نسرع و لا نمشي على بيض
46
4
إضغط هنا للإخفاء
السلام عليكم ورحمة الله وبركاتة
اسعد الله اوقاتكم بكل خير
يا عالم ترا والله تعبت نفسيا من الفوضى
ناس تمشي 20 وناس تمشي 200
واخرتها معاكم !
انا اداوم للحوية مع طريق السيل
والطريق ما فيه الا مسارين فقط
اذا مسكت يمين يجيك واحد يعلك
تقول يمشي على بيض بدون سبب
و اذا تجاوزته تحصله يضغط في الجوال
حتى التريلات تبلش فيه ما تعرف كيف تتجاوزة
واذا مسكت يسار يجيك واحد ماسح الطبلون
عشان تاخر على الدوام كم دقيقة
بيقتل نفسة و يقتلك معاه
والي يمشي 100-120 هو الي ياكلها صح
مرة يهدي و مرة يدعس رفعت ضغط
الفرق الشاسع في السرعة هو سبب الحوادث
مرات كثيرة كان بيصير حوادث بهذا السبب
لاكن الله سلمني
بالنسبة لك انت يالي تمشي 20 في خط سريع
الله يرحم امك جنب في اي محل ونزل سنابات
على راحتك الطريق مخصص للعامه
تمشي فيه السيارات ما هو شارع ابوك
وانت الي تمشي 200 ترا ما تسوى عليك
تراهن بحياتك وحيات الناس
عشان تلحق وقت الدوام
حرك بدري شوي
5 دقايق بس من وقتك الثمين ماتفرق معاك
توصل للدوام وتحصل موقف وانت مروق
ولا هالسباق كل يوم
إبلاغ
الردود
ادارة سيئة ولاتقوم بمهامها كما يجب؟
فيه حلول كثيرة للسائقين الغير منضبطين
على سبيل المثال ليش مايكون المسار الايمن قبل الاشارة بخمسين متر اجباري تطلع يمين بحيث ان المتلاعبين مايدخلون عليك من يمين.
ايضا تفعيل الكاميرات عند جميع الاشارات واي مخالفة اغلاق مسار او غيره ترصد.
0
0
اطلع الصبح مروق وسواقتي هادية وينفرزك واحد يتمشى والا عند الاشارة ماسك مسارين ومضيق على الناس
او مقفل المسار الايمن للي بيلف يمين وتنتظر حتى تفتح الاشارة
بسبب سائق واحد تتحول قيادتي من هادئة الى سباق رالي ودعس وتهور ويتضرر الاخرين؟
ومثل ماقالوا الشر يعم والخير يخص.
قبل 7 سنه و 8 شهر