أضف سؤال أو موضوع جديد          

مخالفه وقوف جانبي هل الوان الارصفه تحدد نوع الوقوف

up 12 down 7
midnight_963 549
قبل 2 سنه و شهر



السلام عليكم
استمرار لحمله المرور الشرسه على جيوبنا للاسف اقولها صرنا الداعم الاول والاخير للمرور والظاهر70 في الميه من ميزانيته عن طريقنا. 
من يومين اخذت مخالفه وقوف جنب النادي الرياضي ولم اكن لوحدي تقريبا فوق 10 سيارات للشباب حسبي الله ونعم الوكيل. الي استغربت منه وهو استفساري  عن لون  الرصيف . حسب علمي اذا كان الرصيف مصبوغ باللون الاسود والابيض يكون مسموح الوقوف. اما اذا كان الرصيف مصبوغ بالاصفر والاسود يكون الوقوف ممنوع
هل اقدر اعترض على المخالفه في هذه الحاله لان الرصيف لونه اسود وابيض او انتهى موضوعي 
ملاحظه: لما اسوق في دبي على التشديد اللي عندهم مااخذ مخالفه. واذا خذيت احس براحه شديده وش السر ياشباب :)))))







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كلامك صحيح اذا مافي علامات لون الرصيف يحدد


up 3 down 0
أحمد-حائل 272
قبل 2 سنه و شهر



تجيهم توصيات. مفادها.  نبي فلوس ياشباب.  الان رجع نظام الفحص الدوري.  واقفين يترصدون. ماعندك فحص نق ١٠٠
وترى توكم.    بتشوفونهم عيني عينك عند كل اشاره مسببين زحمه ومتخفين في الشوارع.    يتصيدون ويجمعون من هالمليارات
التي تغادر من جيوبنا الي بنوك سويسرا.    ليتها ع الاقل تصرف لصيانة الشوارع  والا لمساعدة الارامل والا لخدمة البلد.  ابدا
تغادر الي البنوك. ذات الارقام السريه.  حسبكم الله.   


up 20 down 6
عبدالله الشفيعي 1436
قبل 2 سنه و شهر



قسم بالله في يوم واحد وفي اقل من ساعتين أخذت مخالفتين وقوف خاطئ

تحسهم واقفين يترصدونا عند البقايل والمحلات !!


up 4 down 1
saadsmb 210
قبل 2 سنه و شهر



الله يستر من تواليها
الضغط يولد الانفجار


up 13 down 1
1405-1985 1183
قبل 2 سنه و شهر



سبحان الله أصبح الناس يتكلمون بتذمر واضح والسبب القرارات التي تمس رزق المواطن الغلبان اسأل الله أن يصلح الحال وينتبه المسؤول قبل وقوع الكارثه


up 10 down 1
الفقير الى ربه 344
قبل 2 سنه و شهر



اللي يذبحني ان العسكر يصكونا بمخالفات وهم اول المخالفين

اتحدى اي عسكري مرور راكب دورية رسمية تلاقيه رابط الحزام ويخالفك بالحزام انت يالمواطن 
طيب طبق النظام ع نفسك قبل تطبقه ع الموطنين يارجل المرور واذا سيارتك فخمة والله مايوقفك بالعكس تلقائياً تفضل طال عمرك بس معاك سيارة عادية او قرنبع ع طول يستعد قدامك وتمشي من عنده بورقة صفراء 
وبعدين مسوين نقاط تفاتيش بكل مكان وربي مافي دولة بالعالم عندها نظام نقاط تفتيش للمرور 

ياخواني تصدقون كل يوم اداوم من عند قاطع فيه زحمة ولكن ماشي الوضع يعني فيه زحمة بس تقدر تخارج نفسك والناس ماشيه قلت في نفسي يوم من الايام ياليت الاقي رجل مرور الصباح ينظم السير مثل باقي دول العالم 
المهم جيت ثالث يوم بعد هالامنية لقيت عسكري ينظم السير وتفاجأت ان الزحمة وصلت في هالتقاطع من كل اتجاه حاولي اثنين كيلو يعني جاء العسكري بس حاس ام العالم في التقاطع وسبب زحمة ههههههههههههه
قلت في نفسي وقتها والله ليتهم رقدوا هههههه


up 6 down 0
yasser alyasser 512
قبل 2 سنه و شهر



تصدق انهم يعطون مخالفه على حزام
وهم ما يلبسونه هههه
واكثرهم والله عظيم اشوفهم يقطعون الدوار بدون
سبب


up 2 down 2
بايع الدنيا 66 1469
قبل 2 سنه و شهر



تطبيق كلنا امن له دور في كثرة المخالفات رغم اني معه صراحة ومع النظام لكن مو بسماح للعامة بتحرير مخالفات على الناس
لانه تقدر ترصد اي مخالفه على الشحص بصورة او فيديو وتحررعليه مخالفة عشان كذا كثير يجينا مخالفات وانت في امان الله
في بقاله او سوق وقوف خاطئ او استخدام هاتف عموما انا عن نفسي ماشي على قول اخوانا المصريين
امشي عدل يحتار عدوك فيك


up 1 down 0
shalsh 321 50
قبل 2 سنه و شهر



انا لو جاتني مخالفة من شخص عن طريق كلنا امن
برفع دعوى ضده وضد المرور ويجب تطبيق مخالفة استخدام الجوال اثناء القياده عليه
تناقض عجيب من المرور
يقلك استخدام الهاتف مخالفه ويقلك ارفعو لنا مخالفات عن طريق كلنا امن


up 0 down 0
ali400ali 228
قبل 2 سنه و شهر



طيب اذا السياره ايجار منتهي بالتملك هل يحتاج اسوي فحص دوري وتامين او البنك يتكفل فيها ولا كيف الطريقه


up 0 down 0
heartms98 -9
قبل 2 سنه و شهر



المرور الحين صار نظام شركات لازم كل فرد إنتاجية



up 0 down 0
صوت ءالعزاوي -1
قبل 2 سنه و شهر



كلمني ضروري لو سمحت اذا ماعليك امر


up 0 down 0
صدام الشلاحي
قبل 4 شهر و 4 أسبوع