أضف سؤال أو موضوع جديد          

ايش يعني الـ cc

up 2 down 0
سليمان ثابت 486
قبل 9 سنه و 2 شهر



السلام عليكم ورحمة الله وبركاته 
اخوان ودي اعرف ايش يقصد بالـ CC في السيارة وايش دورها بالضبط ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سعة المحرك مثلا اليارس 1300سي سي والكرولا 1600 سي سي السنتافي 3500 سيسي وكل ما كبر المحرك زاد صرفيته للبنزين واصبح اقوى ومريح في القياده ويفدوك بقية الاعضاء


up 3 down 1
عبدالله ببببب 288
قبل 9 سنه و 2 شهر



سعة المحرك وتفرق بعزم وقوة المكينة


up 1 down 0
YASSER505 4174
قبل 9 سنه و 2 شهر



الله يعطيكم العافيه على التوضيح لكن هل له تاثير على السرعه
 لاني بصراحه اشوف سيارات الـ CC قليل لكن توصل لسرعه ما توصلها السيارات الي الـ CC حقها اعلى منها



up 1 down 0
سليمان ثابت 486
قبل 9 سنه و 2 شهر



عندك السلفرادو مثلا مكينته تقريبا 6000 سي سي وطبلونه 200

وعندك الاكسنت 1300 سي سي وطبلونها 220

هي على حسب حجم السيارة يحكمون لك السرعه وبنفس الوقت عشان المكينه تشيل الوزن الهائل للسلفرادوا عشان كذا 6000 سي سي


up 1 down 0
YASSER505 4174
قبل 9 سنه و 2 شهر



ممكن يعني عندك السبارو الليجاسي الفل اوبشن 2500 سيسي تطرح المكسما الفل اوبشن اللي هي فوق 3000 سيسي لان السبارو فيها تيربو اذا قصدك في المقاومات اما اذا قصدك حدود السرعه الكامري يتخطى 200ك/س رغم انه 2500سيسي اما الفورد الفكتوري يزيد 3000سيسي وما يوصل الا 180ك/س بسبب الفصلة من الشركه


up 2 down 0
عبدالله ببببب 288
قبل 9 سنه و 2 شهر



شاكر لكم يا اخوان على التوضيح والله يعطيكم العافيه ويبيض وجيهكم


up 1 down 0
سليمان ثابت 486
قبل 9 سنه و 2 شهر



هل سئلت نفسك ما معنى سعة محرك السيارة 2.2 لتر ، وهل لها علاقة بقوة المحرك وعزمة وسرعة السيارة؟

الجواب هي :

سعة المحرك هي سعة الاسطوانة بسنتيمتر مكعب في 1000 ليتر ....

2.2 ليتر يعني 2200 سي سي (cubic centimetre) سنتيمتر مكعب وهي سعة الاسطوانة لاستقبال الخليط "وقود وهواء"

ولكن ليس بالضبط 2200 سنتيمترمكعب في الحقيقة هي 2090 او 2080 ولكن هم يعطون ارقام بدون كسور للتسهيل

مثلا سعة 5.7 لتر السعة الحقيقية هي 5669 والرقم يدل على 5700 cc

وكل المحركات هكذا

وكلما زادت السعة زادت قوة المحرك وذلك لان كمية "الوقود والهواء" تزداد داخل الاسطوانة....


هذا وباختصار شديد معنى لسعة المحرك


فرحان: فرحان:

تحايتي،،،


شــــــــــــرس
المصدر: مرسى عوام

iS`diPi `m`d` `RiWiS`l`iJ>>``` `RiWiS`l`iJ``` `m`d` iS`diPi

لا اخاف من الموت ولكن اخاف من دموع امي عليٌ




up 3 down 0
البطش 3583
قبل 9 سنه و 2 شهر



بيض الله وجهك اخوي البطش على هالمعلومة


up 2 down 0
سليمان ثابت 486
قبل 9 سنه و 2 شهر



السي سي سعت المحرك
لكن العزم في عدد الاحصنه ودوران المحرك هنا الي يفرق
لكن تلقا سيارة مثل الاكسنت تمشي فيها وتسرع لكن تسمع صوت المكينه جنبك وتجيب 220 على مسؤوليت الاخوان انا ماتعديت 160 لانها كانت اجار وتجي مثال للفورد يجب برضوا 220 بس ما تدري عن المكينه هنا سعت محرك
وتلقا سيارات تطوف على سيرات حجم مكينتها اكبر لكن اسمع صوت مكينه هذيك واسمع صوت ميكنت ذي
وتحس انه واحد يبي يصارخ وفيه زكمه وكحه ولحمبه وخشمه منسد


