وين افصل محل يرهم جيب لكزس2013 بالرياض الى15

الافضل انك تبيعه وهو شد بلد وتشتري ٢٠١٥ بدال الخساير وقطع تايوان مو اصليه وبالنهاية موديله ب الاستماره ٢٠١٣

رهم وخل القطع الاصليه عندك وقت البيع تردها وكذا تخارج نفسك على الجهتين

إذا موترك نظيف توكل على الله ورهمه واستمتع ووقت البيع لكل حادث حديث 

الترهيم مايعيب الموتر وخصوصاً اذا راعي الموتر مافكر يبيع الا بعد فترة طويلة
لكن شرط تحتفظ بالقطع الاصلية ولا تبيعها وفي حالة نويت تبيع رجع القطع الاصلية
هذه من وجهة نظري لان انا ولا غيري اول شيء يخطر بباله ليش محول 2015 اكيد فيه صدمة

في ياغالي محل في الغابي اسمه اظن زيد هذا مختص في الترهيم للجيوب والكزس والشاصات روح وان شاء الله يفيدونك

للمعلومية ترا مايحتاج الا كت امامي وخلفي وعلامات مافيها تبديل اجل تبونه يبيع علشان كت ؟!

افضل محل ترهيم . ماهو في السعودية نهائيآ . السعودية شغل اي كلام+اسعار عاليه

أفضل محل ترهيم الشارقه في الامارات . او دبي. اسعار واقعيه . وترهيم بقطع عليها ضمان .وشغل مضمون

السالفه كلها كت امامي وخلفي وتغيير الكشافات من عاديه الى ليد 
وعلامات سبورت وبس 
واذا تبي تحول للفل تضيف شاشات خلفيه وبس 
الغرابي في محلات متخصصه بالشي ذا 
واذا لونه مو لؤلؤي يحتاج رش الكت الخلفي لانه يجي لونه لؤلؤي .. وهناك في محلات ترش لك 
السالفه ابسط مما تتخيل 
اللي يحتاج تغيير كثير موديلات 2009 الشكل الاول 
لكن 13 و 15 نفس الشكل اختلاف الكت والعلامات فقط 
والتكلفه كلها ما تعدي 1500 او2000 بالكثيييير مرررة

دبي والشارقة ترهيم صح راقل اسعارهم وجودة 

ياخوي اذا بترهم ترى عادي تبيعه وهو مرهم !

لكن بشرط توثق عملية الترهيم بمقطع فيديو بشكل 
واضح جداً وتنسخه عندك كم نسخه للاحتياط 
لكي يكون المشتري على بينه من الامر 

لكن تأكد من المرور لايكون عليه مخالفة !! 
والله يوفقك

هين بالمرور عليه مخالفة لكن ماحد يدقق يشوفون بالاستمارة نفس اللوحات حقت السيارة ولكزس وخلاص الا اذا هو راعي سرعه وتهور ولحقوه ثم وقفوه وكان عليه بلاغ يقولون لكزس 15 ثم شافوه بالاستماره 13 او العسكري راعي تدقيق صح بيستعقد له

انصحك تستنى تجمع لك شوي ثم تشتري ال15 ولو تقعد على اللي عندك زين واحمد ربك

لا حول ولا قوة الا بالله 
يبونك تبيه الموتر عشان علامات وكت هههههههههه 
رهم وترا محد بيبخس بقيمه موترك 
في ناس فلوسها فلوس 13 وتبي 15
موترك بيكون مناسب لهم