أضف سؤال أو موضوع جديد          

طلعت موتري من الوكالة كامري 16 وقصتي مع الوكاله

up 3 down 4
hossam.20016 -171
قبل 5 سنه و 2 شهر



السلام عليكم 
اخباركم اخواني جمعه مباركه على الجميع 

أمس طلعت موتري صلحوه ورشوه رفرف وكبوت وصدام وغيرو شمغة وانا نسيت الزينون بالسيارة راكب 

دخلوها الوكالة يوم الأحد.  13 أو 12 ناسي والله وطلعت أمس الخميس 

السالفه جيت بركب لمبات العالي بالشمعات الجديده طلع مافيها كهرب يعني ماوصلو لها والفلشر جه الراكب طافي وهو ليد تجاري 
طيب رحت لهم صلحو الكشاف قال لا انت مركب زينون قلت خلاص انا اصلحه برا بس صلح الشمعة وصل له كهرب عشان اشبك اللمبات قت
قال لي لا مايشمله الضمان 
قلت له انا قبل الحادث كان شغال وانتو الحين غيرتوه الحين اشبكوه قال لا مادخلنا قلت اوكي بشتكي الوزاره التجاره.  طبعا بهدد ومارح افعلها بسبب الزينون 
طبعا المهندس جاء يهاوش مركب زنون وبتشتكي للوزارة قلت له ياحبيبي شغل لي الشمعه الجديده مابغاك تشغل الزينون عندي لمبات الوكالة وشغلها لأن ماعندي أنوار والساعه 5 ونص أو 6 
قال لواحد من المهندسين بلغه مادري وش ذي وهم هنود أو من بنقلادش طبعا فهمت منه كلمه زينون ورحت قبله للسياره بطلعها إلا الحارس يقول ممنوع قلت له ياحبيبي السياره باسمي وماحد يقدر يوفقني طبعا كنت معصب منهم وجاء المهندس بيصور رفضت وبالغصب يبي صور خايف انا وقتها يلغيها من الضمان صورها وصور سلك الزينون وصور اللوحه وقال لي روح 
طبعا قبل كل هذا طلبت مدير الصيانه بكلمه لأكنه رفض يقول أنا مدير الصيانه 

وش الحل وهم اصلا قالو لي فيه تلميع للبودي المرشوش قلت لهم تمام ذا صباح الخميس وماعطاني ورقة يعني اجي المعها كذا وش الحل انا اشوف البودي فيه مثل حصى قال بالتلميع يروح 
اذا رحت ورفض وش السواة 

والسيارة أمس حكيت بها برصيف عند الاشاره بالصدام الأمامي نزلت اشوفها طلع مثل الخيوط والبويه طلعت من أماكن مفرقه وش ذي الخيوط الي طلعتها وكيف ارجعها مثل اول 

والله ياشباب أن ابوي صار له حادث واثنين من اخواني وانا ثالثهم الله يستر علينا 

فيدوني بالله الله يسعدكم ويرزقكم بما تتمنونها 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بصراحة ماني فاهم الموضوع لكن اذا نور طافي غالباً فيوز سعره ما يتجاوز 3 ريال

اذا الشمعة كلها مافيه انارة هنا اقلك الشمعة مهي موصلة بالكهرب لان الشمعة كاملة لها فيش واحد يوزع للعالي و الواطي فمستحيل يوصل للواطي والعالي لا

وطبعاً لكل لمبة فيش من نفس الشمعة

الزنون اذا مافي تجريح اسلاك يعني مقاس الوكالة ما ياثر

اشتغلت عندهم فترة حتى هم يركبوا زنون لكن بعض الاحيان الموظفين نفسهم يتفلسفون

حاول تروح لفرع رئيسي كبير و موظف سعودي لانها بيخدموك اكثر من المصريين لكن ما تصارخ روح له باحترام وهدوء وصدقني بيخدمك


up 6 down 1
almuhands 242
قبل 5 سنه و 2 شهر



مافيه تجريح ولا شي نفس مقاس الشمعه والشمعه شغلتها طلع فيش 

طيب المشكله الحين كيف اروح المع عندهم واذا رفض؟


up 2 down 0
hossam.20016 -171
قبل 5 سنه و 2 شهر



في نظام وزارة التجاره انه اذا ركبت زنون وما حصل مشاكل بالكهرب .. الضمان مااشي وشغال . ولو حصلت مشكله بالكهرب . راح الضمان عليك


up 1 down 0
مستريح البال 1 1780
قبل 5 سنه و 2 شهر



وعندك حسابهك في تيويتر متواصلين فيه .. وعندهم برنامج في الجوال ممتازين فيه .


up 0 down 0
مستريح البال 1 1780
قبل 5 سنه و 2 شهر



النظام يقول أي تركيب قطعة بالسيارة ( وقت الضمان ) . . . .

