تلاعب في عداد السياره

اخوي نايف العداد القراءة الالكترونية للمشى يتغير عن طريق جهاز برمجة وهالحركة طايحين فيها شريطيه وحتى كدادين وناس عاديين والحركة معروفة علشان يبيع السلعة بسعر اعلى الله لا يحل عليهم هذه الاموال بالباطل بالنسبة للكدادين يستأجر موتر شهر ويكده خطوط يطلع مبالغ ثم يمر جده والا اي مكان ينزل العداد لممشى قريب من الممشى اللي استلم فيه السيارةويسلمها وانا بعيني حظرت سالفةواحد مستأجر امبالا كانت ماشية 24 وقت ركبت معه مشاها 55 في شهر تخيل يقول قبل اسلمها انزل العداد لممشى 27 او 28 واسلمها

ناس لاذمه ولاظمير تنزل العداد عشان فلوس وين يروح من عذاب رب العالمين او دعاوي الناس  حسبي الله ونعم الوكيل فيهم

لاياحبيب قلبي.   في امريكا يعتبر جريمه اضف الي ان الخواجات. شئنا ام ابينا اكثر امانة من ربعنا
تاهو في صالة مزايا.   بالدمام. منزلين ١٠٧٠٠٠ ميل وكسور.  حول ١٦٥٠٠٠ كم.    اقسم بالله ماظلمتهم           بس اهم شي ان سيارتك
سليمه وليست ايجار.  مع ان ايجار امريكا.  احيانا اهون. لأنه فندق  ونادرا مايتحرك.  واذا تحرك. السواق معه نزلاء فندق.   ف يمشي بهدوء
واحيانا ايجار مكروف حسب

حسبي الله ونعم الوكيل يا اخي انت وياه قبل لا تشتري سيارة استيراد شيك عليها عن طريق كارفكس واوتوشيك واذا انت شريتها لا عاد تفحص الا اذا حبيت تبيع اما تشتري وتفحص وتلاقي الكوارث ماغير قهر الحمد لله انها جات على تنزيل العداد ماكانت سالفج

الله يهديك الفحص قبل الشراء ماهو بعد الشراء
اهم شئ السسياره امورها ماشيه ولا تهتم للعداد دام انك شريتها وامورها طيبه
ودق على راعيها وعلمه السالفه وسو نفسك زعلان شفه وش يقول

صاحب السياره السابق  هو  من  تلاعب في العداد سوري الجنسيه 
والسياره ممتازه ونظيفه بس الي قاهرني هو التلاعب في العداد منهم لله

السلام عليكم
فعلا اخوي هذه مننشره بمعارضنا بكثره تغير عداد المسافات وحاليا طايحين
بسيارات يجبوها من قطر ومن الخليج وتجيك كل عدداتها 40 الف طبعا مكاتب اجار
اما بالنسبه للاستخدام الامريكي سبق وحذرنا منه واي واحد قبل يشتري السيارة
يتاكد من تقرير الكارفس وخاصه عدداد المسافات لانه في شخص يعلن عن سيارات
استخدام امريكي وله كذا حساب وكل سيراته ماشيه 70 الف وتسعين الف واذا حب
يرحمك يحطها 120 الف وشخص شرا منه سياره على اساس ماشيه 90 الف كم وجدها
ماشيه قريب 200 الف ميل اظن كانت 2011 طبعا سياراته بطاقه جمركيه
اما بالنسبه لتغير العددات في امريكا هذا مستحيل لانها عندهم جريمه
التغير يتم عندنا ( هذا ونحن مسلمون )

وسبق وقلنا اما ان الاوان لوضح حد لتلاعب الشريطيه والمعارض بالعدادات
للاسف حنا ما عندنا سوق سيارات مستعمله مثل بقيه البشر حنا الي عندنا اوكار
للشريطيه

شوف وناخوك الفرق 40 الف كيلو نقصها من العداد

لاتضيق صدرك عشان هالزيادة البسيطة واحمد ربك

المصيبة لو انه مرجعها 200 او 300

مدام السيارة زينه وتمام استمتع فيها وارفع يديك وادع عليه ولاتخاف مهوب رايح ولا حق بيروح

كل واحد تلقا معاه جهاز يغير ويعدل صارت سهله جدا
وماتعرف الا بتقرير أوتو شك أو كارفكس
اما السيارات السعودية لازم تقرير من الوكالة إذا كان مسوي صيانتها فالوكالة

فالنهاية السيارة دامها نظيفه ماعليها خوف
والممشى يعتبر قليل للمديل 157 الف و 2007 حتى لو نقصه
سيارتي وصلت فوق 170 وهي 2015
المره الجايه الواحد يفحص بتقرير إذا كانت مستوردة
وسيارتك تعتبر نظيفه

الترجيع طايحين فيه من زمان الشريطية و الزحيفة حقين الاجار

سمعت انهم يعدلون في الممشى
وسمعت انهم يغيرون الابواب والرفارف من التشليح وتصير السيارة وكالة

والنتيجة والله ماعاد طراني اشتري يكون جديد او من قريب معروف

اعووذ بالله هذي مصايد 

الشكر لكل عضو علمنا بهذي الطرق الخبيثة وانقذنا الله يحرم وجهه عن النار