ماهو افضل مكان اطلع منهه سياره

ارحب
انا اشوف يابعدي تاخذلك قرض ولا تكثر
افضلك نسبة قليلة وموتر يكون باسمك ترتاح
افضلك من الشركات والصلخ

اضم صوتي للاخ / الرفاعي.
ولو تقدر توفر وتجمع مبلغ معقول وبسيط وتشتري سيارة كاش .جديدة . أفضل..
المهم سيارة جديدة وعملية . وترى رأس مالها تودي وتجيب.
وأترك عنك الاقساط .... لان ( اثقل ماعلى الانسان الديون والذنوب).
كفانا الله وأياكم شرهما.

شكرا لكم جميعا طيب يااخوان لو بطلع قرض كم مسموح لي 
ماعلي ولا التزام 

كل بنك وله نسبة شوف افضلهم وحول راتبك عليه

اذا مصمم على القرض . تعال خاص وارشدك بالتفصيل والمطلوب لاني اعمل بأحد البنوك سابقا. البريطاني.
لاكني مازلت اصر على نصحك اترك الاقساط تراها مهلكة ودرب من الظلام .
ويكون بعلمك ترى الفوائد هرمية. مقلوبة للاسف ؟؟؟ التفاصيل في الخاص.

بيعطونك حول ال100 الف
لاكن نصيحه لاتاخذها كلها
اول شي شوف الموتر الي تبية وناوي علية وكم سعرة
وطلع قرض سعر الموتر وفوقها 5000 تحطها بحسابك احتياط
لاسمح الله يحصلك ضرف ولا شي
القرض امرة بسيط تعريف من عملك
تجيهم الصباح والعصر بحسابك القرض
وتوجه على المعرض

انصحك تطلع تاجير ثم تاجير فقط

كامري ستاندر بريمي 17 او مازدا ستاندر 17
بيكون اجماليها عليك حدود 90 او اقل من البنوك

وقسطها من 1200 الى 1300 بدون دفعه

وتقدر تطلع ايضا تمويل شخصي

لكن خله للظروف وايضا اذا احتجت

وعليكم السلام ورحمة الله وبركاته
اكيد معك سيارة تمشي حالك توديك وتجيبك، اقعد سنة جمع كل شهر الف ريال 
ومنها تشوف السوق وش وضعه 

انا رأي من راي مدرس عاطل

طلع اكسنت تأجير قسطها حول ال900 ريال او اقل ( بالنهايه هي وسيله)


وريح مخك سياره جديده وراتبك ما يهزه القسط

واذا جاء وقت الزواج وقتها يجي وقت القرض الشخصي


اما لو اخذت قرض الان ما عاد تقدر تفر لا يمين ولا يسار حتى لو صار للسياره شي وراحت مثلا لا سمح الله

ما عاد تقدر تأخذ قرض


لكن التأجير افضل


ةربي يكتب لك الخير

التأجير نكبه السياره مو بااسمك والنسبه راح تطلع عليك واجد اخذ قرض والنسبه اقل من التأجير وسيارتك ملك متى ماطفشت تقدر تبيع السياره بأي وقت

الاعضاء فاهمين ان نسبة التاجير اكثر من القرض وهذا غلط
انا حاسبها بنفسي بحاسبة البنوك الي بالنت النسبه وحد يمكن التاجير
تزيد بشئ بسيط ويمكن لا على حسب البنك
التاجير مشكلته بالتامين وهذا
هو الي يرفع الاجمالي من مبلغ السياره
على العموم الشئ راجعلك تاخذها تاجير او قسط

الله يوفقك اخوي لكن زي ماقالوا الشباب 
انصحك خذ تأجير لاسمح الله السيارة صارت تالف
ترجعلهم موترهم ويادار مادخلك شر

لو تطلعه كاش وجاه حادث لاسمح الله وبعته تشليح ب ٨٠٠٠ 

والله غبنتها ماتروح من صدرك

هذا إسمه التأجير المنتهي ( بالتهليك )
الأفضل لك بدون نقاش تأخذ قرض وتشتري السيارة اللي تبيها لأن فائدة البنك أقل من فائدة وكالات السيارات
نصيحتي: لاتطلع سياره عن طريق البنك ( يعني تمويل سياره )
ولا أقساط من الوكالة لان فائدتهم أعلى + دفعه أخيره تقص الظهر
خذ قرض شخصي واشتر إللي تبي .. وبالتوفيق

الافضل تاجير بالتمليك

اعرف ناس كثير طلعو قروض عشان ياخذون سيارات كاش

بعضهم راحت سياراتهم تالف وباقي يسدد القرض ع الفاضي

والبعض اخذ سيارة تاجير بالتمليك مثلي انا اخذت كورولا ولكن الحمدلله ماصار حادث ولاشي وبعتها بعد ماكيشتها واخذت سوناتا

والقرض الحمدلله ما فكرت اخذه عشان اطلع سيارة 

لان بيجي يوم احتاجه هالقرض 

وفعلا احتجته لمشروع وطلعته والحمدلله اموري زينه 



نصيحة لوجه الله خذ تاجير تمليك

القرض بكرة تحتاجه في شي

السياره لاسمح الله صار فيها شي والا حادث لاقدر الله
الشركة تتحمل كل شي انت ماتدفع شي ان شاءالله ماعدا نسبة التحمل فقططط

والقرض خله شخصي 

والله مع قيمه التأمين الجديده الواحد يفكر ياخذها تأجير

وعليكم السلام نصيحة اخوية اذا سواقتك متهورة وسرعة ومطامر فعليك بالايجار المنتهي بالتمليك اما اذا سواقتك راكده فعليك بالقرض واشوف المازدا خيار ممتاز بالنسبة للسعر مقابل المواصفات

اللي ينصح بالتاجير
الفوائد اعلى من القرض بكثير

الله يجزاكم الف خير .. خلاص قررت اطلع من عند عمنا عبداللطيف جميل
ايجار منتهي بالتمليك
فكرت وقلت لو صار بعد بكره شي بالسياره فلوسك بتطير وبقعد طول عمري اسدد بقرض

تبي نصيحتي الاسعار نازله بعد كم شهر وبيرتفع البنزين
جمع مبلغ 20 الف خذلك اكسنت 2013 فل كامل انظف شي
سيارة لك ولزمن اقتصاديه ومحترمه
وبعدها استثمر فلوسك في تجاره خفيفه او مشاريع صغيره
وبدل ما تاخد تأجير او اقساط من عمنا عبداللطيف جميل تأخذ كاش من عمنا عبدالله هاشم
ومالك ومال وجع الراس

واذا مصمم على انك تشيل حمل على ظهرك كم سنه بكيفك
بس ركز على بند سرقة او انحراق المركبه
والفرق بين التقسيط والتأجير
التأجير ياخذون فوائد اكبر
التقسيط الاستمارة بأسمك تقدر تبيعها بعكس التاجير انت سائق اضافي
التأجير لو تبي تسافر لزم تصريح بعكس التقسيط خذ راحتك
واهم شي اقراء شروط العقد زين مو يقولك وقع توقع على طول
والشرط اللى مافهمته استقعدله لين تفهم الشرط