ماهو افضل بنك لسحب سياره منه بالاقساط

ماني متاكد لكن أظن البلاد مسوي عروض حلوة ع السيارات

شوف سيارات التنازل في الموقع 70 % منها من البنك الأهلي وش الميزه الي عندهم الله اعلم ؟

اذا امداك تفك نفسك من هذه القصة تكون تمام الموقع مليان سيارات نظيفة في سيارات نظاف بالهبل خذلك وحدة منهم ولا تربط نفسك بديون وذل للشركات اسمع مني ان مجرب ومارح اعيدها بحياتي وموتري معاي ابمشي عليه مليون واقلب عداده انشاء الله ولا رح احط نفسي تحت رحمة البنوك وشركات التقسيط ذل ما بعده ذل وعذاب لا يعلمه الا الله

كنت اقصد طبعا بالمستعمل النظيف مليان بالموقع سيارات مستعملة نظيفة واقل ما يقال عنها وردة واسعارها مقبولة جدا

هذه نصيحتي وعاد انت ابخص

المعتصم بالله ... لايك لك وكلامك صحيح ونصيحه ممتازه

لا تنكب نفسك نصيحه والله انصحوني ناس بالكاش بس مكان
متوفر عندي/واخذت تاجير من شركة عبداللطيف
اقسم بالله مرمطني لاسمح ولا قدر الله وصار حادث
ياخي التامين على الموظفين/يكرهونك السياره كائن واحد يدخن وينفخ بوجهك
كل شي تاخير يبيلك اجازه عشان تخلص اوراقك(الكاش راحه نفسيه)
سيارتي باقي مامشت 8000كيلو كرهتها السبب/عليك اخر الشهر قسط تشيل همه
اذا وضعك اوكيه ثانين الصيانه على حسابك اذا بالوكاله شوف الصلخ بالزيت والسيفون فقط

اولا يا شباب انا بصراحة من بعد تجربة مع التاجير المنتهي بالتمليك وساتكلم عنها بموضوع لاحق ان شاء الله مستغرب الاتي لكن نحن نبي نخلص سريع سريع وشيئا فشيئا نكتشف انو دخلنا بورطة ولما تيجي ترفعها شرع يواجهونك بتوقيعك والعقد الموقع عليه انت فهنا تسقط كل مطالبة

نجي للسلبيات : شلون تاجير وانت كل شي تتحمله في السيارة من صيانة لفرامل لزيوت لفلاتر لتشييك يعني من ناحية الصيانة تعامل كانك مالك السيارة ومن ناحية التاخر في الاقساط تعامل كانك مستاجر واخس من المستاجر بعد (نتكلم عن حالة عدم انتظام في السداد لسبب ما) طيب كيف تبيني اقسط واسدددلك واحافظ على سيارتك بالصيانة من جيبي يا خي اخصم من الاقساط مصاريف الصيانة على الاقل مو هذا اجار انا اذا استاجرت سيارة من محل ايجار هل انا اللي اغير الزيت وانا واغير الكفرات وانا اغير الاقمشة وبعدين شلون اوازن بين صيانة الموتر والاقساط؟

بعدين كيف يمشون الناس فيه وهو حرام والله ياناس لم اكن اعلم بحرمته الا في اخر العقد ولو علمت من الاول لما دخلت فيه ابعد عن الحرام واطلب رضا الله قال الله تعالى قل لايستوي الخبيث والطيب ولو اعجبك كثرة الخبث

ذكريات سيئة بعدين لا تنسى موترك وتمل منه مع الايام ويطلبك صيانة وعليك اقساط وايجار بيبت ومدارس اولاد ومصاريف الزوجة والاولاد واوبك وامك واخوك اجل اترك عنك الامور هذه الله يرضى عليك

اخوي المعتصم كلامك حلو لكن الايجار ما يروح له الا المنحد الي ما عنده كاش ولو عنده ما قرب يم البنوك
الله يفرجها علينا وعلى كل مسلم يارب

شوف وانا اخوك
اذا راتبك يساعد ماهنا مشكله بس تكون حاسب حسابك للمستقبل بحيث ماتتفاجئ زيي مثلا اخذت قرض وبعدين قلت باخذسيارة تاجير لان راتبي بيساعد
لكن جت فجاه خصم الرواتب وصار ضغط مادي ماحسبت حسابه ولكن الحمد لله انه باقي فقط 8 اقساط واخلص الشي الثاني ابعد عن بنك الرياض للاسباب التاليه ياخذ10% من قيمة السيارة زيادة في حال اردت انك تكيشهم وكانه يعاقبك نسبة التحمل في حال كان الحطا عليك 5000 ريال ياخذ على التفويض لدول الخليج 100 ريالاو اكثر ناسيالوكاد انه عله في كل شيونصيحة الكاش افضل لك من التاجير المنتاهي بالتمليك

فيه شي نسيته بنك الرياض الحقير ياخذ غرامه عليك 300 ريالفي حال تاخرت بسداد القسط عشر ايام تخيل الحقارة يعني مايخليك تنتظر لاخر الشهر او شي لازم خلال عشر ايام ولا بيزيد عليك القسط 300 ريال بالله هذا بنك سعودي ولا يهودي

لو تتسلف من الوالد والوالده وكل اقاربك وقريباتك
وتجمع مبلغ زين وتشتري النترا 2012نظيفه 30الف او اقل
افضلك بمليون الف مره من مذلة البنوك ومذلتهم وتعذيبهم للشخص
هذا كلامي لك والسلف لاتاخرت اهلك ماعاتبونك مو البنك يسحبها
منك والطامه الكبرى ان لاصدمت وتلفت تروح كل فلوسك
من دفعه اولى والاقساط الي سنين ادفعها
نصيحة لو بتاخذ ايجار منتهي بالتمليك استأجر سياره 
من اي مكتب ب60باليوم وريح راسك

لو تشوف لك سيارة تنازل بدون مقابل وراح منها سنتين وفيها اشوف انه افضل في الوقت الراهن