كم استفسار بخصوص الفحص الدوري

السلام عليكم
كيفكم ياشباب عندي السياره الفحص منتهي وحاب اوديها الفحص الدوري عشان اقدر اجدد الاستماره والتأمين
وحاب اعرف الاشياء اللي يدققون فيها ويرسبون ..
عندي البدي كامل سليم والانوار كامله شغاله بس الكشافات عندي زنن هل تمشي؟
وأيضا السياره فيها تهريب زيت من الصوفة الخلفية وعشان اصلحه لازم تنفك المكينة او القيربوكس وبتكلف وانا تعودت كل فتره اشيك على الزيت اذا ناقص وازوده
فيه رجة في السياره من كراسي المكينة وممكن حساس الهواء هل تمشي ؟
بس هذي عدا ذلك كل شي سليم .. سمعت انهم فتحوا فرع جديد للفحص الدوري بجدة
بس ماني متأكد من هذا الشيء هل احد عنده خبر عن هذا الموضوع

ويعطيكم العافية

إبلاغ

الردود

انا رحت قبل امس
كان عندي تهريب بسيط رحت مغسلة و غسلتها بستم اول شي
وعندي كراسي المكينه تعبانه مادققو فيها و كنت طافي المكيف عشان تختفي الرجه

كل شي سليم ما عدا الفرامل الخلفية فشل الفحص بسببها
رحت شديتها و جيت اليوم اللي بعده و برضو فشلت
و رحت وزنتها مرة ثانية امس و بجرب حظي بكرة

مدققين مررررررررررة ع الفرامل الخلفية
السيارة اللي قدامي فشلت و اللي ورايا فشلت و انا فشلت

monjed salih 211
قبل 7 سنه

التهريب بيسقطونك فيه اذا امداك تغسله بستم بنسبه لرجه بتبين معهم اذا كفرات سقطوها وميزان عندهم يكشف اذا عندك خلل في الاذرعه بيقوك افحصها والقزاز والانوار ومساحات بدققون عليها اذا خربانه بيقولك صلحه
بنسبه للزنن بتمشي بس بيحط عنده اكس يعني تحذير بس بتمشي وانا اذكر فيه ورش عند الفحص افحصها عندهم قبل ماتدخلها وعلى قولتهم اهل مكه اعرف بشعابها

سكودر 14929
قبل 7 سنه

بالنسبه للزينون انا عندي زينون ونجحت السياره والحمد لله
بالنسبه لتهريب الزيت ، غسل السياره بستم وقبل ما تدخل الفحص الدوري عن اقرب بنشر او ورشه امسح المكينه بقطعه قماش
بالنسبه للرجه مافي مشكله بس المشكله ان ممكن نسبه الكربون في العادم تكون كبيره

عمده33 1664
قبل 7 سنه

وين المعقبين الي يجددون بدون فحص
اذا بغيتهم ماتلقاهم

نبيل110 329
قبل 7 سنه