اباخذ سيارة اقساط وابي مشورتكم

خذ الكوروللا عشان لو بغيت تنفك منها تحصل اللي يتقبلها منك

وعليكم السلام ورحمة الله وبركاته

رشيدي حلوه الكورولا تحصل من يتقبلها منه والالنترا طيب .!

ي حبيبي الالنترا ماليه الشوارع اكثر من الكورولا ومحد ينكر

انا اقول خذلك النترا افضل لان الكورولا غاليه صراحه .

سيراتو قريبه من سعر الاكسنت وتقارن بالالنترا 
اشوف انك تاخذ سيراتو 2000 سي سي

كورلا افضل للاستخدام وعمليه

الي يقولك النترا يضحك عليك ليه يضحك عليك لان الهونداي مبتدئة في الصناعة مالها الا 20 اما التويوتا لها فوق 70 عام والدليل الكرسيدا ماشية الى يومك هذا والكرسيدا توقفت 96 لها فوق 21 سنه جيب لي هونداي لها فوق 10 سنوات مافي لان الهونداي يخدم بالكثير 5 سنوات وباي باي وقطع التويوتا تلاقيها في البقالة

وش قاعد تقول ي شبية الريح ؟!

رتب كلامك لاهنت وش دخل تاريخها بالصناعة اوكي تويوتا ممكن جودتها أعلى بس هذا مايستلزم إن هونداي تكون سيئة

وش العلاقة ووش الرابط بين هونداي وتويوتا يرحم أمن جابتك ياخي هذي كورية وهذي يابانية مالهم دخل ف بعض

بعدين ليه تحسسني إن الهونداي ألماني بالعكس قطعه يمكن منتشره الحين أكثر من تويوتا .!

ف بداية كلامك تقول عني إني أضحك عليه هو سأل وخيرني بين خيارين ونا وأخترت له ووضحت سبب إختياري وماقلت إن هونداي جودتها أعلى او من الكلام الفاضي ذا.!

السيراتو 2017 اجمل شكل من الالنترا الشكل الجديد ونفس القطع
والتحمل والكرف ، انصحك بالسيراتو سعر ارخص وشكل احلى

السلام عليكم يرجال
مامثل التيوتا موتر خلو عنكم الكلام اللي ماله داعي
انتم قاعدين تعززون لبعضكم ان الالنترا كويسه
وهي اصلن ماهي كويسه بس عندكم عقده ومرض على التيوتا
وبعرف انا ليش الدسلايك على اللي مدح الكرولا
ترا هو صادق الكرولا زينه واكثر رغبه عند البيع بيلقا اللي يشتريها منه بعكس الالنترا انتم افهمو الموضوع وبعدين احكمو لاتتسرعون
السيراتو تشتريها تسافر بها 3 مرات المكينه تبوش والريو المكينه تصلب الانترا المكينه تطقطق
خلو عنكم الكلام الكرلا معروفه جيده ولا عليها الكلام
لاتعطوني دسلايك دخيلكم انا عضؤ جديد ابغى نقاط ايجابيه

هههههههههههههههههههههههههههههههه
السيراتو مكينتها تبوش !!!!!
الريو مكينتها تصلب !!!!!!
الالنترا مكينتها تطقطق !!!!!!!!!
.
.
.
ارحموا عقولنا يا حسام الله يرحم والديك
.
.
باختصار اللي يبي يستمتع بسيارة شراها بفلوسه
يفكر بالسعر وبالمواصفات والامان وبعدين يفكر فيما بعد البيع
الكورولا حتكون الخيار الاخير بالنسبة لي .
بلا تويوتا بلا هم

الالنترا والسيراتو مكينة وحدة اصلا

ولحد ينسى الاكسنت تراها كورية ومن هونداي

النترا ولا تشاور

الله لايسلمكم ولايربحكم ولايسلم فيكم عضمه
ههههههههههههههههههههههههههههههههها
مقهورين مدري من ايش انا ياشباب ابغى نقاط ايجابيه ما ابغى دس لايك

عطوك دس لايك لأن أصحاب الالنترا والسيراتو ماشافوا والريو
يقولون إنك كذبت .! وجايب كلام من كيسك .

يعيال الوووووووووووو
ياااهوووووو
خلاص والله ترا ماصارت ذي
خلاااااااااص واللي يرحم والديكم نتفتوني بالدسلايكات
اذكرو الله وصلو على النبي لاعاد تعطوني دسلاك
المشكله انا جديد هنا بالموقع ابغالي نقاط ايجابيه ابغى لايك
قدهاا 14 سالب دسلايك حتا رد معد اقدر ارد باليوم الا ردين بس فقط بسبب الدسلايكات ترا ماهي زينه عيب عليكم يرجال
معليش سامحوني على قلت ادبي ولا هو انا اللي بعلمكم العيب انتم رجالن تقدرون وتتفهومون الوضع والله اني اسف معليش
بس فكوني شركم ياقوم

ههههههه حصل خير

خذلك لايك