أضف سؤال أو موضوع جديد          

مرحبا شباب محتاج رايكم والله يهمنا

up 16 down 1
ســامــر 1055
قبل 6 سنه



مرحبا شباب اخباركم انشاء الله انكم طيبين انا حبيت اعرف فيه احد يعاني من غلا المعيشة والمؤاد الغذائية بصراحة كل شي ارتفع سعره والله حالة صعبة يعني ابسط شي الدجاج اول ارتفع سعره من 7 الى 10 قلنا مايخالف وارتفع من 10 الى 12 وقلنا طيب الله يصبرنا بس انه يرتفع مره وحده ويصير الحبة 16 ريال يعني الكرتون ارتفع سعره 85 الى 150 ريال ةالله من جد انها مصيبة انا اتكلم عن اي مواطن من الطبقة المتوسطة يعني ما بقي الا يرفعون سعر البانزين ويمكن انهم يفكرون يرفعون سعره اليومين هذي يعني وين نروح وش نسوي الاكل والمؤاد الغذئية في انواعها غالية والاجارات غالية والاجهزة الكترونية غالية والاثاث غالي والسيارات صارت اسعارها اسعار طيارات يعني وين نروح من نشتكي له يعني اوكي انا خلوكم مني ممكن اقدر ادبر اموري رغم اني اكبر اخواني وموظف في شركة خاصة والله دوامها تعب ماعندي الا 8ساعات في اليوم وباقي الايام كلها دوام مدري انا انام فيها اواقعد مع الوالدة شوي وانا جالس فيها بس كله علشان اصرف على اللي في رقبتي المهم زي ماقلت خلوكم مني الحمدالله وضعي زين بس انا بعرف اللي متقاعد وتقاعده 2500 ريال وش يسوي يدفع اجار او كهرباء او ياكلون منها يعني الزبدة من المسؤول اللي يفيد الشعب والله اذبحتنا ارتفاع الاسعار







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)

الموضوع مغلق


الردود


صدقت


up 2 down 0
البرنس 2006 2093
قبل 6 سنه



الله يعينك الحال من بعضه 



قالها القذافي :
الشعب السعودي لاتفتح فمه الا عند دكتور الاسنان


up 7 down 0
عبد الناصر 1770
قبل 6 سنه



يفتح ** تصحيح ...............


up 2 down 0
عبد الناصر 1770
قبل 6 سنه



الجششششششششششششششششششششششششششششششششششششششششششششششششع وعدم الرقابة    لازم تقاطعون التجار الجشعين


up 1 down 0
كوكو888 549
قبل 6 سنه



خذ الحكم من افواه المجانين


up 4 down 0
عبد الناصر 1770
قبل 6 سنه



مشكله حلولها بعيده تقولون قاطعوهم وش ناكل؟؟ نقاطع الدجاج ؟نقاطع اللحم
؟نقاطع الاجبان؟ نقاطع وكالات السيارات كيف نعيش لازم يحطون حلول جذرية مو مسئلة قاطعوهم وبس


up 1 down 0



صدقت يا اخوي عبدالناصر خذ الحكم من افواه المجانين القذافي هذا اللي تضحكون عليه هو الوحيد اللي عارض على اعدام صدام حسين الله يرحمة وبعدين وقال في المؤتمر راح يجينا الدور واحد ورا الثاني ههههه


up 3 down 0
ســامــر 1055
قبل 6 سنه



تدري ليش كل شي غالي..!!! لأن المواطن راضي..اتحداء من يدعون للمقاطعة يقاطع .. اتحداه يقول اليوم يالربع قاطعو وتلاقه بكرة هو بنفسه شاري لبن ولا دجاج .. قوم تعاونو ماذلو وانا ابوك


up 2 down 0



صحيح كلامك يا كاتم الونات  بس وين الحلول الجذرية  كل يوم زيادة في الاسعار


up 2 down 0
كوكو888 549
قبل 6 سنه



لنـا الله لعبوآ فينا التجار على مرأى ومسمع من يهمه الأمر .. آلشكوى لله


up 1 down 0



مادام فيه فساد ماراح يتحسن الاوضاع الوزير مجرد تسميه فقط يعني مهامه الي منوط بها مايسويها ولا يعالج الامور واذا جاك وزير جديد وسوا فيها كسرو شوكته الروس الكبار وصار مايقدر يسوي شي بس ياخذ راتب وراقد المفروض الوزرا لهم 5 سنوات مافيه مجهود وشي ملموس من الي يسويه لشعب يعفا تدشين نضام من اين لكا هاذا لكل وزير ومسؤل ومواطن يعني مو واحد تحصله راتبه 6 الاف وخلال سنه ولا سنتين عنده كم عماره وسيارات جديده وكله من الفساد ولاحد يكلمه واذا الغلبن سوا غلط شهرو به وفضحوه بينما الوزير والمسؤل كتبو لك يعفا مسؤل م ن ليه ما نسوي نضام تشهير في الجرايد والتفلزيون والله المسؤلين صارو يخافون من التشهير اكثر من خوفهم من ربهم لكن مانقول الا حسبي الله ونعم الوكيل وربي ييسر الامور للجميع وتتعدل الامور ان شاء الله 


