أضف سؤال أو موضوع جديد          

مشورتكم بخصوص الهايلوكس الديزل الشكل الجديد

up 1 down 0
ابو هيثم 7 2253
قبل 4 سنه



السلام عليكم ورحمه الله


زي منتم عارفين البنزين يبي يرتفع عما قريب وارتفاعه مب مرة وحده الا بيرتفع 5 مرات متتاليه حتى عام 2022

اتوقع بتنتشر السيارات الديزل بشكل كبير خصوصا على الجيوب والونيت .. طبعا مايمنع انها تجينا مكاين ديزل متطورة 8 سلندر او 6 سلندر توين تيربو

المهم انا ابي شوركم يالربع بخصوص الهايلوكس الجديد 2016 وفوق طبعا الهايلوكس يجي تيربو من 2006 (( وحسب تجربتي ان الديزل بدون تيربو ماينفع بريال ))

اللي اسمعه ان المكينه تغيرت بالكامل بالشكل الجديد وصارت اهدى واقل صوت وازعاج من 2015 وتحت ..

اما العزم فأشوفه مقبول وزيادة ي رجل سقط علي هايلوكس 2017 ديزل يمشي 180 والله العظيم ماعرفت انه ديزل الا من كلمة TURBO على الباب

لكن المشكله الماديه ماتسمح .. ياليت اللي يعرف معرض رخيص يبيعها اصفار حتى لو 2016 مب مشكله اهم شي غمارتين .. او تقترحون علي بدائل اخرى لكن تكون ديزل برضه

* ملاحظه // سعر البيع لا يهمني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
الديزل البيك اب معروفه السيزو 
بحكم انتشارها وقطع غيارها جربت منها موديل 2003
تيربو ممتازة جدا دبل دفع رباعي
لاكن قلبت ديماكس واشوفه ناجحة وانا ماجربتها الموديلات الديماكس
اما الهايلوكس الديزل ان شاالله يفيدونك الشباب واللي جربها
وباالتوفيق


up 1 down 1
باترول 2020 2624
قبل 4 سنه



الهايلوكس الديزل ما تفرق في المواصفات عن البنزين بشيء ، وأرى أنها خيار ممتاز جداً وعزم طيب ، بالنسبة للمقارنة مع

الايسوزو مواصفاتها أكثر من الايسوزو يكفي أن فيها 3 ايرباقات ونظام abs وهذه غير متوفرة في الايسوزو .


up 1 down 0
النهراني 271
قبل 4 سنه



الهايلكس الديزل الشكل الجديد صوتها هادي لو تميز راح تعرف انها ديزل والسياره مو مثل توقعو الناس انها ثقيله بالعكس خفيفه و6 نمر


up 0 down 1
كارينو 572
قبل 4 سنه



الديزل في الديماكس والنافارا غيرها لاتدور ولعلمك ترى المحروقات كلها بترتفع ماوقفت على بنزين وارجع لبطاقه الاستهلاك تبين لك كل شي


up 1 down 1



بالنسبه للديزل يمكن يرتفع اكثر من البنزين مثل الامارات
بس يتميزالديزل بالصرفيه وخراباته قليله طبعا ماجربته
بس قريت عنه بالنت لانه عاجبني
على العموم 99% من الاعضاء
ماجربوا الديزل وراح يقولون لك
كلمتهم الشهيره
((وش تبي فيه قطع غياره غاليه وخرباته كثيره
والي بتوفره بالديزل بتدفعه بالقطع))
ههههههههههه

على العموم
في عضو اسمه

معاند المستحيل

اكتب اسمه بالبحث المتقدم بحراج

ويطلعلك موضوعين عن الديزل
يتكلم عنهم
وعن تجاربه
واحد بالهايلوكس
والثاني بالاندكروزر
ومتع عيونك بالكلام
الي كاتبه
من تجاربه ماهو قال فلان وعلان
وشف الردود
انا شخصيا استفدت من موضوع والردود
الي فيه


up 2 down 0
d7ooom777 389
قبل 4 سنه



اسف الاسم نقلته غلط
اسمه
معاندالمستحيل

بدون مسافه بين الاسم الاول والثاني
وشيكت على مواضيعه حصلته حاذف
تجربت الهايلوكس الشكل الجديد
بس تجربت اللاند موجوده
تواصل معه وﻻ راح يقصر معك
الله يجزاه خير ويوفقه


