أضف سؤال أو موضوع جديد          

تقرير متواضع عن تويوتا أفانزا

up 30 down 13
123 go 198
قبل 4 سنه و 7 شهر



السلام عليكم ورحمة الله وبركاتة..
أسعد الله أوقاتكم بكل خير..

موضوعي اليوم عن إستخدامي لسيارة تويوتا أفانزا..

وراح نذكر الإيجابيات والسلبيات وسعر الشراء إلخ..

السيارة بشكل عام جيدة جدآ داخل المدينة..

مظهر السيارة الخارجي حليوو لابأس به ..وهي تعتبر زي مايقولو بيبي الإنوفا..

نجي للمحرك /  1500 سي سي يولد تقريبا 107 حصان..

القير 4 تبديلات فقط للأوتماتك..

يعني بسرعة 120 الضغط على 4!!!

طيب نجي للميزات السيارة بشكل عام..

1-المناورة في الزحمات والمراقا ماتبتلش فيها لصغر حجمها..

ارتفاعها يساعدك تطامر الأرصفة وتخارج نفسك من الزحمات..

وايضا مرتفعه عن الحفر والجروف اللي ف الخط..

مدخل السيارة للراكب جيدآ يعني تركب بأريحية وايضآ المعاون وأيضآ الركاب بالخلف يركبون بأريحية ..

طبعا'' السيارة ثلاث صفوف مراتب ..
الصف الثاني يكفي 3 بالغين..
الصف الثالث يكفي2 بالغين ويكفي 3الى اربعه اذا كانو اطفال..

نجي للتكييف / معروفة سيارة تويوتا بجودتها في التبريد..
التبريد لايعلى عليه اعطيه100/100..

يوجد تكييف للمراتب الخلفية غير مستقل..فقط تحكم بدرجة دفع الهواء..

من الإيجابيات ايضا' توفير الوقود إقتصادية في الوقود بنظام eco

اعبيها فل 27ريال تمشيني 525 كيلو..

السيارة يجي منها نوعين استاندر/بدون جنوط _بدون إشارات مرايا_بدون كشافات_بدون مساحة خلفية..
النوع الثاني الفل/جنوط_كشافات_مساحة خلفية_اشارات مرايا..

نجي للرساوة السيارة/ الرساوة على السرعة المتوسطة جيد نوعا ما على سرعة 100 ومادون..

أما على السرعات العالية تلعب فيك السيارة إذا ماكنت متمكن في القيادة..
يعني اذا عندك سواق وسواقته ماش راح يرتبك ويسبب مشكلة لاقدر الله..

بالنسبة لعزل الهواء غير جيد إذا اسرعت فوق ال100..
صوت هوا مزعج مع الابواب وفيه حلول له ماجربتها..

سعر الأفانزا الفل/53 ألف تقريبا تزود او تنقص شي بسيط..
سعر الأفانزا استاندر/49الى50 الف تختلف من معرض لمعرض فرق بسيط..

طبعا سيارتي ماشية 64ألف جميع التغييرات عند بترومين كل 5 الاف كيلو..

أنصح بها كسيارة صغيرة وعائلية في نفس الوقت داخل المدينة..

والسيارة عملية بشكل عام..

وان شاءالله انزلكم تقرير عن سيارتي الرولز رايس المرة المقبلة^_^ امزح امزح هههههه.

هذا مالدي الآن عن السيارة وممكن نسيت شي والنسيان وارد..

أي استفسار او سؤال انا حاظر..

تحياتي للجميع............







