هل مشروع مغسله السيارات المتنقله مربح؟

انا اشوف العكس وقتها يمكن يزيد الربح والشغل اكثر
الناس بتكون ماتبي تحرك السيارة انتظار وزحمة وخسارة بنزين
وتفضل المغسلة تجي عندهم بدون تعب وانتظار وخساير

وبالتوفيق

ان شاء الله مربح بس اهم شي الترويج الممتاز لامشروعك

 الله يوفقك 
عروض مميزه افضل من البنغاليه 
انشر خدماتك بالاعلان المناسب
حاول تكثف عدد العمال 

حاول تضبط لك واحد من المشاهير يعلن لك مجانا او بسعر رمزي ويفضل الفاشينستات والفاشنستين هههههههه

وين تحط المغسله له دور واي فئه مستهدفه برضه لان فكرة تنتظر رسايل عن طريق حراج او غيره غير مجديه
يعني مثلا تشوف لك مول كبير ومشهور وتستاجر منهم موقف او موقفين للغسيل من المغرب الى 11او 12 وفي العصر المعارض
وحبذا لو تشوف وكالة سيارات فخمه
تعطيهم كروت غسيل مجانا مع شراء السياره او بعد الصيانه واذا شاف شغلك تمام ممكن يتعامل معك بالشهر
خل في بالك تاخذ مكسب معقول او بسيط لاتطلب مكسب كبير وانت لسى ماكونت قاعدة عملاء طيبه
برضه حط لك برشورات او شف لك كم شخص من المشهورين في السناب وقله بوضعك انك تغسل سيارته مجانا وودي تدعمني
او كل احد يجيني ويقول من طرف فلان لك نسبه
اهم شي الحين العماله خذ لك فلبيني اوهندي وجودة المعدات خذمناشف ممتازه ومن الجلد الممتاز للتمسيح وعطر للسياه
المشروع بيكون مجدي وفيه مكسب تمام
المكينه لاتاخذا ام لي واحد خذ ام ليين تغسل سيارتين في وقت واحد وبالتوفيق

الله يعطيكم الف عافيه على التشجيع
وكل كلامكم بحطه في بالي 
طيب بالنسبه للاسعار وش افضل شي؟ هل تكون فوق الخمسين او تحته

اكيد تحت الخمسين عشان الناس تتفاعل معك لو فوق الخمسين بيقول اروح المغسله ب20 ريال احسن لي

حاب اضيف على الشباب سويلك حساب في التويتر والانستقرام وانشر نتايج الغسيل كأسلوب دعاية وحاول تسوي عروض مثلا اذا زبون جبلك 3 زباين له غسله مجانا .. زي كذا
وشوف الشركات الثانية ايش مسوية وحاول تاخذ فكرة
وربنا يوفقك

خل سعرك مثلا 25 ريال سيارات صغيرة و 35 سيارات كبيرة واذا اشتهرت
ابدا ارفع الاسعار

مشكورين
احتاج رئيكم واقتراحتكم