خارج الوكالة فيعتبر الجزء المركب ( ومايرتبط به ) لا يشمله الضمان . . . .

يعني مثلاً أنت مركب زينون ( أكيد خارج الوكالة ) . . . .

فلو صار لك أي مشكلة ( كهربائية ) بالسيارة لا يشملك الضمان . . .

فلو خرب الدينمو مثلاً يكون خارج الضمان وتدفع قيمته وقيمة الإصلاح وأنت تضحك . . . .


up 3 down 0
خارج الوسط الرياضي 102
قبل 5 سنه و 2 شهر



طيب وش دخل اووم الشمعة في الزينون ركبوها هم لي وقالو ركب الزينون برا قلت مابركب زينون عندي لمبات الوكالة وشغلها لي قال صلحها برا والمشكله ماشبكو لي الشمعه مافيها كهرباء 
والسالفه رحت محل زينه قال ب 200 ارجع كل شي مثل قبل قلت سوقها على غيري بسبب مالي خبره رحت لواحد أعرفه الله يسعده صلحها وقال هو فيش بس وركب لي االزينون ولمبات طقم ماهي اصلية لاكن من العاديه وشغلها لي وركب لي العالي ليد وكلها 25 ريال بدال 200 


up 1 down 2
hossam.20016 -171
قبل 5 سنه و 2 شهر



واساسا السياره ماكان فيها مشكله إلا الشمعه والغماز حق الكشاف التجاري سلمتهم الموتر وهو شغال أمس اخذته وهو طافي وصلحتها على حسابي 


up 0 down 1
hossam.20016 -171
قبل 5 سنه و 2 شهر



يا اخوي بالمنطق هم معهم حق
انت مركب زينون وانت عارف انها بتطلع من الضمان
اكيد الوكالة ما راح يسوون اي شي في الانوار علشان لو صار اي شي
بتروح وتتهمهم انهم هم السبب في المشكله لذلك هم يحق لهم يتخوفون من حدوث اي مشكله
وطالما انت مركبها برا الوكاله يا اخي افضل لك روح لنفس المحل اللي ركبها لك وخله يركبها مره ثانيه
علشان لو صار اي شي ممكن يبدل لك الزينون


up 2 down 1
grand cherokee 2012 65
قبل 5 سنه و 2 شهر



مدام غيرت. الضمان مايشمل عموما اثر وزارة التجاره مرعبتهم.   عندي مايكرويف. وكيله السويلم ضمان ٢ سنه خرب خلال سنه
وديته قالوا غيرنا قطعه ب ١٠٠. على حسابهم.  وبيسلكون لي وديته طلع  سيم سيم. ماينفع. شريت واحد جديد ثم رجعته لهم قلت باقي ع الضمان
١ سنه. صلحوه لاني بنشب لكم.  المهم رجعت قالوا ماعاد يصلح.  قلت يعني قالوا اخذه ارميه.  اللي يقوله واحد مش سعودي ولابس شماغ
وعقال بطريقه مضحكه.      وكان يتكلم بكل ثقه.  قلت يعني تقصد اراجع وزارة التجاره. ابشر. اقسم بالله سحب الفاتوره مني ورجع وتكلم
مع واحد على مكتب. قعدوا ٥ دقايق.  وصوروا الاوراق وارسلوني للاداره فوق وامروا. لي بصرف مايكرويف جديد.  اهديته لواحد   
مالفت نظري ثقته وهو يعطيني الورقه بكل عنجهيه.  ويوم ذكرت وزارة التجاره تغير الاسلوب. ونظراته لي    كأنه يقول اوف طلع فاهم
وانا طالع قلت البس شماغك زين تراك من قبل تتكلم  من وجهك ولبسك.  معروف من اين انت ياخبره


up 1 down 2
عبدالله الشفيعي 1440
قبل 5 سنه و 2 شهر