أضف سؤال أو موضوع جديد          

إلى خبراء إستيراد السيارات من الإمارات

up 2 down 0
فايز 2012 469
قبل 5 سنه و 9 شهر



السلام عليكم و رحمة الله و بركاته

و مساكم الله بالخير جميعا

يا إخوان أنا ناوي إنشاء الله أسافر الإمارات و أشتري سياره من هناك، و عندي بعض الإستفسارات

١- إذا شريت السياره من شخص و ليس معرض، هل أودي السياره إلى أي معرض لعمل مكاتبه زي عندنا أو كيف؟؟

٢- الفلوس أجيبها كاش أو شيك مصدق ولا كيف ؟؟

٣- هل هناك مراكز فحص زي عندنا قريب منطقة المعارض ؟؟

٤- إذا كانت السياره مستورده من أمريكا، كيف أعرف أن السياره ما هي "سالفج" أو سبق صار عليها حادث ؟؟

٥- أنا أعرف ان السياره لابد تكون موديل أخر خمس سنوات و تكون مطابقه لتوفير الوقود، هل هناك أمر ثاني لابد انتبه له و أتأكد منه ؟؟

٦- كيف إجراءات التصدير عندهم وهل فيه مكاتب تخليص وكم تكلف؟؟

اللي عنده معلومات لا يبخل علينا الله يجزيكم خير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نصيحة الفحص افحص في مراكز RTA معتمدة من المرور
فحص شامل 400 درهم يدي ومحركات وتهريبات و مساعدات
كمبيوتر ماتحتاج مكاتب المرور تخلص اجرئاتك كله
احذر احذر احذر من النصابين
ولا تسلم الفلوس لا في المرور ولا تتركه ثانية لم يستلم الفلوس
واخذ وصل وانتبه من الشريطبه النصابين كثير اعرفهم انسرقت
فلوسهم والسيارات الامريكيه. قبل تخسر فحص شيك كارفكس
او اوتوشيك ماتكلفك 35 ريال با رقم الشاصي
في عندك السيارات وارد اليابان وأمريكا في العوير نظيفة
بس غاليه وابحث في موقع دزبل في سيارات من الافراد
واحرص على ان تكون مواصفات السيارة مطابقة للمواصفات
والمقاييس السعودية عشان لاتبلش ماتدخل السعودية
واذ احتجت اي معلومة او اي استفسار كلمني وتساب 0541555135
واذ السيارة الماني لازم تفحص عند متخصص الماني بالتوفيق


up 5 down 0
مركز الصيانة 33
قبل 5 سنه و 9 شهر



الفلوس كاش اغلب الأحيان اخذه واحيان تحصل سعر صرف في السعودية افضل
من الامارات


up 1 down 0
مركز الصيانة 33
قبل 5 سنه و 9 شهر



وش نوع السياره تبي


up 0 down 0
hossam.20016 -171
قبل 5 سنه و 9 شهر



شكرا لك أخي مركز الصيانه على المعلومات الوافيه


up 0 down 0
فايز 2012 469
قبل 5 سنه و 9 شهر



الوارد الامريكي في الامارات انحاش منه كله سالفج  ولخليجي معارض العوير او العين خاصه فحص امارة ابوظبي مشددين ودقيق والفلوس شلها معك  تصدير السيارة ربع ساعة وانت واقف يخلصوك وتعاملهم راقي جدا والمقاصة ب ٨٠٠درهم  في مخلصين تحصلهم في ميناء راشد في دبي   


up 1 down 0
sam7srt 193
قبل 5 سنه و 9 شهر



مرحبا اخوي فايز
1- اذا شريت من معرض او شخص لازم تروح انت وصاحب السياره الاساسي اللي مسجل الاستماره باسمه الى مركزRTA وهم يسون لك كل الاجراءات من فحص وتصدير وخلافه 
وطبيعي ماتدفع له الدراهم الا اذا تم تسجيل السياره باسمك او تدفع له نص المبلغ والباقي بعد التسجيل افضل شي لكن ماتدفع لا في المعرض ولا في مكان الشخص. تدفع فقط في مركز التسجيييل فقط. وهذي تعتمد على الثقه فيما بينك وبين البايع 
2-الفلوس كاش لكن اذا فوق 60 الف لازم تصرح عنها وانا صرحت عن مبلغ من قبل والموضوع جدا بسيط بس افضل تصرح قبل رحلتك باكثر من ساعتين او 3 لان ممكن يطولون الاجراءات اذا في زحمه او اقل شي تتعطل اله الطباعه زي ماحصل معي . بالنسبه للجمارك تعاملهم بالدفع الالكتروني (نت او صراف ) فقط لاغير انتبه
3-مثل ماقالو الشباب افحص فحص كامل في مراكز rta. ولماتطلع النتيجه استفسر اكثر هل البدي ملحم مقصوص مثلا العضلات وخلافه للاحتياط
4-اذا السياره امريكيه انصحك وجميع الاخوان بالتالي
تاخذ رقم الشاص من البايع وتروح للمواصفات والمقاييس وتقول لهم بدخل السياره هذي عليها شي ولا ماعليها شي. لاني ادري انه مهما صار من تقدم النظام عندنا لازم تتحقق بالطريقه التقليديه .مع العلم وحسب افادت المواصفات لي ان مرجعهم في السيارات الامريكيه هو الكار فاكس والاوتو شيك. بس نصيحه خذ رقم الشاص وروح لهم والله يعينك .وان ماتبي تروح فالمرجع الاساسي كار فاكس
5- تقريبا لا. لكن حط في بالك ان تطبع شهاده التصدير من موقع كفاءه الطاقه تحط معلومات السياره مع رقم الشاصي مهم جدا تعطيها الجمارك. طبعا اخر 5 سنوات ومطابقه للطاقه وماتكون سالفج مهم جدا 
6-اجراءات التصدير من مكتب rta يالغالي كل شي يتم هناك الله يعطيهم العافيه مسهلين كل شي .انت اجلس واشرب كوفي وطبعة ادفع. حتى سالك تلغيه من هناك والتامين وكل شي .
اتمنى اكون افدتك والاخوان جميعا واذا في شي نقص السموحه 


up 6 down 0
midnight_963 676
قبل 5 سنه و 9 شهر



شكرا لكم إخواني سام و ميدنيت.


up 1 down 0
فايز 2012 469
قبل 5 سنه و 9 شهر



نبي افضل المعارض واكبرها باي مدينه بالامارات


up 0 down 0
296
قبل 5 سنه و 9 شهر



وانا مثلك اخوي فايز ابي سياره ومتحير كيف اخذها


up 0 down 0
keeeeeeeeeds911 137
قبل 5 سنه و 9 شهر