سيارات جديده ظهرت واختفت

وعليكم السلام ورحمة الله وبركاته
كثير من السيارات تختفي بعد فترة من نزولها وما أدري ايش السر للأمانة
عندك الجيلي كمثال انتشرت انتشار كبير اول ما نزلت والحين فين وفين تشوفها مقارنة بأول ما نزلت

اتوقع بسبب زيادة المنافسين لذي الفئات
عندك الازيرا شكلها مستهلك وبايخ
السوناتا الجديده اطلق منها
الكزس مدري
والامبالا في لها منافسين عد وغلط وارخص منها
هذا والله اعلم يمكن كلامي صح ويمكن غلط

لاتنسى البنزين ماسك الناس ذي الفتره

الشعب ولهان على الاكسنت

صح كلامك السيارات الكورية بشكل عام انتشرت بشكل خرافي ثم خف انتشارها عن اول

الشعب مطفر ورجعوا للسيارات القديمة

الطفرة لها دور..

حتى نفارا
و لكزس 460

السبب سعر البنزيم ارتفع الناس صارت ماتاخذ 6 سلندر وفوق شف سعرها بالسوق طاح طيحه شنيعه عندك مثال الافلون 2009 قبل سنتين كانت تنسام بـ 80 الف الحين 30 الف الي 35 عطيتك مثال افضل
سياره اشوفه 6 سلندر تمسك سوقها

فعلا
بعض السيارات انتشرت واختفت وطبعا الجوده وتوفر قطع الغيار هي اللي
تنشر السياره بين الناس
اما بعض المواتر فقط شكل جمبل اما جوده صفرر
والبنزين جعل الناس تفكر بالسياره الاقتصاديه
والفشخره لأهلها

السيارات بتكون جديده وأول ما تبدأ تطلب قطع غيار واصحابها يكتشفو عدم توافرها وسعرها المرتفع بيتخلصوا من السيارة أما بالبيع أو التشليح 

واضح السبب من البنزين والسبب الثاني من المحرك 6 سلندر يصرف بنزين والناس بدأت تتجه للـ 4 سلندر

البنزين ماهو سبب لان يوجد بها موفر بنزين القطع كذالك يوجد قطع لها صراحه الاسباب غامضة جدا

السبب الحقيقي قلة الهجوله اللي كنا نشوفها عشان كذا اللي
عنده 6 سلندر وفوق موقفها ويروح بيها للضروره
والبنزين ماعاد فيه بركه صراحه تعبي فل بقيمه مرتفعه عن اول
ويصرف اكثر من اول او الناس صارت نفسيات مع ارتفاع البنزين
انا مو قادر احدد هي نفسيه او فعلا البنزين يستهلك اكثر من اول
والسبب الثاني الناس تخلت عن سيارات كثيره بسبب قروضهم
وقرارات إلغاء البدلات الفشخره ذيك انتهت والله يجيب العاقبه سليمه
لنا ولكم

هي ربما شيء نفسي يعني انت ماتشوف غيرك يشوف ويلاحظ والسيارات موجوده في الشوارع وكذلك تباع في الوكالات لكن كل مافي الامر ان الفرة الي مالها سنع وقفت تحسب لارتفاع النزين وهذا امر طيب يصير الواحد يطلع يقضي مشواره ويرجع بيته مايحتاج تلف الشوارع وتزاحم الناس ع الفاضي

ناهيك عن وضع التقشف وقل الرواتب والوظايف ومع هذا كله مازالت اسعار السيارات مرتفعه ومانزلت الا شيء بسيط فقلت القوة الشرائية كثير عن اول ولابد من نزول الاسعار اكثر واكثر والا بنخليها تصدي في الوكالات ونرجع للمستعمل المهم سيارة نظيفة تادي الغرض بسعر طيب مو لازم جديد

حياك
هذي بداية رؤية 30/20

اجزم ان الشغلة نفسية!!

اي سياره تنزل الكل يركز عليها ولو سيارة وحده تشوفها باليوم راح تقول انتشرت وبعد فترة بتنسى موضوعها تقول انها انقرضت

جرب الاسبوع الجاي وحط ببالك كامري 2007 ازرق فجاة بتصير كثيرة قدامك واول ماكنت تشوفها