............

وعليكم السلام ورحمه الله وبركاته
اولاً الله يوفقك بدراستك ويسهل عليك وعلى المسلمين اجمعين

عزيزي من ناحيه السياره
الماكينه ضع الزيت الموصي عليه وغيره في وقته
القير غير زيته بوقته واحذر من الدعس والضغط عليه هو والمكينه
يعني قياده هاديه
الكمبيوتر لاتلعب بالكهرباء وباذن الله امورك طيبه

ومن ناحيه الوسوسه الصيانه الدوريه للسياره وبس ولا تسمع كلام اي شخص
حتي لو كان من مهندسين الشركه
عندك الكتالوج يغنيك عن كل شي

وموفق باذن الله

لاتوسوس
حافظ على الزيت وتغييره
وزيت القير
والفورد لاتشرك لأحد بطاريه يضرب الكمبيوتر حسب تجربة احد الشباب
وسلامتك

بأختصار غير الزيوت بموعدها ولا تتأخر وخلي سواقتك حلوة ولا تكون عنيف

بأختصار شديد دلع السيارة تدلعك

ابو عبد الله 1398 انا متفلسفت قلت شي صدق المكينة حديد يعني مافي شي اسمه متعود ولا لا هاذي حديد تعرف
بنزين + شعلة بوجي = انفجار جوا يعني 1+1 =2 مافي شي اسمه تكيف او تعود هاذي موجودة في الكائنات الحية
واحد ساكن في الشمال وراح ابها وقت الشتاء يبغاله فترة علشان يتأقلم لكن اهل البلد متعودين

تذكرني با ابويا كل ما قلت له شي قالي غلط والسبب انه حاط معلومات في راسه ما تتغير مثلا زي زيت الدفرنس على حسب كلامه ما يتغير
لكن انا اقراء الكتالوجات والمواقع الاجنبية والناس الخبرة واستفيد ,,, وبعدين راجع موضوع وفكر فيها زين وتعرف ان كلامي صح

القير والدفرنس ماتخرب 
اما المكينة تحميها قبل كل مشوار بدون ماتدعس بنزيم 
ماتخلي زيت المكينة ينقص 
هذا رح يكفيك

حبيب قلبي حافظ على الصيانة الدورية وشيك على الموتر بين فترة وفترة ماء وزيت والذي منه والكفرات كل شهر ولا ل اسبوعين اذا مرة موسوس بالصيانة وخلاص والكتلوج فيه كلش بس اغلبنا ينطله وهذا شي يقهر سيارات بقراطيسها احيانا م

احيانا ماتلقى الكتلوج فيها

اعطيك نصيحتي بما اني مستخدم موديل98 وللحين ورده

الزيوت
زيت المكينه5000
زيت القير60الف
زيت الدفرنس حسب الكاتلوج
وانتبه من نقصها

الفلاتر
فلتر الهواء-فلتر البنزين-فلتر الزيت-فلتر البنزين-فلتر القير

البواجي-تنظيف بوابة الهواء

اي اضافات حط في سلكها فيوز
وسلامتك

ازيد على كلام الشباب ،،،،،
ف الاجواء الحارة غير الزيت قبل موعده افضل وخلي لك بنشر واحد تغير عنده عشان لو في تهريب او جلدة او اي خراب بيقلك عليه وخذ فاتورة عند كل مرة عشان لاتنسى او عشان تبين له لو صار اي شي لاقدر الله الفاتورة موجودة  ، مو كل تغييره عند بنشر 
حاول ماتغير لزوجة ونوع الزيت تحسبآ لأي ضرر
اذا السيارة واقفة لها كم ساعة الافضل عند التشغيل اول ماتحط المفتاح حط وضع البطارية يعني دقتين بالمفتاح وضغطتين اذا بصمة بتولع لمبات الطبلون كلها وبتسمع صوت طرمبة البنزين وانتظر ابو ١٥ ثانية وشغل وهذي افضل طريقة لتشغيل السيارة وبتفيد بعد عمر طويل

هذي اشياء بسيطة ومن باب تجربة حبيت افيدك وطبعا ف الاول والاخير بيكون حسب استخدامك

ودمتممممممممم