up 1 down 1
d7ooom777 389
قبل 4 سنه



شوف الفوود رينجر ديزل مكينة ٥ سلندر عزم جبار وممتاز جدا في البر والخطوط


up 1 down 2
mohammed shareef 1071
قبل 4 سنه



افضل ونيت ديزل هو ايسوزو وفي منه جيب أشوفه منتشر في الشركات سعر وقووه 


up 0 down 1
أبوعابد9 71
قبل 4 سنه



كنت افكر فيه بسبب ارتفاع البنزين
لكن حسبتها وطلع البنزين افضل

وهذا ردي ع احد الاخوان قبل

ملاحظة مهمه الديزل راح يرتفع حتى يصل سعر البنزين الاحمر الي هو سعر الديزل العالمي لان المستهدف من الارتفاع الشركااات

هذا ردي






بالنسبة لديزل




كنت ناوي اخذ هايلكس ديزل وقلت خلني احسب كم راح اوفر لو مشيت 200 الف...راح توفر 8الاف ونص تقريبا!!! فقط لاغير.....و8 هذي راح احطها بصيانة الديزل وفرق السعر عند البيع حسبتها ع اساس ان البنزين 1.50..والديزل بعد ..لان الديزل سعره العالمي نفس البنزين ال95!! الديزل اللتر يمشيك 14.7 كم والبنزين 10.2كم طبعا اتكلم عن الهايلكس وعليك الجمع والقسمة والطرح باختصار راح توفر 30% من سعر الوقود فقط والصيانة بتزيد عليك 20% ع اقل تقدير




والفورتشنر نفس السالفة




وازيدك من الشعر بيت
جميع الجيوب صرفيتها قريبه لبعض وهي لتر لكل 10 كم
حتى الامريكي




باختصار الزين مايكمل.. 


up 0 down 3
salih-m 384
قبل 4 سنه



انت شوف السوق وشوف الناس الحين وين متجهه وخل كلام
الخبرا على جنب
الناس تشتري سيارات الديزل
الوضع تغير في البلد والدنيا تغيرت


up 0 down 0
ابو سعيد 1981 4
قبل 11 شهر و 4 أسبوع



كنت مقبل على شراء سيارة ديزل وكانت سيارة عائلية برادو فوتشنر جيب ايسوزوا ام يو اكس
وهونت كنسلت الفكرة لأن بعد بحث طويل بالنت أستنتجت أن سيارات الديزل كلها طيبه وقوية وممتازه
وتتفوق عالبنزين وبقوة في التوفير والعزم ركزوا العزم وليس الأحصنة ويمكن أحصنة بعد لاكن
المشكلة بالديزل الي عندنا بالسعودية ودول الخليج فيه نسبة كبريت عالية ويسميه البعض ديزل وسخ أو شائب الزبدة
أنه يقلل في عمر المكينة لمن تجيب سيارة من ديزل من أوروبا ديزل شغالة مافيها مشاكل تصب فيها
ديزل من عندنا هنا تخرب ماتطول الديزل عندنا فيه نسبة عالية من الكبريت بحدود 500 شفتها في
موقع مرسيدس بينز الولايات المتحدة وبما أن محركات الديزل جودة ومتانه فأيش أستفدت لمن
الديزل نفسه يخربها؟ فأحذروا من بعض المعارض الي صاروا يوردون أكسنت ديزل وألنترا ديزل
الكوري حتى قطعها ماتلقاها أضيف عليها مافي محطات ديزل داخل المدن لازم أروح اطراف المدن
أشان أعبي وأرجع !! مركز الطاقة السعودي أوقف العمل على زيادة انشار مركبات الديزل مذكور
في صحيفة الرياض شوفوا الخبر بالرابط تحت ورابط مرسدس نصيحتي إلي يبغئ التوفير يتجه
للسيارات البنزين المكائن الصغيرة إلي فيها ركزا على كلمة تيربو مثل هوندا اكورد الجديدة
والجيوب إلي مكائنها صغيره وفيها تيربو والروابط بالأسفل :


http://www.alriyadh.com/1575988



https://roadstars.mercedes-benz.com/content/dam/mercedes-benz-trucks/landing-pages/ultralowsulfurdiesel/downloads/ultralowsulfurdiesel/ultra_low_sulfur_diesel_ar.pdf



up 0 down 0
فهد 7100 5
قبل 11 شهر و أسبوع