استدعاء لامبورغيني

تشوف انت
كويس  كنت رايح الوكالة
بشتري منها بس بطلت

اخص ياللمبرغيني
سيارة بمليون ريال وهذي اخرتها

كلمت الولد كنا بنطلع وحده لاخوي الصغير بس خلينا بعيدين افضل

زين نزلت الخبر بالمنتدى
كثير من اصحاب اللامبو معنا

هذا من احد الاسباب الي منعني من شراء هذي السيارة 

سبحان الله مهما ما كانت السيارة ثمينة وفارهة قد يظهر فيها يوم من الايام مشكلة .


و ليس استحقارا بشركة لامبورغيني ولكن ما احد يسلم من الاخطاء .

شغل وزارة التجارة رهيب و نتمنى التطور إلى الأفضل
فعلًا مهما كانت السيارة باهظة و غالية لا تزال قطع ميكانيكية من تصميم و صناعة الإنسان

تبقى استدعائات  التجارة غامظه  
اذكر الاستدعائات تكون مشروحه بالتفصيل  او تكون على ذمة المعهد الي هم من خلاله  اكتشفو الخلل  يكون معروف عالميا  وعلى موقعه يتضح الخلل  جلياً للي يفهم والي مايفهم 
بس وزارة التجارة عندنا استدعائاتها غامظه 
لايقلون على ذمه المعهد الفلاني 
ولايقلون من شكاوي المستهلكين 
ولايقلون حنا اكتشفناه وهذا رابط الفديو يشرح الخلل 
او يقلون تواصل معنا الصانع وطلب الاستدعاء لأن عنده خطا بالمنتج 
كذا مبهم  بس السياره الفلانيه  فيها خراب يمكن  يخرب عليك المكينه  وشكراً  
هذي مالحضه عليهم من تقريبا سنه  ياليت يتعدلون او يوضحون موقفهم  

الاستدعاء حسب اعلان الشركة ترسله لكل وكلائها حسب ارقام الهياكل المباعة لكل فرع اقليمي و وكالة و ملزومين حسب قوانين التجارة العالمية بارسال نسخة للاستدعاء للسلطات المحلية و هي تنشر اعلان بالاضافة الى تواصلهم مع اصحاب السيارات اذا كانت بياناتهم موجودة بالوكالات

يارجال اللي معهم هذي السيارة ينعدون على أصابع يد وحدة هههه كانت الوكالة تقدر تتصل عليهم واحد واحد وتعلمهم بالموضوع بدون فضايح 

طيب كذا استدعاء  من وزارة التجارة  انتواصل مع الصانع ينكر الشي ذا  وكذالك  الاستدعاء  صاير بالسعوديه فقط ليه ماصار على الدول كلها. وخاصه بحاحات  مالها دخل بهتلاف المواصفات   يعني هي هي  عندنا بالسعوديه وبرا  
وانا عتبي على وزارة التجارة مابينون هو الاستدعاء من وين ليه مايقلون من الصانع   

فيه ضريبه على السيارات الفارهه الي بتدخل للسعوديه قريب