up 1 down 0
سلطان سعد 1014
قبل 9 سنه و 2 شهر



ههههههههههههههههه يخرب بيت عدوك يا اخ سلطان على هالوصف 
معناها ان الـCC مالا علاقة بالسرعة لكن يعطي عزم افضل ومرتبط برضو بحجم السيارة صححوا لي اذا كنت فاهم غلط


up 0 down 0
سليمان ثابت 486
قبل 9 سنه و 2 شهر



راح أعطيك اللي أعرف على شكل نقاط :  
 
& cc هو السنتي متر المكعب ، حجم الاسطوانة ( السلندر ) ، يعني لو عندنا سيارة ٦ سلندر حجم مكينتها ٣ لتر ( ٣٠٠٠ سي سي )
 فهذا يعني ان السيارة مجموع حجم اسطوناتها هو ٣ لتر ، ٣٠٠٠ سم مكعب مقسمه على ٦ سلندر

 & حجم المكينة ماله علاقة بالسرعة ، توجد سيارات ٣.٨ لتر وتوصل سرعتها ٣٠٠ ( زي بورشة )  
وتوجد سيارات ٦ و ٧ لتر والسرعة بالكثير ١٧٠ - ١٩٠  مثل الدينات والتريلات  
وطبعا يوم قلت ان كبر المكينة مالها دخل ، اقصد انه حجم المكينة ماهي كل شيء 

 & المكينة الكبيرة مميزتها : عزم كبير ( للسحب والجر والتحميل ، وعزم متواجد بالسرعات العالية حتى لو صار الهواء بالخط ضدك ) 
ايضا تتميز بالهدوء بالخطوط الطويلة ،  
 
& عيوبها : صرفية بنزين عالية غالبا ، صيانة تكلف أكثر  

 & كل سيارة ولها احتياجاتها عند تصنيعها : الجيوب محركاتها كبيرة لأنها تحتاج العزم والقوة 
 السيارات الصغيرة تحتاج محركات أصغر عشان الصرفية ، وعشان أوزان السيارت هذي خفيفة وماتحتاج محرك كبير يشيلها 

 & بعض الصانعين للسيارات الرياضية ، مايحبون يلعبون بورقة الcc ، فيتجهون لخيار الشواحن ( سواء تيربوا أوسوبر تشارجر )  
فبالتالي يتم شحن الإسطوانات بهواء مضغوط ، وهذا الشاحن تسمى احيانا الشاحن الجبري
 لأنها تجبر كمية كبيرة من الهواء المضغوط بالدخول الى السلندر وبالتالي ينتج المحرك قوة كبيرة 
  
هذا مايحضرني الآن


up 1 down 0
فكوك 1684
قبل 9 سنه و 2 شهر



الله يعطيك العافية فكوك 


up 0 down 0
سليمان ثابت 486
قبل 9 سنه و 2 شهر



يا جماعة الخير سعة المحرك تعطيك قوته وحجمه اما بحكم السرعه هذي ع حسب سرعات القير الحين الكورولا مكينتها 1600 والالنترا مكينتها 2000 وكل السيارتين دوران المكينه توقف ع 6000 الاف دوره (ضغط الهواء) بس الكورولا طبلونها 240 والالنترا 220 والسرعه تكون ع حسب سرعات القير هل هي اكبر او اصغر والكورولا الجديده صارت سته تروس عشان تجمع بين العزم والسرعه واسفين ع الاطاله 


up 1 down 0
alharbi-s- 232
قبل 9 سنه و شهر



أحب أشكر الأخوان : البطش ، وفكوك ، والحربي على الإجابات العلمية الدقيقة والهامة .. والله يجزاكم خير والردود الباقية بعد ماقصروا يعطيهم العافية


up 0 down 0
م. ناصر الشمري
قبل 7 سنه و 7 شهر



"cc"

هو حجم غرفة الانفجار في المحرك و اجمالا كلما كانت اكبر كلما زادت قوة المحرك

,

وهي اختصار لـ سنتمتر مكعب Cubic centimeter سنتمتر مكعب وهي الحجم الكلي لاسطوانة المحرك والتي تقاس بحركة البايسون..


up 0 down 0
Abu-Nawaf 337
قبل 7 سنه و شهر