أضف سؤال أو موضوع جديد          

شرح لقطع الكامري الامريكي من موديل 2002 - 2006

up 9 down 1
splinter cell 215
قبل 5 سنه و 2 شهر



السلام عليكم ورحمة الله وبركاته

بسم الله نبدأ

الرديتر مختلف عن السعودي وماتلقونه هنا وايضا قطع التبريد اظنها مختلفة اذا الرديتر مختلف
لان خربت عندي قربه الماء وطلبتها من موقع اماراتي راح اذكره تحت وكلفتني 150 ريال لان قربه الماء للكامري السعودي تختلف عن الامريكي بس بحثت بالانترنت لقيت فيه تطابق مع لكزس Es300 2002-2003
لكن اعتقد فيه Es 300 امريكي وتختلف عن السعودي

الاقمشة الخلفية مثل اقمشة اللكزس يجي شكلها هلال او قوس بس نصيحة اقمشة الوكالة سيئة انا ركبتها وصرت اسمع صوت صفير اذا مسكت بريك والبريك مايمسك زين

بالنسبة للمساعدات يركب عليها مساعدات الكامري السعودي من موديل 2007 الى 10 لكن فيه اختلاف بسيط بالقاعدة مايضر
وبحثت في Ebay لقيت مساعدات الافالون 2005 و 6 نفسها ومتوافقه ومتوافقه مع es 300 من 2002 الى 2003 بالضبط بدون اي مشاكل
انا مركب مساعدات وكراسي المساعدات نفس 2007
هنا رابط المساعدات مكتوب يتوافق مع مساعدات الافالون 2005 الى 6 و Es 300 وللكامري الامريكي من 2002
http://www.ebay.com/itm/DNA-FRONT-REAR-RED-SHOCK-ABSORBER-STRUT-SUSPENSION-COIL-FOR-02-06-CAMRY-XV30-ES-/401279479497?fits=Year%3A2002%7CMake%3ALexus&hash=item5d6e1eeec9:g:hncAAOSwtfhYq1yJ&vxp=mtr
كنت متابع لقناة في اليويتوب اسمها عالم السيارات والرجال هذا عنده كامري امريكي يا موديل 2005 او 6 كيف عرفت؟ من طبلونها ليزر ويجي لونه اصفر وله فيديو يتكلم ان مساعدات اللكزس تركب موديل 2002
وكراسي المساعدات من 2007 الى 10 لكن فيه اختلاف بسيط لكن تركب بس للاسف مساعدات كامري 2007 سيئة وصارت السيارة تلعب لو مركب مساعدات اللكزس Es 300 افضل
وهذا دليل على ان مساعدات الكراسي لللكزس تركب
http://www.ebay.com/itm/Front-Upper-Shock-Strut-Mount-Pair-L-R-Set-for-Toyota-Camry-2002-2006-/151918944788?hash=item235f132214:g:1WYAAOSwHPlWcj4d&vxp=mtr
كلمة Fitment تعنى متوافق او مناسب

السلف زي سلف الكامري السعودي 2003
والعكس اظن يركب عليه عكس الكامري السعودي موديل 2007 الى 10
وفلتر الزيت وفلتر المكيف مثل 2007
وقطع البودي مثل السعودي لان مركب صدام الكامري السعودي من 2003 الى 06 (بس للاسف اشوفه ضعيف) لكن تختلف بطانة الرفرف للجهتين بطانة الرفرف للكامري السعودي ماتركب وايضا يختلف الرفرف الايمن والايسر كامل لان الامريكي يجي بدون اشارة لكن اظنه يركب بس راح يكون شكل السيارة بايخ اذا ركبته لان مافيها اشارة ولازم تقفل فتحه الاشارة
شبك الكامري الامريكي مختلف

