أضف سؤال أو موضوع جديد          

بائعين السيارات اسلوبهم خطأ

up 16 down 2



طبعآ عندما تبحث عن سيارة في هذا الموقع 

يكون الشراء صعب دون ان تشعر ..لاتشعر الا بعد 

ايام وشهور ...



السالفة ومافيهآ .. يجي صاحب السيارة وينزلها في الموقع ويقول على السوم 

على باله اذا قال على السوم ان السعر بيزيد واذا حدها انه بيخسر.. المهم

انا كباحث عن سيارة اشوف الاعلان واثمن السيارة بس بدون مااكتب ولااسوم

اقول هذي الكامري تستحق 37 ألف ليس أكثر ثم اتابع السومات حقة الناس

تجي والسومات 40  /  41   /43  

اجي انا  واسوم ب 37 



والمفاجأة تجي بعد اسبوعين او ثلاثة وتلقاه باع سيارته ب 33 ألف

بينما انت سمتها ب37 ورفض



الخلاصة ..
في ناس تسوم بزيادة ولاتشتري وهدفها تطرد الزباين وفعلا طردوني اكثر من مرة 

وانا مستخدم ابغى اشتري وماقدرت حاولت يمين يسار مافي مجال

كامري 2012 توصل 45 وهي ماتسوى صغيرة بحجم الكورلا 

مرة واحد منزل سيارته وحدها ب34 ألف ...جو في التعليقات 3 اشخاص ساموها ب 35 والثاني ب36 والثالث ب37
مهزلة صرنا نطالع ساكتين مانقدر نقول شي








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صحيح البعض يخرب ع بعض بسومته ولاهو صامل يزيد بسوم 


up 2 down 0
mm.2015 155
قبل 4 سنه و 6 شهر



اغلب الاحيان اللي يطرح عالسوم مو صادق بالبيعه لانه يبغى يشوف
السوق حقها فقط وايضا هو عارف انه راح تصير لخبطه
والبعض صادق فيها ولكن الافضل حط سعرك افضل تريح وترتاح



up 1 down 0
ابو عبدالله احمد 3527
قبل 4 سنه و 6 شهر



وفيه اخطاء اخري يجي يسوم سيارة حقها مثلن 35 الف ويجي يسوم نقول 30 الف ويقول اعتبرها فتح باب طيب كذا راعي الموتر لما يشوف اول سومة كذا ويقول فتح باب اكيد يقول بتجيب اكثر من 35 ويطمع ومايبيع وثاني شغلة يروح ينزلها للحراج ويجي يقولك مسيوم بالحراج كذا واطلب الزود طيب هي وصلت اخر حدها بالحراج وحسب قيمة السوق ليش الطمع تجي تبي الزود وسبحان الله خاصة اهل الدداسن يجيك يقول مسيوم 25 وقريب البيع كل الدداسن مسيومة 25 ماهي معقولة ياخي .نصيحه اذا بغيت تسوم شوي شوي ماهو علي طول تعطيه سعرها انا ماقول ابخسة لاكن اذا عطيتة السعر حقها بسرعة ماراح يبيعه لك يقول دام اول سومة كذا ابي الزود


up 0 down 0
سالم السالم s 37
قبل 4 سنه و 6 شهر



وابي منكم طلب خارج الموووضع واعذروني ماني قايل ابي لايك ابي دعوتكم الجميع لي بالشفاء العاجل ولكل مسلم ومسلمة الله يجزاكم خيررر


up 6 down 0
سالم السالم s 37
قبل 4 سنه و 6 شهر



الله يشفيك ويعافيك اللهم امين


up 1 down 0
الحميدي وليد 121
قبل 4 سنه و 6 شهر



أنا شربت سيارتين من الموقع والله ما كتبت آي تعليق أو سومه -فقط اخد الرقم واتصل واروح لصاحب السياره واخلص -  وفي نوع من أصحاب السيارات أبعد عنه وهو اللي يتمسك بالسوم 


up 1 down 1
عمده33 1664
قبل 4 سنه و 6 شهر



قصه عنوانها بعد اربع شهور تجيني رساله منه .......... حدثت في موقع حراج اتصلنا على شخص وقلنا له نريد شراء سيارتك واتفقنا على ماهو مرضي لطرفين وسعر طيب وبسوق
لكن نجد ان مالك السياره لايرضا ويقول انني جتني سومه بكثير وسامها شخص ما وتحصلونه في الردود وقلنا له بتوفيق
وبعد اربع شهور تاتي هذي الرساله من هذا الشخص .. يريد البيع بسعر المتفق عليه سابقن ولكن نقول له طارت الطيور برزاقها .. وخلي ابو سومه يشتريها منك


up 4 down 2
سكودر 14927
قبل 4 سنه و 6 شهر



ناس تستهبل اقول حدي 40 يجي يسوم 44 ؟


up 1 down 0
mfh2009 371
قبل 4 سنه و 6 شهر



ياشينها يوم تتفق مع واحد على ويجيك بعدها يقول لا غيرك زاد 1000 ولا زاد500 والمشكله يجيك بعد الفحص والامور ذي


up 1 down 0
محمد حمدان هلال 19
قبل 4 سنه و 6 شهر



والله بالفعل يااخى
لما كنت بشترى سياره من سنه بحثت هنا لقيت سياره كانت مناسبه جدا لي سبورتاج 2012 ولكن لما شفت السومات ماقدرت احط سومتى لان فى بعض البائعين الله يهديهم يشتمو فينا لو السومه ماعجبته
وبعد عده شهور اكتشفت انه باعها الف ريال اقل من اول سومه لي ههههههههههه
ياريت الصامل فقط اللى يسوم عشان مايخرب البيعه على البايع وعلى المشترى كمان


up 2 down 0
strongdody 161
قبل 4 سنه و 6 شهر