ماهي شروط التأجير اليومي للسيارات

على حسب كل شركة وش نظامها

بعضهم تأمينهم يشمل من 21 سنة مثال شركة الخضر وايفس

بعضها ما ينزل عن 25 سنة ميلادية طبعاً كل هالكلام

وبطاقة عمل وبعضهم مايقبل شركات لازم موظف حكومي ولا عسكري طبعاً فيه ناس تقول النظام والنظام والله ماشفنا نظام لازال اصحاب المكاتب يطلبونها ولو تناقر انت وياهم وتكلم وزارة التجارة مدري النقل بتخلص حاجتك اللي تبيها من السيارة ما اجروك

والحين بعض المكاتب يطلب بطاقة أأتمانية والله ضعنا في الطوشه

يوم اجي من المطار في اغسطس مريت كل مكاتب التأجير يقولون لازم بطاقة أتمانية

وطبعاً رخصة وهوية هذي شي اساسي للاستئجار


لكن يبيلك تمر كل شركة اذا عمرك اقل من 25 وتسال عن شروطهم كنك بتاخذ قرض مهب تستاجر سيارة

أنا استأجر دائما بالهوية والرخصة

بالنسبة للعمر فوق 25 سنة وبعض المكاتب يتساهل

وفي النهاية على حسب الموظف

النظام يعطي اي مستأجر معاه رخصه فقططط 

شوف التاجير متنوعه شروطهم صراحة لكن بشكل عام
رخصة وعمرك فوق21 وهويه وبطاقة العمل البعض يطلبها والبعض لا لكن شكلك واسلوبك له الدور الكبير
يعني لو تدخل بقميص سبعه وتجيب كل طلباته ماراح يعطيك بيقولك مافي النقطه هذي اهتم لها زين وعن تجربه لي
وقبل لا تاخذ السيارة لف عليها شوفها واي حكه خله يسجلها عشان لما ترجعها ما ينكبك ويقولك ادفع وتاكلها

شكرا ويعطيكم العافية

رح لهم مكشخ وشخصية 
الوفاق يأجر لي دائما مع اني طالب 

انت اولما تستأجر راح يفتح لك ملف 
المرة الثانية ما يحتاج تقول عمرك ولا عملك 
قد معك ملف خلاص 

ضبط عمرك في اول تأجير 

لا تاخذ الا من المكاتب هذي ذيب المفتاح بدجت الوفاق الافضل كلهم عندهم تامين شامل بدون نسبه تحمل ولا عندهم تلاعب زي المكاتب الثانيه وشروطهم سهله الغالب العمر من 21 السيارات الصغار والوسط والكبير لزم 25

واللي تحت العشرين لانه زي ماقلتوا بعض المكاتب تاجر على الشكل يعني لابد من الكشخة وانا اقول ورا المكاتب اللي بحينا ماجروني

لا تعب نفسك 20 مافيه ولا مكتب باااجر لك لان التامين العادي اقل عمر 21 سنه

طيب سؤال / لو الرخصة منتهية لها ٢٠ يوم فقط منتهية تمشي الامور؟

لازم تكون الهوية سارية ولا مو شرط ؟