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


رائع التقرير تسلم وجزاك الله خيرا

عندي سؤال هل المقاعد مريحة للطوال يعني طول 179 سم مثلا يجلس مستريح في المقاعد الامامية والوسط والخلفية


up 2 down 0
rashidy 352
قبل 4 سنه و 7 شهر



تعبير يدل على انك غير راكد ولا تحترم الاخربن حسب كتابتك ادناه نسختها 
(ارتفاعها يساعدك تطامر الأرصفة وتخارج نفسك من الزحمات..)


up 12 down 39
iadnuyh 842
قبل 4 سنه و 7 شهر



(ارتفاعها يساعدك تطامر الأرصفة وتخارج نفسك من الزحمات..)
والله إنها لفتت إنتباهي مثلك ههههههههههه ودايماً يقولونها أهل الجيوب أو سيارات الـ SUV ( تنفع تطمر بها الارصفه )
ياخي ليه نطامر الارصفه ؟ ليه مانحترم الزحمة ونحترم الطريق ونحترم الناس اللي بالطريق وقبل هذا نحترم انفسنا ونكون شعب متحضر
بالنسبة للسيارة الله يعطيك خيرها ويصرف عنك شرها وسبق وإقترحتها لصديق لي واشتراها والحمد لله ماندم
+1 للجميع


up 19 down 17
..original 219
قبل 4 سنه و 7 شهر



(ارتفاعها يساعدك تطامر الأرصفة وتخارج نفسك من الزحمات..)
والله إنها لفتت إنتباهي مثلك ههههههههههه ودايماً يقولونها أهل الجيوب أو سيارات الـ SUV ( تنفع تطمر بها الارصفه )
ياخي ليه نطامر الارصفه ؟ ليه مانحترم الزحمة ونحترم الطريق ونحترم الناس اللي بالطريق وقبل هذا نحترم انفسنا ونكون شعب متحضر
بالنسبة للسيارة الله يعطيك خيرها ويصرف عنك شرها وسبق وإقترحتها لصديق لي واشتراها والحمد لله ماندم
+1 للجميع


up 4 down 12
..original 219
قبل 4 سنه و 7 شهر



الاخ ماكان يقصد انه يطامر فوق الارصفه بشكل يومي
لكن احيانا الطريق يكون مقفل اما فيه حادث والا شي وتجلس تنتظر نص ساعه واقف
فهنا تجي فائدة السيارات المرتفعه تطلع عالرصيف وترجع دربك تشوفلك طريق ثاني
رغم اني ضد هذي الحركه بس مجرد وضحتها




up 15 down 4
bmw z4 1499
قبل 4 سنه و 7 شهر



ههههههههه
بعض الناس فلسفه اجل شاري سياره مرتفعه وانشب بزحمه ومستعجل ولا اطمر الرصيف!!
لاواحد يقوله ماتحترم الي بالشارع هههههه حلوه ذي انا ساب الي بالشارع ولا ضاربهم
تراها كل صعود رصيف ماتضر اي احد بالشارع
الله يعطيك العافيه ياراعي الموضوع على التقرير وماعليك من الانتقادات الي تجيك


up 13 down 16
d7ooom777 391
قبل 4 سنه و 7 شهر



بالنسبة اللي يقول غير راكد واللي يقول تطامر ايه نعم اطامر واراقي ولا اخلي شي تعليقك خارج عن صلب الموضوع ولايخدمه في اي شي والثاني اللي يقول ماتحترم انظمة المرور عن اي انظمة تتحدث يارجل..

إذا حصلت طرق زي الناس نعم ابحترم الطريق اذا مجاري الأمطار والسيول ماتطفح بمياه الأمطار اللي استمرت اسبوعين نعم ابحترم الطريق اذا وزارة النقل اهتمت في الحفر والجروف والتعرية الإسفلتيه نعم ذام الوقت انا وانت وغيرنا بيحترم الطريق والنظام..

أو مدري كيف فهمت المراقا والمطامر  ..

بالنسبة للأخ اللي سأل المقاعد مريحة .. لا أخوي السيارة غير مريحة إذا بتظل وقت كثير فيها كالسفر او مكان بعيد ..

