أضف سؤال أو موضوع جديد          

هل ضروري تنظيف دبة الرصاص او دبة التلوث

up 1 down 0
ahmad akk 541
قبل سنه و 5 شهر



السلام عليكم حياكم الله يا جماعة

لازم انظف دبة التلوث وأيش الفائدة من تنظيفها لو ما نظفتها في ضرر على السيارة ؟

وهل لو نظفتها تزيد صرفية البنزين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله

فائدة دبه الرصاص تحويل الغازات السامه الي كربون وماء
لانه عند احتراق الوقود تخرج غازات سامة
فتقوم هذه الدبه تحويله من غاز سام الى ماء وكربون
لذلك السيارات تخرج ماء من المفلر

اذا انسدت الدبة يصعب خروج الغازات
وتسبب سخونة عآلية وتكتيمة بالمحرّك ويقل العزم
واحيان تشم ريحة عفنة مثل البيض الفاسد وهذا يدل على انسدادها

اذا سيارتك سهل فك الدبة الافضل تنظفها في اسرع وقت
بإستخدام بخاخ اي سي ديلكو



up 1 down 2
dark evil 416
قبل سنه و 5 شهر



طيب كيف طريقة التنظيف


up 0 down 0
ahmad akk 541
قبل سنه و 5 شهر



شوف هذا الرابط

https://montada.haraj.com.sa/16275


up 0 down 0
dark evil 416
قبل سنه و 5 شهر



لا تشيل دبة الرصاص ابدا
اذا فيها مشكلة غيرها
ترى اذا شلتها ترسب في الفحص الدوري
وتصير تصرف بنزين بزيادة
والعزم ما يفرق معك ابدا الا اذا كانت الدبة فيها مشكلة


up 4 down 1
moathyaseen 1379
قبل سنه و 5 شهر



اول مره اسمع بتنضيف دبة التلوث مين قالك انها تنضف


up 0 down 0
abo3edh 299
قبل سنه و 5 شهر



ماترسب بالفحص الدوري ابد      صرفية البنزين تزيد والعزم يصير افضل والموتر يصير اخف لكن بيطلع كربون سام زي مايقولون الحل تغييرها بوحدة حقت وكالة وليس صناعة سعودية او غيرها الموجود بالسوق لانها تقلل شي بسيط ماهي نفس حقت الوكالة 


up 0 down 0
stecker_gm 178
قبل سنه و 5 شهر



تلقا لك وحدة مستعملة مفكوكة من سيارة تشليح    تلقاها ف محلات الشكامين اهم شي تطالع داخل الدبة وتوجه الدبة للنور (كأنك تصور بالكاميرا) اذا شفت النور صافي معناته نظيفة  واذا مايبين النور وفيها زي الحبات السوده فاعرف انها وصخة ومامنها فايدة    انا ركبت حق كورلا ٢٠٠٩ دبة تلوث كلفتني حدود ال٣٠٠  


up 0 down 0
stecker_gm 178
قبل سنه و 5 شهر



الاسباب التي تؤدي الي خراب دبه التلوث
1- مشكله في البخاخات او البواجي او الكويلات تؤدي الي خروج وقود بالعادم ويترسب داخل الدبه
2- خروج زيت من العادم نتيجه مشاكل بالمكينه مما يؤدي الي ترسب الزيت بالدبه وانسدادها
3- عمر افتراضي للدبه ويختلف من سياره الي اخري ، وممكن يصل الي 300 الف كم
لو ما عندك مشاكل من هذه اعرف ان الدبه عندك ان شاء الله كويسه -


up 0 down 0
عمده33 1616
قبل سنه و 5 شهر



moathyaseen
خدها مني من تجربة شخصية بنفسي على الكامري حقتي موديل 2000 V6
كانت تصرف بنزين + تفتفة + ريحة عفنة بعد سرعة 100 + العزم ميت

وبعد فك الدبة واستبدالها بماصورة ظهرت النتائج كالتالي:
1- نشاط غير طبيعي في الموتر
2- صرفية البنزين جداً ممتازة نص التانكي من اول ماتمشيني حتى 90 ميل
لكن بعد الفك تعدت 160 ميل لنص التانكي يعني حوالي 250 كيلو
3- التفتفة والريحة العفنة رااااااحت ولله الحمد
4- ما اشتغلت لمبة المكينة بسبب حساس الاكسجين قبل دبة الرصاص
5- لايوجد صوت مزعج اطلاقاً
6- صحيح ظهرت عندي ريحة كربون لكن جداً بسيط وغير مزعج ونادر اذا شميته
7- بعد كل هذه النتائج من سابع المستحيلات ارجعها

ومن ناحية الفحص الدوري ما يرسبها ممكن يكتب بس كن حذراً
وان شاء الله قريب افحص موتري




up 1 down 1
dark evil 416
قبل سنه و 5 شهر



بس من سيارة الى سيارة تفرق وما اشجع احد يفك الدبة لان بعض السيارات حساس الاكسجين في الدبة نفسها وراح تسبب لك مشاكل


up 0 down 0
dark evil 416
قبل سنه و 5 شهر



احتمال تكون الدبة عندك مسكرة او فيها مشكلة 


up 0 down 0
moathyaseen 1379
قبل سنه و 5 شهر



لا الحمدالله انا الدبة عندي ياها شغالة بس قاعد استفسر


up 0 down 0
ahmad akk 541
قبل سنه و 5 شهر