ماهي أفضل سياره عمليه ورخيصه ؟

عندك تويوتا ايكو من موديل ٢٠٠٠ الى ٢٠٠٥ 
انصحك فيها عملية

والله ما تجيب لك موتر كفوو ولا يخرب مستحيل
بتشتري ب ٥٠٠٠ وتقعد تصلح 


انا ارشح لو نجمع قطة من ١٠٠ ريال فقط 
ونعطي الرجال عشان يقدر يشتري سيارة 

اللي مؤيد فكرتي يحط لايك

عندك كمان الكورلاالقديمه اظن 2005 وحولها وانا رأي من رأي حرف الألف 

عندي لك حل بسيط وجميل 


شوف جيلي GC6 
القسط تقريبن ٤٠٠﷼ 

ادفع ٥٠٠٠ الاف كلها اقساط مقدم 

وتمتع بسياره جديده وتاامين شامل طول فتره الاستخدام

عليك زيت وبنزين فقط

واذا تبي سياره كاش شوف لك اكسنت 2004
الى 2008 

مستخدمه وركز على القير والمكينه والمكيف لاتهتم بالبودي كثير

والله يرزقك وييسر امورك 

شفلك اكسنت 2002 الى 2006
عمليه ورخيصه

والله يا اخي انا جمعت 13 ألف وقولت ارحم نفسي من الاقساط ولقيت السوق كل جمعه وسبت ما حصلت أي شي نظيف وكل الشريطية هنود وباكستانيين حتى في المواقع وكذابين الله وكيلك نفسي انسدت وبشوفلي حد اطلع على اسمه سياره اكسنت اقساط وخلاص ..أسعار غريبه في سيارات خرده. .بايع سيارتي سيراتوا 2016 من شهر ماشيه 9 آلاف وكاله لظروفه قاهرة ب 28 ألف واحصل في السوق السيراتوا 2014 ماشيه 60 ألف وكلها صدمات ورشوش على 25 ألف !!! وكلهم كذب الا مارحم ربي

عز الله صدقت كلها سيارات مكاتب تاجير ملعون خامس لها واسعارها شي خيالي مدري العالم تبي تبيع ولا يبون يمشون الجديد على حسابهم ومالوم اللي يشتري موتر جديد بالوقت الحالي

والله صدقت يا ابو ركان كلها لقيتها تأجير أو شركات مقاولات

اارشح لك الجيلي 

اارشح لك الجيلي 

عندي خويي مشتري سيارة من شركة تاجير ماشية 100 الف من 4 شهور والان ماشية 130 الف
السيارة النترا 2013
يدفع اقساط 1150 مدة 12 شهر ودفعة اولى 5 الاف او تدفع 2000 وتدفع اقساط 1400 شهري = الاجمالي 19 الف على العموم
يسافر عليها كل اسبوعين او اسبوع ومن شراها م حط فيها غير الزيت وكفرات لكن تحتاج تضبيطات اكيد بس تمشي الحال
الموضوع انت وحظك .. وبالتوفيق يا رب

حرف الالف
اقتراحك ممتاز وبما انك صاحب الفكرة ياليت تتواصل مع صاحب الموضوع وتكتب موضوع خاص للراغبين بالمساهمة (بالقطة) وايداعها في حساب اخونا

اكسنت ولا احلى موتر بطل وصيانته سهله وقطعه رخيصه بس مو ب5 حاول ترفعها ل10 وخذلك شيء نظيف وموديله جديد نوعا ما

حياك
كان الله بعونك خمس الاف بتحصل بس مهلوكة وبتفتح غرفة باالصناعية
الله يسر امرك