الغش في مراكز فحص السيارات

مركز الفحص هاذا اخر شي اخر شي الاول جربها وقلبها ولازم تاخذ معلومات عن الفحص الاولي للسيارة

واليوتيوب مليان لطريقة فحص السيارة لكن تمشي وتشتري على عماها تحمل الي يحصلك بالسيارة

عن تجربة مع سوداني بفحص
يقول مااقدر اقول السياره تعبانه لان اتورط مع الشريطي
ويقول الافضل تجيني قبل الفحص ونتفق على كلمة سر اقول لك اذا السياره ماتنفع

وعندهم كلمة بيرنج الشداد.  دايم يكتبونها.   كذا سياره نظيفه يكتبون كذا
افحصها تطلع سليمه.   واستخدم سنوات ما اغيره 

ما اقول الا حسبنا الله ونعم الوكيل فيهم

ياخوي ممكن تعلمني
وش الفرق بين الفحص الاول والثاني الي طلعت فيه مشاكل؟ 
لاني قد فصحت موتر كنت باشتريه
فقط طلعلي القطع الي يبغاله تجديد غيار
وتوضيب للمكينة وفيه تهريب
واخذ لفه بالموتر المهندس
بعدها فحص كمبيوتر طلع لمبه الارباق ومانع انزلاق مفصول

وما عطاني نسبه المكينه ولا الشاصيه جات صدمه او لا 
البودي مرشوشة او لا 
ينفع ذا الفحص ولا بعد نصب علي؟ 

اخوي اولا الله يعوض عليك
ثانيا
تقطعت حلوقنا وحنا نقول لاتفحصون عند مراكز فحص المعارض
شغلهم متعلمينه وعن دلاخه ومستعجلين علشان الزبون اللي خلفك ولاعندهم الوقت ولا الخبره ولا العلم الكافي انه يفحص السياره
اجل يفحص سياره ب دقيقتين
افحصو عن ورشات كبيره فيها ميكانيكي وسمكري
ياخذ وقته بالفحص لانها مهنته وخبرته

تاخذ حقك خذ معك ورقة فحصه التعبانه
وايضا خذ فحصك من الصناعيه وقدم عليه شكوى
وشوف الجهه اللي تبدا من عندهم ممكن الشرطه وممكن تحال للمحكمه المهم قدم شكوى

انت قلت فحصت بالصناعيه وطلعت بلاوي
هذا كلامي لما اقول افحص بورشه كبيره هو اللي يعلمك والله اعلم

نفس موضوعك انا وحاليا تحت الاجرات نشوف وش اخرتها 

بشر وش صار معك يا الفارس 989

الا الان ما صار شي الفحص يقول اذرعه والعضيب يقول دوده وباتكد وبرجع لمركز الفحص اذا حصل تعاون من صاحب المحل زين ما حصل نشوف الاجرات كيف اهم شي لا سكوت ومن قال حقي غلب