بالنسبة للشمعات للاسف كنت اعتقد ان شمعات الكامري السعودي تركب لكن تبين لي ان فيه اختلاف بقاعدة الشمعة وايضا شمعة الامريكي يجي فيها على الطرف لمبة للاشارة مثل الافالون اما السعودي لا لان للكامري السعودي عندهم اشارة بالمرايا وبالرفرف فمايحتاجون للمبة هذه
واظن مرايا الكامري الامريكي تختلف عن السعودي
بالنسبة للكشافات
هذا رابط كشافات الكامري الامريكي مذكور انها متوافقه مع كشافات الكورولا من 2005 الى 2008 لكن ما ادري اذا اختلافات بالكورولا الامريكية عن السعودية !!
http://www.ebay.com/itm/For-02-04-Toyota-Camry-05-08-Corolla-Clear-Bumper-Fog-Driving-Yellow-Lights-Pair-/222273279245?fits=Year%3A2002%7CModel%3ACamry&hash=item33c085150d:g:iIEAAOSwLnBX9qji&vxp=mtr

بالنسبة للهوبات hub الافضل اذا تبي تشتري هوب يكون فيه abs لأن فيه هوبات بدون Abs
هذا فيديو لفني يغير هوبات الكامري الامريكي موديل 2002 وبالدقيقة 8:27 هذا سلك abs وحساس السرعة
https://www.youtube.com/watch?v=k6Ff6k9V93w
سلك Abs يجي مع حساس السرعة بسلك واحد ويركب بالهوب !!
زي هذا
http://www.ebay.com/itm/ABS-Wheel-Speed-Sensor-fits-2002-2008-Toyota-Camry-Solara-Camry-Solara-STANDARD-/132168648649?fits=Year%3A2002%7CModel%3ACamry&hash=item1ec5dd87c9:g:WhkAAOSwzqFY~Rli&vxp=mtr

بالنسبة للمكيف
للاسف بفئة الاربعة سلندر يختلف عن v6 واظن واذا اختلف راح تختلف كل قطع المكيف


بالنسبة للدركسون بحثت ب Ebay عن Power Steering Reservoir او علبة الدركسون ورحت لاي سلعة واخترت [show all compatible vehicles] اعرض جميع المركبات المتوافقه مع هذه القطعه
ولقيت من 2002 الى 2009 للكامري تركب على الامريكي لان الكامري السعودي صار مثل قطع الكامري الامريكي ب2007 لكن فيه اختلافات بسيطة لكن بالموديلات القديمة من 2006 وتحت فيه اختلافات كثيرة
وايضا فيه توافق مع الافالون من 2009 الى 2012 وايضا فيه توافق es350
هذا رابط القطعة
http://www.ebay.com/itm/Cardone-Service-Plus-Power-Steering-Reservoir-fits-2002-2009-Toyota-Camry-Solara-/142079823825?hash=item21149e0fd1:g:Zj0AAOSwo4pYmCTd&vxp=mtr

وايضا اخترت قطعه ثانية للدركسون اسمها Power Steering Pump
ولقيتها متوافقه مع الكامري من 2002 الى 2009
http://www.ebay.com/itm/Power-Steering-Pump-for-2002-2009-Toyota-Camry-2002-2008-Solara-/371399891880?hash=item5679289ba8:g:w00AAOSwc-tY63uC&vxp=mtr
لكن اظن فيه اختلافات بقطع الدركسون الداخلية زي الاهواز والمواسير طبعا ماني متأكد لان بحثت برقم القطعه ممكن من موديل 2007 يسجلون رقم القطعه برقم مختلف عن 2002 الى 2006 لكن ممكن هي نفس الوظيفة والشكل او ممكن بعض البائعين بebay مايكتب جميع السيارات المتوافقه

بالنسبة لمسمار التوازن Stabilizer Bar End متوافق مع الافالون من 2005 الى 2015 وللكامري من 2002 الى 2016 (التوافق هذه يفيدني بالنسبة للكامري الامريكي اقدر اركب حق 2007 )
http://www.ebay.com/itm/Toyota-Camry-E300-RX330-Lexus-Pair-Set-of-2-Sway-Stabilizer-Bar-End-Links-Moog-/351972193504?fits=Year%3A2009%7CModel%3ACamry&hash=item51f32d74e0:g:wcIAAOSw2xRYkwtg&vxp=mtr