up 4 down 0
princ 18868
قبل 6 سنه



المشكله غلى الاسعار  المواد الاغذايه هذي تعاني منها جيع الدول بس المشكله ان التجار هنا الله لا يوفقهم يزيدو من عندهم ويقولو ان هذا بسسب الاقتصاد و هو اصل ما صدق يرفع السعر ومثل ما ذكرت في موضوعك ان المتقاعد يستلم 2500  اذا كان كذا يأ خذ من الشئون الاجتما عيه ان الوالده حفظه الله يستلم تقاعد 2650 + 3200 من الشئون الاجتماعيه + 600 مساعده غذائيه من الشئون الاجتما عيه كل 10 من كل شهر الحمد لله على كل حال


up 0 down 0
خطاي الشوق 2533
قبل 6 سنه



الله يعينك ويعين جميع المسلمين
وحسبي الله على كل مسؤؤل ظالم ياكل حق الشعب ولايفكر الابنفسه


up 2 down 0
بشوش 5095
قبل 6 سنه



اااخ بسس
قسم قهر هالاوضاع الي حنا نعيشها السعودي ماحد درى عنه 
لا فلوس ولا ولاظايف معاي هندسة حاسب والشهاده
مغبره فوق الدولاب ٣ سنوات وانا عاطل
وكل شي ارتفع سعره الله يستر البنزين بس لايلحقها بعد
ياليتني من الامارات ولا قطر
الملازم راتبه ١٥٠ الف والمدرس ٤٠ الف 
قسم مو بحاله وكل شي متوفر لك
اجل دجاجه ١٨ ريال الله يخلي التونه املنا الوحيد
وفوق ارتفاع الاسعار عندنا شوارع ابو كلب سيارتي تكسرت بسببهم
حسبي الله عليهم ربي يكسر روسهم بجمر جهنهم


up 4 down 0
azera .. 2012 3501
قبل 6 سنه



طيب نتكلم بالمعقول 
أرخص انواع اللحوم هيا الدجاج الآن رفعوا سعرها الى 16 تقريباً يعني عليك الحسبه
ونسبة اللي مايملكون منازل ملك قرابة ال 70% يعني لما يكون الرجال عنده إيجار منزل بحدود 18000
وعنده 3 او 4 اطفال ورااتبه لايتجاوز 6000 بالله وش يبي يبدي مصرف ابنائه او إيجار او مقاضي البيت 
اغنى دولة تملك نفط وهذا حال الشعب السعودي بالله وش يسوي الواحد 
الله يرحمنا برحمته . بصراحه شي محزن جداً
ماشاء الله دولة تملك نفط وهذا حال الشعب . بيجي اليوم اللي نصير مثل افريقيا 


up 3 down 0
بومحمد9999 14
قبل 6 سنه



الحمد لله على  العافيه اولا ولأن شكرتمني لأزيدنكم . 
شوفو حال باقي الدول تحديدا سوريا  واحمدو ربكم يالربع على النعمه .

نجي نتكلم على الغلا انا معكم لاكن التجار مالهم امان   الوضيفه هي الامان
اذا كان الدخل معقول  موب شقا 18 سنه  وااخرتها 3000 ريال 
دوله غنيه  وشعب محتاج . . ولو خلص البترول وش بنسوي :(


up 2 down 0
ابو رايف 010 811
قبل 6 سنه



نجي نتكلم على الغلا انا معكم لاكن التجار مالهم امان الوضيفه هي الامان
الحين الوظيفة صارت هي الامان !!!!!!!! طيب افرض صار غير لايق للوظيف بسب حادث أو مرض ... وبعدين حنا نتكلم عن الغلاء المتواصل مو معقولة في أقل من سنة يزيد سعر السلعة , على هذا الوضع في المستقبل ما يكفى راتب 8 ألف. لكن الحمد لله على كل شيء


فساااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااد 

فساااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااد

وعدم رقابه 
وقد تندمون يوم لاينفع الندم 
بس خلونا اكلين تراب وساكتين 


شوفو المقطع هذا 
مين يصدق ان هذا موجود في اغناء دوله في العالم 
http://www.youtube.com/watch?v=nMUQ1kCP2bY


up 0 down 0
misho123 849
قبل 6 سنه