أضف سؤال أو موضوع جديد          

اخيرا لقيت الحل مع اخوي الصغير واشكر كل من نصحني

up 19 down 8
jemmi07 340
قبل 4 سنه و 6 شهر



السلام عليكم ورحمة الله وبركاته



* ملحوظة : احد الاخوان رسل لي رسالة في الخاص بقصد نصحي لكن في مضمونها ان اخوي مجرد حثالة لا يستحق الحياة حتى ، لكني حبيت اثبت له ان كل شي ممكن وان
ابن أدم خطاء وكل شي تقدر تغيره دام عندك عزيمة وهذا اخو وله الحمد اغدى مثل اول واحسن بعد


بعد تجربتي مع اخوي الصغير الي كان مفحط سابقا حبيت انزل هذا الموضوع لعل يستفيد منها احد المسلمين وراح احاول اقصر الموضةع قدر المستطاع

بدايتي معه كانت خاطئة للاسف وقمت ضربته ضرب مبرح وحبسته في المستودع تقريبا 12 ساعة وبعدها خرجوه وصرت انا والوالد نصد عنه وهو يبي مننا السمح لانه عرف غلطته طبعا مع سحب السيارة

بعدها بديت افكر في كلامكم وقررت اني بدل ما اضربه واصد عنه اخاويه ، طبعا ناديته من غرفته وقلت له بيد لي من البقالة شبس وبيبسي وتعال وراح جابها عندي للغرفة
فتحت فلم مصري ( صعيدي في الجامعة الامريكية ) وقلت له تعال نتفرج سوا وبعد ما انتهى الفلم جلست معه وخليته يشوف صور لمفحطين ماتو وبعدها نبهته وحذرته وخوفته

الاسبوع الي بعده رحت للمدرسة وسألتهم عن مستواه يقولون ممتاز وجايب في الفيزياء الدرجة الكاملة
الزبدة كلمت المدير قلت له انقله عن الفصل الموجود فيه وخليته يروح لفصل افضل لاجل يغير صحبته

وبعدها بديت انكت معاه هو وأخواني الصغار يعني حتى اخواني الكبار مستغربين وحبة حبة خاويته وصرنا دايم سوا وبعدها بديت اركز على صحبته
وهذي كانت مشكلة كبيرة معي لكني دبرت الحل وبديت اشغل وقته في المقانيص والمكاشيت لين قدرت ابعده ن الملاعين

وبعدها اخواني صارو يعطونه سياراتهم وبدأ يرجع لعقله وقريب ان شاء الله اشتري له سيارة صغير

وفي الختام احمد الله تعالى واشكره على ان من على اخوي بالهداية وأسأله ان يكون مرجع مفيد لكل من له مشكلة مع احد ابنائه او اخوانه








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ياخي ابي اصير اخوك


up 20 down 0
تصآميم 196
قبل 4 سنه و 6 شهر



امزح .. ربي يخليكم لبعض و يصلحه لكم و احسن ما سويت و نعم الشارب .. 


up 6 down 0
تصآميم 196
قبل 4 سنه و 6 شهر



امين ماعليك زود يالذيب

الله يسلمك انت اخوي واكثر


up 1 down 0
jemmi07 340
قبل 4 سنه و 6 شهر





جدددااا 
احسن طريقة انك تخاويه
حتى اذا انت  أب 
لما يصير ولدك بالثنوي خلك صاحبه وصديقه

لان فرد العضلات - يجيب العداوة


up 1 down 0
الصقر2022 1025
قبل 4 سنه و 6 شهر



حياك
ايه هذا السنع العنف مايولد الا العنف 
المراهق مثل القزاز يبي اللي يداريه والا ينكسر وتتورط وياه
وجزاك الله خير وموضوع مفيد 
وباالتوفيق


up 3 down 0
باترول 2020 2624
قبل 4 سنه و 6 شهر



هلا ومرحبا حياكم وكلن بأسمه




up 1 down 5
jemmi07 340
قبل 4 سنه و 6 شهر



عين العقل 

الله يوفق اخوك و يبعد عنه عيال الحرام عيال السوء 

والله التفحيط ما منه خير 


up 0 down 0
بدر الباثفايندري 1125
قبل 4 سنه و 6 شهر



صلحته وترجع تخربه باعطائه سيارة في سن غير قانوني.


up 0 down 0
iadnuyh 842
قبل 4 سنه و 6 شهر



خير ما سويت والحمدلله ربنا هداه



up 0 down 0
loody_23 363
قبل 4 سنه و 6 شهر



اخس على اخواني كانوا يصكون براسي الجدار.  ولا عمري ذقت الشيبس.  بس طلعت رجل احمل مؤهل جيد. بفضل الله ثم بفضلهم
شافوا مصلحتي من زاوية اخرى وهو تقويمي. لأن اخطر مرحله هي المراهقه. 


up 0 down 0
عبدالله الشفيعي 1440
قبل 4 سنه و 6 شهر



الله يجزاكم خير  على الردود

يا سعود الولد الحين ب3 ثانوي ومحد فاضي يوديه ويرجعه وغير كءا خلاص
صار تحت المراقبة


up 0 down 2
jemmi07 340
قبل 4 سنه و 6 شهر



ما شاء الله الحمد لله مشا الحال وصارت اموره تمام خير ما سويت


up 0 down 0
الشرقية ماركت 153
قبل 4 سنه و 6 شهر



ماشاء الله خير ماسويت. 
شكرا على المشاركه وافاده اخوانك يالطيب
بالتوفيق للجميع


up 0 down 0
midnight_963 676
قبل 4 سنه و 6 شهر



ماشاء الله تبارك الله

وانا مع الرأي الي ضد السياره بالثانوي ياخي اذا تقدر خله يروح ويجي لموزين منه يعرف قيمه السياره
والا تشترك له بباص يوديه ويجيبه وبالتوفيق


up 0 down 0
dr.xl 248
قبل 4 سنه و 6 شهر



ترا رجيتنا باخوك


up 3 down 5
khaled 94 -51
قبل 4 سنه و 6 شهر



المهم انتبه تشريله بعض السيارات تراها تبي ترده  لوضعه اول  



up 0 down 0
الاش 621
قبل 4 سنه و 6 شهر



ما شا الله تبارك الله عليك. وأسال الله ان يحفظ إخواننا ويصلحهم .

الرفيق هو السبب الرئيسي في صلاح الشخص او خرابهم.


up 0 down 0
moha1407 183
قبل 4 سنه و 6 شهر



فلم هندي 
فلم هندي 


up 0 down 0
ahmed195 1821
قبل 3 سنه و 11 شهر