اصحاب الخبره خلط زيت القير بماء اللرديتر

ابوعبدالله طيب وش الحل يعني الجير رح يحتاج توظيب ولا بس اغير زيت الجير والفلت

واذا ممكن ترسلي رقمك ع الخاص عشان اشرحلك المشكلة احسن

ارجع غير الزيت مره وثنتين وثلاث وفيه منظف خاص نلقاه عند الوكالة يسوي فلاش للنظام كامل
بعده حط زيت اصلي من الوكالة واحرص اشد الحرص على تنظيف البدي فلف او مخ القير وخله يفكه حساس حساس ويغسله

حصلت مع خويي في اوبتيما

طلعت مبرد القير فيه فيوز او طرمبه المهم وقفت دفع وسخن ولما سخن صار يخلط مع الاديتر زيت

انفجعنا فكرناها توضيب

وديناها ورشه واحد فنان

وقال مبرد القير فيه مشكله او حاجه زي كذا


وكلفته يمكن 450 ريال شغل يد وقطع

مثل ما قالو الشباب شيلها الوكاله بسطحه وخليهم يسوون فلاش كامل تنظيف للقير
نصيحه لا تروح عليك الكلتشات الكلتشات شغل يد 3000 هذا اذا لقيت كلتشات

غير رديتر المويه زيت القير يمر بمردين واحد خارجي والاخر يجي طبقة بلاستك تحت رديتر المويه اذا انفقعت على طول يخلط زيت مع مويه
اذا موترك ماراح القير فيه غير رديتر مويه جديد وفرغ الزيت وعبي زيت واستخدم النمر كاملة بمافيها الريوس وارجع فرغه حتى تتأكد القير نظف من المويه
وارجع عبي زيت جديد مع فلتر قير جديد

السلام عليكم ورحمة الله وبركاته
ياجماعة الخير اليوم وديت السيارة الورشه والراجل جربها
قلي المشكلة في القير و النمره الاخيره ما تنمر الضغط يوصل ع ال4

وقلي توظيب و رحت محل ثاني قالو لي غير الزيت مع فلتر وش رأيكم

السلام عليكم
يا شباب اليوم رحت فحصت القير
وطلعت مشكلتين في الفحص
والاوله p0741 torque converter clutch (TCC) H

والثانية PA717 A/T Input speed circuit no s h
احد يعرف وش المقصد من الرموز
وعلى كلام الراجل يقولي يبيله تغير حساسين و كمبيوتر

شفت قلتلك فكك من وجع الراس ولا تسوق الموتر لين ينضف الزيت (تنضف زيت ولا توظب قير)

فيه امل لاكن لا تسوقها نهائيا نهائيا نهائيا
الكود الاول له احتمالين الاول ان كلتش الطنجره وهو مختلف عن كلتشات القير انمسح (لازم تشوف طنجره من التشليح ولاكن هذا اخر خيار بعد اللي بقوله في الاخير) الاحتمال الثاني الزيت اللي يضغط الكلتش ناقص او مو حق الوكاله او انه مضروب(وفي حالتك نقول انه خالط مع مويه عشان كذا لا تسوق السياره)

اما الكود الثاني معناه ان العمود اللي يطلع من الطنجره عليه حساس سرعه وهذا الحساس ما يرجع كهرب للكمبيوتر وبالتالي الكمبيوتر موعارف سرعه الدوران اللي خارجه من الطنجره الاحتمال الاول الحساس خرب مع المويه (تغيره من التشليح) الاحتمال الثاني السلك حقه خربان او اللي اشتغل عالقير ما ركب فيشه والاحتمال الثاني القراءة تعبانه لان الكلتش حق الطنجره يؤثر عليه مباشرة


يعني اولا نظف الزيت تماما
ثانيا اذا المشكله باقيه والاكواد مثل ما هي شيك عالحساس اللي قلتلك عليه وعلى اسلاكه فقط لا كمبيوتر ولا حساس ثاني الحساس من التشليح ب 150

ثالثا اذا باقي المشكله مثل ماهي غير الطنجره لانه راحت كلتشاتها

للمعلوميه الكمبيوتر ما عنده حساس على كلتش الطنجره لاكن يوم يشوف السرعه اللي يقراها من الطنجره مضروبه يقلك كلتش طنجره ويقولك حساس لان السبب ممكن يكون واحد فيهم ودائما في الحالات اللي زي كذا سباكين الصناعيه بيخلونك تغير كل شي نصيحه سو اللي قلتلك عليه

اللي صار معك صار لواحد بالباثفندر 2007 الخلل بالرديتر اذا كان مبرد زيت القير مدموج بالرديتر يكون انفتح الرديتر على المبرد وخلط الزيت لازم تسزي تنظيف كامل وتشيكعلى خريطةالقير

السلام عليكم ورحمة الله وبركاته
اسعد الله مساكم بكل خير
قبل 4ايام رحت فحصت وطلعلي في الكمبيوتر
عطلين
الاول p0741 torque converter clutch (TCC) H
والثاني PA717 A/T Input speed circuit no s h

وبعدها يومين الي هو قبل يومين رحت فحصت مرة ثانيه كمبيوتر عند واحد يمدحونه
وطلع ليفي كمبيوتر خطأ واحد
الي هو Input speed sensor (ISS) circuit Low voltage

وطبعا رحت الوكالة و شريت نفس الحساس الي فوق كلفني 154 شكله مثل الكويل
بحاول ارفع صورته وغيرت الزيت و الفلتر مثل قالو لي بعض الشباب
لكن الدقه ما راحت
وقلي المكانيكي يبيله القير توظيب عشان الكلشات بتطلع ريحة حرق

لمبه المكينه او لمبه الاي بي اس ABS والعه ولا طفت

عندي لمبة المكينة بسبب حساس الشكمان

تمام نقول لازم برمجه للتبديلات والثرتل عشان من جديد

افصل اسلاك البطاريه واضغط عالبوري لمده دقيقه

وخل الموتر لين ثاني يوم

واشبك البطاريه وشغل الموتر وخل كل شي طافي لا مكيف ولا انوار لمده 15 دقيقه راح يتعلم الكمبيوتر على الثرتل وبعدين تمشي فيها مشي طبيعي من وكاله لوكاله تفرق لاكن نقول خلال 40 كيلو راح يتعلم القير نقاط التبديل تمشي مشي طبيعي لاخيفيف ولا حرق ولا عليك بالنتعه اذا خفيفه يعني لا تخفف عشان لاتنتع بالعكس خلي دعستك طبيعيه الا اذا الطقه قويه مره معناته اما كلتشات واما مخ القير مسدود لانه على كلامك مافيه اكواد اي قير اتوماتيك يستخدم معلومات من الثرتل ومن واي قير الكمبيوتر يتعلم افضل نقاط للتبديل لانه التروس والكلتشات تتغير مع الزمن فالوكاله تخليه يتعلمها بدال ما تكون نقاط ثابته وقللي وش يصير معاك

ما انتبهت انه يقول ريحه حرق , لاكن منت خسران شي جرب وبعد خلي اكثر من مكنيكي يشم الزيت