أضف سؤال أو موضوع جديد          

تجربتي للكامري 2016

up 10 down 70
hossam.20016 -171
قبل 5 سنه و شهر



بسم الله الرحمن الرحيم
السيارة / كامري 2016
الفئة / GLX
اللون / ابيض لؤلؤي
المواصفات / فتحة سقف ، شاشة معلومات مكونه من اعدادات السياره و البلوتوث واشياء لاتذكر ، قير اوتوماتيك تبترونيك من 6 سرعات ، انوار اماميه هالوجين مع خاصية ارتفاع النور وانخفاضه كهربائيه مع وضع السياره ، كيمرا خلفيه ، حساسات امامية وخلفية ، تخشيب بالديكورات الداخليه ، مقود مطعم بالجلد مع خاصية دخول وخروج المقود ( تلسكوبي ) مكيف امامي مع خاصية التحكم المنفصل لكل الراكب الامامي والسائق ، ستارة خلفيه كهربائية اما الجانبيه للاسف ماتتوفر مثل الازيرا والسوناتا ، مكيف خلفي
مقاعد مخمل ، مقعد السائق كهربائي 8 حركات

من تجربتي اعطي من 10 طبعا نبدأ الان ؛
العزل 8 من 10 اما بعد 160 يكون 6 من 10
الرساوه من 0 الى 170 7.5 من 10
الراحه8من 10
الرفاهية 4 من 10
المتعة في القيادة 6من 10
وانا انصح من يبغى يستخدم لفوق 5 سنوات ياخذها جدا ممتازه بالنسبه للكرف اما المواصفات مواصفات النترا افخم واحلى وارخص طبعا اعطيكم تفاصيل التاجير منتهي بالتملك ماخذها ب 113 الف اقسساط الاجمالي
دفعة اولى 29 الف و 900 ريال
قسط شهري 1228
الدفعه الاخيره اتوقع 24 الف
مده الاقساط 4 سنوات او 48 شهر
سعرها كاش من الوكيل 88 وانا ندمان من المعارض الان 76 الف كاش باسمك كان متوفر معاي 65 الف كان زودت وشريتها لاكن قدر الله وماشاء فعل

وياخوان ابغى طريقة غير اتلفها او اتنازل بها برجعها للوكيل ابغى افالون 2016ستاندر
اذا رجعتها يعطوني حتى لو من القسم المستعمل بس بممشى سيارتي ونظافتها ماشية السياره 19000 الف
وابغاهم ينقلون الدفعه الاولى لسياره الثانيه الي ابغاها ولو يترفع القسط 100 200 300 ماعندي مشكله بس اهم شي ابي افتك السياره صغيره على اهلي وودي بالافالون من اول بس الحمدلله على كل حال ممكن الافاده ياخوان الله يسعدكم ؛
عيوب السيارة بصراحة :
1- اذا رفعت الفتحة للاعلى تظهر طقطقه وصراحه متعبه وانا ماعرفت احدد الصوت الا اليوم
2- صوت من عند كفر السائق ولا حددت الصوت
3- فيها رجة وهي واقفه على D . R والرجة من علبه التروس عند السير وصراحة الاصوات حددوها اغلب الملاك وانا جربت طريقتهم وطلعت من علبة التروس والوكاله تقول طبيعي ؟
4- كان يوجد اصووات في ديكور القير ودايما انزل مواضيع : الصوت كان من النظارة في درج الظارة .
فقط هذي العيوب الي لاحظتها بالسيارة وعلما السيارة ماشية 19400 كيلو
والي يبي أي شي بخصوص السيارة يجيني بالخاص واعطيه الافاده والسلام عليكم
ياخوآأن فضلآ وليس أمرآ أذأ اعجبك الموضوع حط لايك ماعجبك الموضوع حط ديس لايك وقدرو تعبي
ومعليش الموضوع طويل وهو للجميع وللي مقبل على الشراء







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الزمن تغير وانا في عمره حمي املك سيكل مقاس 20
هههههههههههههههههه


up 2 down 1
fahd077 306
قبل 5 سنه و شهر



*تعديل
حمي=حلمي


up 2 down 1
fahd077 306
قبل 5 سنه و شهر