هل ممكن اشتري سيارة مستعمل واظمن نظافتها بطريقة مآ

الكمبيوتر يكشف علي الحساسات فقط . ولو فيه عطل والحساس يعطي اشاره انه سليم .. المهندس يقولك سليم .. لان بعض الحساساات تكون عطلانه او صاحب السيار فاصلهاا . مالك الا تكشف على الكمبيوتر وبعدها تسوق السياره ومعاك واحد فاهم .. وفوق كذا فيه اعطال ما تبين الا بعد فتره من الشراء

حسب التجارب البسيطه
افحص عند مركز . يعني ورشه كبيره
فيها ميكانيكي خبير وفاهم
ثم سمكري يعرف السياره بالنظره
افضل من السباكين اصحاب فحص الكمبيوتر
اللي مربوش وعجل يبيك تفارق علشان اللي بعدك
ويمر تحت السياره وهو يركظ
اما المراكز ياخذون وقتهم وراحتهم ويفصفصون السياره جزء جزء
حسب تجربتي في شراء لكزس 460 لصديقي
كانت في مركز لصيانة لكزس وتويوتا بشكل عام طبعا ليست وكاله

ولله الحمد تجربه موفقه

ماقصرتم تستاهلون لايك وحتى لو ماعجبتني الردود اعطيكم لايك

واما اللي عطاني دسلايك اجزم انه ماقرأ الموضوع ولا حتى العنوان

السلام عليكم . بحكم شراءي مستخدم وجديد والحمد لله . هناك عوامل تساعدك تساعدك للحصول على سياره نضيفه أولها تاخذ سياره واحد تعرفه وثقه . ثانيا إذا ماتوفر لك هالشي . ابحث عن السياره إذا حصلت طلبك . لاتشري بعد المغرب أبدا مع اني قد شريت لاكن وضعي أنا غير . لأنك لازم ترووح لمحل الفحص وتنشب للمحل وتشوف بعينك تحت السياره اول شي تسأل عنه الحوادث ضروووري جداجداجدا والشاص هل فيه ضربات التهريبات من تحت اذا السياره بل او دفع خلفي تنتبه للدفرنس هل فيه صوت هل فيه تهريب . هل في ضربات تحت الموتر . بعدها افتح الكبوت شووف علبة الزيوت فرامل وكلتش وعلبة الدركسون وعلبة المويه ونضرتك للقطع هل هي مقطعه هل مولف للمكيف اسلاك اضافيه هل مولف للانوار كهربا اضافيه تضر بالسياره . هل في اسلاك اضافيه بشطرطون ملوون غير عن الوكاله. ادخل داخل السياره شف نضافة السياره هل الفرش مقطع هل الدركسون منتف ومقطع . لانها باب من أبواب الاهتمام وعشان كذا قلت لك لاتشتري بعد المغرب لان في النهار كل شي واضح . افتح الادراج هل مساميره مكسره شغل المكيف هل شغال وتسمع صوت الكمبرسر اذا اشتغل. قفل السياره وشغلها شف علامات الايرباق والبطاريه وال aps موجوده او ملغيه .. افتح الشنطه شف الكفر شف الفرش هل نضيفه هل مكسره والكفر مرمي .. بالنسبه للمكينه يكشف المحل عليها ويعطيك نسبتها انزع الزيت شف كيف لونه. شف الديتر هل مويته نضيفه حاجات كثيره رتبها عندك وأي خدمه ارجع إسأل ان شاء الله تلقى الجواب الكافي .. والله يرزقك ويكفيك شر الغش واااااسف عالاطاله أو اذا نسيت شي اعذرني .. والكمال لوجه الله 

لاهنت بيض الله وجهك

الفحص ماهو فقط كمبيوتر بعد الكمبيوتر يركب المهندس وياخذ بسيارة لفة ويعلمك وش علتها مثل مركز فحص الغروب

اظن الشباب كفو ووفو ويعطيهم العافيه

حياك
حسب التجارب
البدي الجهاز افضل 
بس فيه ناس تغير الباب الرفرف يعني الجهاز مستحيل يكشفه
لزم ورشة فيها سمكري 
يغحص البدي باالنظر والشاص والكمر هل جاه شد او لاا
ركز ع لمبة الاارباق اذا هي شغاله او طافيه
بعضهم يسوي حركة يشبكها مع لمبة الزيت انتبه لها
طبعا لمبة الاارباق هي اخر لمبه تطفي عند تشغيل السيارة
اذا تاكدت من البدي
ع الميكانيكي المكينه والقير والدودة هل سبق توضيبهن ام لاا
ويتاكد لك من التهريبات 
واذا عطوك اوكيه خذ منهم ورقة مختومة ع مسوليتهم
ماهو بس تمشي عشان لو طلع شي يتحملونه
انت دافع قيمه فحص شامل
وتاكد من استبنة وعفريتت وان كل شي موجود بنفسك
وبالتوفيق