مليون استفسار بشان همر H2 موديل 2008-2009

الهمر انتهاء وقته اي سياره يوقف تصنيعها عطها كم سنه بعدها محد يلتفت لها
والهمر راحت ايامه وﻻعاد ينفع وراح تبلش بقطع البودي
خذ fj دام انك تفكر فيه
واذا خاطرك بالهمر خذه وطيح الي براسك بس بتمل منه وتطفش بعد فتره

بالنسبة لي أشوف أن الهمر خيار سيء خصوصاً مع ثقل وزنه رح يسحب بنزين كثير وهذا مستقبلاً مع ارتفاع البنزين رح يكون مشكلة

وترى قطعه غالية نوعاً ما واكسسواراته غالية

وفي رأيي لا يصلح للاستخدام اليومي ابداً

الهمر موضه قديمه وراحت
انا ما اعرف شيء عن الموتر
لكن اذكر واحد من الجماعه شراه
وبلش فيها عجز يبيعه
غير مرغوب نهائيا فالسوق

لا هنتو ع الرد .. ومنتظر البقيه

يووه ذكرتني بعام 2010 كنت معجب في السياره بشكل كبير وراسلت الشركة الأم بشتري وكالة بعد ماانقطع
يارب سامحني هههههههههههههه
المهم السياره لها عشاقها ولها كارهينها وكل واحد له اسبابه
على وقتها صراحه كانت قمه في سيارات الدفع الرباعي لكن حالياً أخر موديل مر عليه 7 سنوات فمن النادر إنك تلقى نظيف
إن ماكان مستحيل ناهيك عن صرفيه البنزين
وقطع الغيار تقريباً بنسبة 70% نفس قطع الجمس
عندك همر موديل 2000 خذ قطع جمس موديل 2000 وزي كذا إلا بعض القطع طبعاً
بالنسبة للصيانة بتكون غالية حتى في الورش العادية ( بس لأنه همر ياخذون دبل السعر )
بالنسبة للعزم ( على حسب النظافة ) مره كنت نازل من الرياض ومثبت على 140 وشطفني همر H2 وراح وإختفى
----
أذكر ايام كنت مهووس فيها سألت صاحب همر رجال في الخمسينات من العمر معاه H2
كيف السياره وعيوبها ومميزاتها ووو .. إلخ
قال والله انا ماكنت أركب إلا ألماني ويوم حبيت أغير أخذت الهمر , يقول والله ماندمت سياره جباره وعزل ممتاز وعزمها حلو
لكن خذ النظيييييف ... إنتهت نصيحته غفر الله له
---
رأئي الشخصي ماانصحك فيها للأسباب أنفة الذكرأعلاه
شوف لك FJ أو رانقلر ع الاقل صيانتها سهله وقطعها متوفره
واذا ملزم على الهمر خذ من 2008 وفوق لان حسنوه بشكل كبير ( ميكانيكياً )

اشكرك ي بعدي ع الرد الصريح

اشكرك ي بعدي ع الرد الصريح

العفو لشكرك وأتمنى إني أفدتك

شف ياغالي شي بخاطرك والله معطيك ومباركلك في رزقك خذه دامة في الخاطر من 12 سنة

صحيح راحت ايامة ولكن قد تكون في ذاك الوقت  شاب بسيط على قد حالك  دور النظيف وحقق الحلم

يعلم الله.كم باقي من العمر 

وش تبي بموتر مر عليه حول 10 سنوات
خذلك اف جي على قولتهم الهمر الياباني
الاف جي عن تجربه قطع غيار رخيصه وخفيف نفس داخل البلد مظهر شبابي سعر وقت البيع ممتاز

كان معي
زي اللوز
لا مطبات تحس فيه
حتى الحفريات ما تحس فيها مساعدات والسسبنشن يخليها ما تحس بشي

ياخي ناس ما جربت وتهايط وتفتس من راسها وش ترتجي من واحد معه كامري هههه

قطعه رخيصه
التوضيب القير لا طق ب 3000ريال
المكينه بالكويت ع 3000ريال وتوصل 5الاف
والاستهلاكسات متوفوفرة بالمحلات
خذ رقم شاص من موقع اي بي الي عارضين هناك
واسئل عن القطع

البواجي قماشات الخ الخ

الي يقولك موضته راحت . هذا ما يطوول العنب

لا مر همر بالشارع
كلهم يوقفون ويفههووووووووون معه
سلامات بس خذ النضيف وبتعديلي نفس الجمسسس بالمشاكل حافظ عليه بس

عشت يا برنس وردك جذبني اكثر للهمر

البرنس خالد 

مع احترامي لردك لكن الهمر فعلا سيارة موضتها أنتهت والحين منطلات في الصناعية وبعضها واقف في المعارض له سنين ومحدود ب 25 ألف والغبار مغطيه ما أحد يطالع فيه. تحياتي

باعطيك معلومة اغلب العرب مايعرفونها هو ان الهمر شكل خارجي على شاص وقطع غيار تاهو.
والسبب ان شركة GM كانت تبغى تنتج سيارة تجارية نفس شكل الهمفي او الهمر H1 حق الجيش الامريكي

انا احب الرانجلر اكثر شي
لاكن ما انصحك تاخذ لا همر ولا رانجلر
لن اي واحد يقدر يفتح الكبوت من الخارج
وحتى لو كنت توقفها في البايكه بيجي اليوم اللى توقفها في مكان عام

معظم اللى ردوا عليك ما ملكوا همر ولا قدروا يركبوه

اللى يركب همر مايعرف يركب غيره سواء اتش 3 او اتش 2

اتش 3 صبور اكثر وحق استخدام يومى
اتش تو للسفريات الطويلة والطلعات جيد

سيارتيين ما تحس فيهم بالسفر والطريق عن تجربة همر ل10 سنوات

الى الان اقتنعت المكينه ضعيفه + تخرب بسرعه + ثقل موتر و المكينه ما تتحمل

قطع الغيار نفس الجمس ، بس تبلش في الاكسسوارات

اذا غيرت او وضبت المكينه يضرب القير 100%
سعره في سوق 25 الى 30 الف