاجاه . في الامر .. بابين+كبوت+رفرف يمين وباب يمين مغيرها تشليح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صاحب السياره حاول ينكر ويجحد . وهوفي اعلانه كاتب شد بلد على يدي وكالة. ثم قال انا اترزق الله ولافحصت؟!؟!؟!؟
ولا ادري عنها واساس الفحص نصاب؟ نغيره قلت ماهو نصاب ولايعرفك ولاتعرفه لاتتهم الرجال باطل

صأحب الفحص . قال من الممكن اكون مخطى أنت شريت قلت اذ شد بلد. قال نزل عربونك على الطاولة . طبعآ باللهجة السودانية
نزيل يازول عربونك على الطاولة..وهسى نفحص من جدٍيد ونتآآآآآكد..
والله وانزل الفين ريال . ثلاث قطع من فئة500ووقطعتين من فئة 100 واربع قطع من فئة 50 وعدد لاباس بة من فئة 10و5ويال

ويفك الزول واحد من المسامير الي فالرفر .. بكل بساطة تبين ان المسمار . معاد طليه بالبوية ..ومكان المسمر يوجد فيه اشكالية وانحلال

الرجل قال هي من المصنع كذأ. ونذهب من عند الباب ويفك مسمار ثاني. والمفاجاه.. المسمار خرج بالقوة لنه مصمغ بغراء؟؟؟؟

هل المصنع يصمغ بغراء.. وانا بفطنتي الذكية وحسي الممتاز.. ذهب الزول وسحب مفتاح السياره . وانا فطتني ماجابت خبر انه بينحاش

قال الزول السياره توقف لبكره .ونروح للوكالة لتاكد . لن الرجل ادعاء ان هذا بسبب الوكالة ومن قبيل هذا الكلام

وفي الاخير رضخ ذالك الشريطي المحتال للامر الواقع وقال..ايوه هدق على عمي يقي الان ويخلص معك.. فانصدمت وانبهرت طلع يمني؟
ويجي عمة وهو شريطي كبير معروف في الموقع والمعارض بكثرة نصبة ومشاكلة ... وقام ينافخ. والله ويدق على اخوياه في الدوريات
ويجون ينفخون صدورهم.. وامسك الجوال واتصل على صاحبي ورفيق دربي وحبيبي

الو .
صاحبي. سم .
انا.. معك العقيد فهد ال****الرقم العسكري 4586957 ..
صاحبي دقيقه اتاكد طال عمرك
صاحبي.. كيف اقدر اخدمك سعاده العقيد..
انا..سجل ارقام الدوريات الامنية.. واعطيهم ارقام الدوريات
صاحبي.. تم طال عمرك.
انا... تتصل على قيادة الدوريات وتبلغهم . وتقول بالحرف الواحد .. مجموعه نصابين استخدمو سلطتهم القانونية ضد الشعب
وياتيني ظابط خفرهم حالآ ...
صاحبي .. وش المشكلة طال عمرك..
انا.. شريت سياره بلوحة كذا واتفقنا على الفحص وطلعت السياره غير ماتفقنا عليه والان يفرد عضلاته بالسذج الي معه لعدم دفعة فاتورة الفحص

صاحبي.. تم طال عمر سيتم أشعار المباحث العامة . وأمارة منطقة الرياض. وقيادة الدوريات.. بالذي حصل

فلبثت برهه من الزمن . انظر الى تفلتهم علي .. وماشعرت الا باتصال من تلفون ارضي.. فوالله وبالله وتالله

أن ركبي قامت تتصافق قلت لايكون المكالمة مراقبه بغيت اروح اقول شريت يالربع فكوني شركم
الا هذا صوت صاحبي. واحط على سبكر

انا.. الو ..
صاحبي . السلام عليكم .
انا عليكم السلام..
صاحبي . العقيد فهد من الاستخبارات العامة .
انا .. نعم

صاحبي. معك النقيب.. فيصل من المباحث العامة ..
. انا .. حياك الله...
صاحبي.. وصلنى فاكس حاليآ . يفيد بان يوجدد عدد من افراد الدوريات يستغلون صلاحية الدولة على المواطنين

انا . نعم صحيح..
صاحبي . وين موقعك بالتحديد..
انا معارض الشفاء باجنب معرض بهجة عسير باتجاه طريق الامام مسلم..
صاحبي . علم نحن في الطريق . وتاكد ان الحصانة والقوة التي منحته الدوله لك ولمواطنين ستاخذ مجراها بالقوة

انا حيأكم الله .. فوالله وبالله وتالله .من جديد . انهم يحاولون الفرار . ويحاولون أخذ هاتفي النقال كي يتاكدو ولكن لايدرون مالعمل . وبدانا جدال وسجال ..
قرابة الربع ساعه . فرايت سيارة صاحبي واقفة باخر المعارض . واخذنا قليلآ من الوقت . الا سيارات الشباب حقين الاستراحه تتفاوت سياره تلو السياره

وعندما شاهدو قرابة 9 سيارات دخلت ووقفت بعيدآ عنهم . بداء يتهامسون . من هؤلا؟ ومايريدون . وهل مافعلة هذا الرجل صحيح ؟
هل نهرب ؟ مالعمل . ويسترجل شخص منهم ويذهب لهم . وبكل ثقه وبساله . نزل احد الشباب قال : وزارة الداخلية وعندنا امر نتواجد هنا
قال الجندي. بطاقتك لتاكد.. قال بطاقتي عندما ياتي ظابطك يتاكد منها... فرجع اليننا..

