مركب زينون ... تنصحوني اشيله؟

ركب عدسات  افضل علشان يوزع النور زين

اكيد انا مركب عدسات ومركب ليد بعد فوق العدسات
ولون الزينون ابيض مثل نور الوكالة لكن اخاف اسافر عليه واتلقى في كل مدينة وقرية ونقطة تفتيش مخالفة !!

يارجال مابه الا العافيه . زمان كان فيه تشديد صح ع الزنون . الان اغلب
السيارات زنون من الوكاله. وانت مركب عدسات ومضبط وضع
وان شاء الله امورك في السليم .

المفروض السيارات الا فيها عدسات وزينون سواء كان شد بلد ولا تركيب
ما يتم منعها ومخالفتها لان بالعدسة مايجهر ولا يزعج وينشر النور بطريقة صحيحة
ماعدا الانواع الي تتعدى 55 واط هذي اصلا خطورتها اكثر على الظفيرة
هالفترة الحين الي سيارته فيها زينون من الوكالة هذا مرتاح ومفتك من المخالفات

انا من رأيي فك الزينون وجرب لمبات الليد لان ماسمعت على الليد مخالفات

وممكن من منطقة إلى منطقة تفرق وكمان على حسب مزاجهم
أنا عن نفسي في منطقتي اكثر نقاط التفتيش يوقفون أصحاب الزينون
الي مايجي في الموتر من الوكالة وحتى لو مركب عدسات

وعليكم السلام ورحمة الله وبركاته انا مركب زينون على العالي وما اشغله كثير الا في خط ظلام

وبيني وبينك ودي افكه هاليومين لان في بعض العسكر يشغل النور ويشوف وماني فاضي اتحمل مخالفة وقبل فترة اخذت مخالفة على كشاف ليد راكبة على الصدام من تحت حاولت اوضح للعسكرري انها ليد لكنه رافض وجات المخالفة بقيمة 300 ريال اجراء تعديل على هالمركبة

*اجراء تعديل على المركبة دون اتخاذ الاجراء اللازم

اذا مركب عدسات امورك طيبه لكن احذر قوة المحولات تزيد عن 55 وات لانها راح تسبب مشاكل مع الوقت

ياليت يكون فيه حملة قوية من المرور على مبزرة الزينون ازعجونا وأجهرونا

يجيك ورع راكب اكسنت ويلحم فيك تلحيم ويكبس في العالي ماتدري من وين طلع

قلة ادب ووقاحة وعدم تربية

تبيني اوخر عنك اكبس مره وحده من بعيد وابشر لكن تلحم فيني وتكبس 10 مرات وتبيني اروح عنك بثانية ولاكاني في شارع

عطني فرصة اشوف اللي على اليمين واليسار عشان يمديني اتحرك بسلامه

الزنون ب الخط. مصيبه خصوصا. الناس الكبيره الله يعينهم نظرهم على قدهم 

ايو والله شله تكفى 
صدقني عملك بيكون عبآدة من أفضل وأجل العبادات
وارح العبآد والبلآد 

والله شف اذا انت مرتاح مع النور خله ياخي اهم شي بالسياره النور مره كان معي فورد وركبت عدسات مع زنون وكنت بطريق مظلم ولا فيه سيارات امامي وكان قدامي حفريات جديده والحمدلله لان النور كان قوي قدرت اشوفها من بعيد واتجاوزها بسلام لو كان النور ضعيف كان دخلت فيها لكن ربك ستر علينا
فنصيحة اخو اذا نورك اضاءته ممتازه خله بكره تسافر ولا تدخل منطقه ماتعرفها النور بيفيدك وبيسلمك بعد الله من كوارث