انا طولي تقريبا 170 اشوفها مناسبه وعندي جارنا مصري اطول مني اشوفه يركب بالراحه..


up 13 down 6
123 go 198
قبل 4 سنه و 7 شهر



يارجال لو تطمر بها رصيف انقسمت نصين هههههههه ولا انقلبت


up 12 down 5
ابو راكان 2002 280
قبل 4 سنه و 7 شهر



استغرب كما تستغربون من الامر الغريب الحاصل في هذا المنتدى
الرجال منزل تجربته للسياره بكل أمانه وحياد وذكر الإيجابيات والعيوب ( للإفاده )
ويجيه 5 دسلايك ليه ؟! وليت اللي يحط دسلايك يمتلك الشجاعه ويقول انا اعطيك دسلايك عشان كذا وكذا
للأسف حركة الدسلايك الغير مبرر تسبب عزوف الاعضاء عن المشاركة خوفاً على النقاط طالماً من هب ودب يقدر يخسف بنقاطك
ياليت ادارة المنتدى تلغيها


up 4 down 5
..original 219
قبل 4 سنه و 7 شهر



بيض الله وجهك بالنسبة لمكينتها كم حجمها اشوفها صغيرة مرة 


up 3 down 0
has5san 97
قبل 4 سنه و 7 شهر



ماتنفع في المناطق الجبلية خصوصا اهل الجنوب 
المكينة صغيرة جدا ولو جربتها في ابها او اي منطقة من المناطق الجبلية 
كان كرهتها واليوم اللي شريتها فيه


up 4 down 0
mohammed shareef 1086
قبل 4 سنه و 7 شهر



بالنسبة للمكينة السيارة هي نفس مكينة دباب الديهاتسو سعة 1500 سي سي .


up 0 down 1
النهراني 271
قبل 4 سنه و 7 شهر



سياره تنفع للمدينه فقط اما خطوط ماتنفع

واحد اعرفه مع مثلها وركبت معه كذا مره الصراحه صوت المكينه مزععج وفيها ضيق
لاكنها اقتصاديه

المهم ناخيكم ياشباب اعطوني لايكات عشان تصير نقاطي
خمسه لاني ابي احط موضوع ومعيي يقول لازم 5نقاط فزعتكم


up 11 down 1
bo3wes 97
قبل 4 سنه و 7 شهر



سيارة عملية بحتة وسعرها رخيص لكن غير مريحة 
للي مايعرفها السيارة طالعة من مصنع دايهاتسو ومكينتها وقيرها ودفرنسها هو هو حق الجيب الدايهاتسو نفسه واغلب القطع الميكانيكية  عيوب السيارة هذي الراحة مهي مريحة والمكينة صغيرة يعني لو بتحمل بيضعف عزمها مرة وقيرها مصيبة ٤ نمر فقط 


up 1 down 0
blakman 2
قبل 4 سنه و 7 شهر



باين من الي حطوا لي ديسلايك انهم من الشباب وربما بعضهم ورعان من الي سواقتهم همجيه ولا عندهم احترام للاخرين بالمطامر على الارصفه وعدم احترام الاخرين .
القيادة فن وذوق واخلاق.
وصاحب الموضوع عندك افانزا وهاذي قيادتك مادري لو عندك همر H1 ايش راح تسوي.


up 2 down 7
iadnuyh 842
قبل 4 سنه و 7 شهر



تقرير رائع الافانزا. ابي لايكات ابي انزل موضوع 


up 2 down 0
aazz1989 -22
قبل 4 سنه و 7 شهر



يقولون الخبراء حقيننا الافانزا ماتنفع عندنا في المناطق الجبليه وينسون انهم اذا سافروا شرق اسيا وخصوصا اندونيسيا وماليزيا مايركبون ولايتنقلون بين المدن والقرى والمناطق الجبليه الافانزا .....الافانزا باختصار سياره عمليه قويه مناسبه جدا للعوائل اللي تبحث عن سياره واسعه واقتصاديه في المقام الاول


up 0 down 0
لوعة شفق 2
قبل سنه و شهر



وانا ملاحظ عليها تصرف بنزين واجد


up 0 down 0
abufahd222
قبل 5 شهر