يقول لصاحبة مالعمل . قال صاحبة ازهله اعرف امخرجه . هيهات يمخرجني .. قال ياطويل العمر السالفه وشهي؟
قلت انت تعلم بالسالفه ومحتواها. قال انا جاي على بلاغ انك تبي تسرق هذا الرجل؟ قلت قول والله . البلاغ يطلع اذ كان فيه بلاغ وتوجية من العمليات

ويطالعون في صاحبهم الذي دعاهم . وكانهم يقولون له بنظراتهم ... فكنا من الورطة لاوالله نادبك ايها الحقير النتن بحق السماء

ووياتي صاحبهم قال هذا 300ريال حقت الفحص . قلت حطه في جيبتك الله رازقني .. قال ياولد نبي نصبح وننهي هالسالفه قلت . ننهيه باذن الله في هيئة التحقيق والادعاء العام

فبداء . يتوسل الي . ويترجاني .. وهو قبل قليل أتي بشلته الفاسده . كي يفرد عضلاته هيهات لك ان اتنازل بعدما بلغ الزبد مدري وشو
ويوم شفتهم صدقو واقتنعو وتاكدت 100بي المية. واخذ هاتفي النقال . وارسل رساله الى صاحبي. دق على الدوريات فعلآ وبلغهم بالي صار

فايتصل صاحبي . وقال بالحرف الواحد . ان ذبحتهم او ذبحوني فانت المسؤول يالي رديت علي..الدعوة اصبحت فوضه ابي البس عسكري واروح انصب على العالم بسم الدولة
قال العسكري الذي يستقبل البلاغات حالآ . نرسل اليك أقرب دوريه الى ان يصل اليك رقيبهم أو ظابطهم

فسمعو البلاغ في الجهاز وهربو من الموقع . ولكن لحسن الحظ محل الفحص كانت توجد به كاميره مراقبة . وصورتهم..واتاني ظابطهم .وتاسف . واعتذر وقال. والله ثم والله ان هالموضوع مراح يمر مرور الكرام ..وهذا البلاغ راح اسجله . وراح اشهد انا ان صاحب السياره يعرفهم. وجاين منغير بلاغ وتاركين مواقعهم

فقلت جزاك الله خير وكثر الله من أمثالك . وذهبنا الى مركز الشرطة لظبط البلاغ . وحاول الشريطي من جديد أن يبحث له عن معرفه كي يدرج البلاغ في مهب الريح
ولكن . الظابط الذي في الدوريات .. توسط لنا عندالظابط الذي في مركز الشرطة . واخذنا رقم هاتفه وقال له . ان خدمته كانك خادمني انا شخصيآ. وتعهد لنا هذا الظابط ان لن يتم العبث بمجريات القضية نهايآ وانه هو شخصيآ سيتولى الموضوع

المستفاد من القصة . ان لايغرك شريطية الموقع الي يقولون شد بلد . الرفارف تتبدل تشليح ويرشون على المسامير بوية ...
2- وصلت الحقاره والوساخه في الشريطية ان يستخدمو سلطتهم ومعرفتهم ضد الناس؟؟؟؟
3- السياره لونها لؤلؤ . 2016 فل كامل شاشة خريطة مراتب جلد كاميرا خلفية فطيمي لوحته ع س ل

4- لافزعولك اخوياك قل بيض الله وجهكم واسحب عليهم ولا ترى بيخسرونك فطور بي 200 ريال وتيس بي 900ريال
5- اذ لقيت لك مجموعه نصابين وحاولو ينصبون عليك انت خلك العن منهم وجب لهم المطمة بس انتبه دقلك على خوي معزز صح مب واحد يكب عفشك
6- اخوكم فالله لاني ظابط ولااعرف ظباط حتى ..عاطل اسحب رجولي من سبع سنوات .. ولكن مايمنع تقول انك ظابط عشان تمخرج عمرك عادي عقيد لمده ساعتين مايضر
7- عندكم وظيفه لسعادة العقيد انا؟؟؟ وسعادة النقيب خويي؟؟

واخيرآ ..لاتراجع ولا استسلام بكذبتك .خلك مصمل على النصصبة ان عقيد . حتى لو كشفوك وكرفسوك في الدورية
لا حذفوك بالدورية . قل معاكم سعادة اللؤاء . او معك الوزير . طبق الاية الكريمة ( لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْراً )
وعشان لاقالو وش قضيته يقولون منتحل شخصية لؤاء او وزير . ماهو عقيد؟؟

إبلاغ

الردود