أهل الرياض عاجل وضروري

فعلاً، أغلب شقق العزاب في وضع يرثى له. مفترض يكون المالك مهتم بتجديد الشقق قبل يسكن الشخص عنده سطل البوية ما يكلفه 400 ريال مع أجرة عمل اليد، ونظافة وتجديد للسباكة والكهرباء، فمثل ما نشوف ما فيه شقة عزابية بأقل من 1500 ريال في الشهر فياليت يكون فيه اهتمام شوي. وبرضه العزابية مفترض يكون فيه وعي ومحافظة على الممتلكات من باب إرضى لحلال الناس ما ترضاه لحلالك

حاول تمر مخرج 6 حي الوادي فيه مجمع سكني خاص بالعزاب حلو ونظيف ومرتب وفيه شبكة نت وانت جاي من الدائري الشمالي

تعدى مخرج 5 ويجيك مخرج سته وخذ معاه يمين وسيده خلك مع الخدمه ويجيك المجمع بعد مكتب عقاري كبير على اليمين

ابو احمد مشيت على وصفك وماحصلتها
اذا تقدر تعطيني موقعها بقوقل ماب يكون اسهل

اخوي عندك حي الوادي فيه شقق كثيره حاول تدور فيه بين مخرج ٥ و ٦ واغلبها جديده 
والاسعار شويه غاليه 
لاكن عندك جنوب وشرق الرياض تحصل رخيص 
اغلب شقق العزاب الكويسه في الوادي والنفل والفلاح 
لاكن المرسلات و اللي حولها اغلبها غاليه وهي م تستاهل 
وانا الحين مستاجر بشقه في المصيف 
لاكن موب ممتازه تعتبر كويسه لحد ما وتصلح لشخص او شخصين 
اذا تبي موقعها ارسله لك

المشيعلي الله يطول بعمرك ارسل لي موقعها ضروري
باقي يومين وينتهي اجار شقتي ولازم اشوف غيرها بأسرع وقت