اجراءات المرور بعد ايقاف الخدمات والأمر بالقبض.

السؤال هل القبض عليه مقتصر على نقاط التفتيش فقط ام حتى اذا راح لدوائر الحكوميه مثل الاحوال يجدد البطاقه او المرور يجدد الاستماره و الرخصه لما الموظف يشوف ان عليه ايقاف خدمات هل يقبض عليه
ام فقط يكتفون بالقول اسفين لانستطيع خدمتك حاليا راجعنا مره اخرى اذا ازلت ايقاف الخدمات عنك

العسكري اللي طلعه من التوقيف يتحمل المشكله حادث مافيه تأمين يجلس بالغرفه الين مايسدد مستحقاته هذا النظام اللي اعرفه
وش اللي كفاله وماكفاله طيب دام طلعوه بكفيل لماذا لم يتم ايقاف خدمات الكفيل؟
طالما خرج بكفاله موضوعك مع الكفيل والمكفول خارج الهرجه الحين ارجع دور الكفيل اذا تبي حقك يرجع روح ادخل على مدير المرور بالمنطقه اللي انت فيها واذا مافادك روح لقيادة المرور بالرياض وبيطلع حقك غصب انا صار لي موضوع مع شخص اعطاني شيك بدون رصيد بمبلغ 75 الف رحت للتجاره حولوني للشرطه والشرطه كل قسم يقولون الموضوع مايخصنا قلت طيب على طول دخلت على اللواء مدير شرطة المنطقه بالتلفون مسخرهم وارسلني لأول قسم خلص موضوعي بساعه طلعو ارقامه وعنوان بيته ونزلو عليه تعميم وقالو روح بيجيك اتصال بالفعل اليوم الثاني قالو الرجال بالتوقيف عندنا رحت له وعلى طول قال ربع ساعه والفلوس عندك وبالفعل ماخليته يطلع من الغرفه لين استلمت حقي كامل

ترفع شكوى لمدير المرور تظلم من على الي فبل الكفالة قبل يدفع حقك في هذي الحالة اذا كان الخطأ 100% لازم يدفع قبل يخرج من الحجز وهذولاء زحلقوك
ارفع تظلم من الشرطي الي سوى لهم الكفاله وزحلقهم وزحلق حقك

قد علمتك في البوابة الرقمية
دق القسم اللي طلعوه واخفو اوراق بشكوى على وزارة الداخليه وخل واسطة كفيله تنفعه ( برقية تسويها من خدماتي حقت stc (

اخوي علي ممكن توضيح كيف يرسل برقية ؟

على اي رقم وكيف توصل لهم

اذا تعرف مكانه رح له وحاول تحلها معه وتاخذ حقك منه لان الاجراءات بتطول وهو جايبينه وقسم البحث شغلته يجيبه وهذي شغلتهم

هم عممو عليه
وبيجيبونه اذا طاح بتفتيش او راح لدائره حكوميه يراجع في تجديد اقامه وما الى ذلك بيمسكونه
واذا هو ماطلع ولا طاح بتفاتيش ماراح يجيبونه
المهم عندي لك اقتراح رح لقسم البحث والتحري واشتكيه وراح يجيبونه البحث الجنائي
انا قد صدمت لي واحد وهربت
والرجال بلغ عليه المرور ولاجابوني وبلغ عليه الشرطه بالقسم وقعد له اسبوع وراح راجعهم ولا قدرو يجيبوني لاني هارب ونا عارف انه مبلغ فيني عشان كذا ماطلعت ولا لمكان
ووقفت الموتر عند البيت ولاعاد طلعت فيه وكان عندي موتر ثاني اقضي فيه مشاويري المهم مشت الايام وقعدت حول شهر اهم احتارو فيني ولا لقيو لي درب والرجال طفش يبغا حقه
وناويني وقالي قبل ما اهرب قال والله لا اجيبك واوريك الهياط حقك يله تقلع هههههههههههههه ونا رحت ومبسوط وقلت والله يخسي يجيبني وداس الموتر وفرحان اروح واجي وعادي لانه الموتر الثاني ماهو معمم عليه مثل الموتر الاول
ونا والله نسيت السالفه وبعد فتره جاني اتصال من البحث والتحري انت فلان قلت انا فلان اامر وش السالفه قالي انت عليك بلاغ ولك فتره يدورونك ولاجابوك والرجال اللي مشتكيك جاء واشتكاك هنا تحضر يعني تحضر
حضرت عليهم والتقيت ب خصمي ووراني الويل وذلني الخسيس ودفعت له دراهمه ونا ماشوف الدرب
المهم ياغالي انت رح وجرب اشتكيه في المباحث ممكن يجيبونه واعرض عليهم ملف القضيه كلها
وانشاء الله امورك تمشي والله يعز الدوله والحكومه

الاخ يارب توفيقك
اذا عندك تلفون ثابت باسمك سجل في موقع خدماتي حق stc
اذا دخلت الموقع تحصل خانه اسمها البرقيات الالكترونية
وموجود الجهات اللي ترسلها
تكتب البرقيه وترسلها وحسابها يجيك عالفاتورة ويجيك رقمها علشان تتابعها

طال عمرك/موضوعي نفسك صدمني واحد وقفته واخذت لوحة سيارته ومشاء رفض يوقف
المهم تركته واخذت الصور ودقيت على نجم وحط عليه هروب100% المهم خلصة اوراقي والمرور دقو على كفيله ولا يرد
وعطوني ورقة لوزارة التجارة ورحت وقفة خدمات الموسسسة وصاحبها والحين بنتظار رد من المرور.

الله يجزاك بالخير اخوي علي

امر القبض احسن من توقيف الخدمات لان اي تفتيش يمر او يراجع دائرة حكوميه وزاره الداخليه علي طول يقبض عليه
احسن من ايقاف الخدمات لان لما يمر راح يمسكونه ويركبونه الدوريه بدون ما يسئلونه

اللي اعرفه في كل مركز شرطة يوجد قسم بحث وتحري او البحث الجنائي هذا الشيء متأكد منه لأني راجعت اكثر من مركز شرطة

مؤسف الفساد اللي عندنا