موضوع بعيد عن السيارات

منتدى السيارات < مالاحضت شي؟ 

مالاحظت ,,,,,,,,,,,,,,و

أنت تبغى تبني وتسكن ولا تأجر ليش ثلاث أدوار.؟
ابن على قدك واسكن بعدين توسع وابعد عن القرض العقاري

شغل الايام هذي .. العظم من غير مواد 60 ريال للمتر مايتعداه نهائيآ.. وعليك بالعماله الباكستانية مبدعين
مع المواد ..من 210 الى 260

وافضلك منغير مواد ... تراك بتوفر توفير مايعلم فيه غير ربك . وانحش عن حقين المقاولات . دور العمال بنفسك أنت أوفر
لين مثلآ رحت لمكتب مقاولات او حقين المقاولات الي يسوقون لنفسهم ... راح تدفع 70 الى 80 للمتر ..وهو بيتفق معهم على 50 او 60
يعني بيحط في جيبه فايده انت اولى فيها

تعتمد على المساحه وونوع التشطيب من ذ٦٠٠ لل٨٠٠ واصفقها بخزانات مويه صاحبه من سته سكس الا ثمانيه 

صاحب سموه وين المقااول الي يوافق ب60 !
اذا تعرف مقاول شغله زين كلمني

حمدان . ايه أعرف . الوصف
طريق ديراب باتجاه الغرب . ابتل لين يجيك مخرج الامام مسلم اطلع مع المخرج . وامسك طريق الامام مسلم
اول اشاره خلها ثاني يسار لف يمين . ابتل لين تجيك اشاره . يسارك يجي نادي ويمين مطعم بخاري
لاتعديت الاشاره . بتجيك برحه بتلقى انواع العماله ... وجودهم الصباح
الموقع الثاني .. مسجد الاميره هيا.. نفس الوصف ولكن لاتعديت الاشاره الاولى بتجيك اشاره ثانيه ..تعداها . وابتل لين تجيك ثالث اشاره اخذلك اوتير تلقاهم في مواقف المساجد

الوصف الثالث .. حي الفواز ...ابتل لين تجيك محطة كميخ القحطاني وادخل من عندها وبيجيك مسجد الفواز على يمينك
وبعدها ابتل لين تجيك محلات على اليسار ... وبتلقى عماله مصرية ويمنيه وباكستانية

ولاتقوم تسال تقول اذ تعرف واذ ماتعرف . انزل ودور وتلقى انواع واشكال . مغير منسدح في وسط بيتك وعلى موقع حراج تدور عند المقاولين النصابيين