بالنسبة لجلب عامود التوازن اسمها Suspension Stabilizer Bar
متوافقه مع الافالون من 2005 وللكامري من 2007 وفوق
وهنا رابط السلعة مذكور تحت اسماء جميع السيارات التي تتوافق مع هذه القطعة
http://www.ebay.com/itm/Suspension-Stabilizer-Bar-Bushing-Kit-Front-Rear-MAS-BSK74039/351700035410?_trksid=p2047675.c100010.m2109&_trkparms=aid%3D333008%26algo%3DRIC.MBE%26ao%3D1%26asc%3D40130%26meid%3Db278b17d87a94913b01c775b21af0686%26pid%3D100010%26rk%3D2%26rkt%3D6%26sd%3D370905935218

حسب ماقريت بمنتدى تويوتا ومنتدى السيارات ان الكامري الامريكي من 2007 وفوق مثل قطع الكامري السعودي من 2007 وفوق هذا بالنسبة للعضلات لكن فيه اختلافات بسيطة زي الاختلاف بشداد سير الدركسون يجي سيرين اما السعودي واحد وايضا طبلونها مختلف حتى بافل فئة le !!
بالنسبة لاصحاب موديلات 2002 الى 2006 للكامري الامريكي فالافضل يدخلون لموقع ebay ويبحثون عن اي قطعه تكون متوافقه مع 2007 الامريكيه وتكون متوافقه مع 2002 للكامري الامريكي
لان مثل ماذكرت مافي اختلاف بموديلات 2007 من ناحية العضلات والمكينة الا بموديل 2011 نزلت لهم مكينة 2500 على نفس شكل 2010 واظن القير صار 6 سرعات
ومن 2007 عندهم كامري v6 ٍسلندر لاحد يلخبط بين قطع الاربعه و 6 لان فيه اختلافات

تنبيه موقع ايباي يبيع القطع على اساس مصدر السيارة اللي تجييهم منه وايضا حسب مكان البائع ممكن لو كان من استراليا يبيع لك قطع الكامري الاسترالية افضل شيء انكم تبحثون برقم vin او رقم الهيكل في أي موقع يعطي رقم القطعه ثم تبحثون عنها ب Ebay حتى تتأكد انها متوافقه 100%

اظن يكون فيه رقم قطعه واحد لاي قطعه اصلية افضل حل للي حاب يوفر فلوسه يدور ارقام oem للقطعه وتكون تجارية ولنفس القطعه
التجاري راح يركب لكن هذا معناه ان فيه شركات كثيرة مثلا تصنع لتويوتا وحتى يحتفظون بخصوصيه القطعة يحطون رقم قطعه معين لهم
كيف تبحث عن اي قطعه تجارية اكتب part car oem
اذا تبي اصلي اكتب Genuine لكن الاصلي يكلف على سيارة موديلها قديم








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بيض الله وجهك بهالمعلومات افدت اصحاب الكامري لهذا الموديل
وهذي المواضيع اللي تشرف وتنفع شباب المنتدى اجتهاد شخصي ومعلومات وافره
بارك الله فيك


up 1 down 0
ابو عبدالله احمد 3530
قبل 5 سنه و 2 شهر



الله يجزاك خير على المعلومات كفيت ووفيت

لكن عندي توضيح بسيط لنقطتين ذكرتهما انت

1- سيارة صاحب قناة عالم السيارات بالضبط مثل ماذكرت 2005 او 2006 واضح من الطبلون
لكن سيارته فئة SE الرياضية والدليل لون اضاءة الطبلون برتقالي والدركسون تصميم مثلث اسود والداخلية اسود مع رمادي
وباقي الفئات LE و XLE يجي الطبلون ابيض والدركسون شكل التقليدي والداخلية بيج او رمادي

2- بالنسبة للمكيف الامريكي فئة LE و SE بدون مكيف خلفي ولوحة المكيف فرارات , اما XLE الفل كامل يجي مكيف خلفي مثل السعودي ولوحة المكيف لمس
وماله علاقة بالـ 4 او 6 سلندر اهم شيء الفئة فقط وهذا حسب بحثي في النت


up 0 down 0
mr959 430
قبل 5 سنه و 2 شهر



dark evil
شف المقطع هذا
https://www.youtube.com/watch?v=ZXqi3xzhxuI
عند الدقيقة 0:38 بها مكيف خلفي

بالنسبة للمكيف فئة le ستة سلندر و فئة xle ستة سلندر و se ستة سلندر كلها مكيفها واحد ويشبه مكيف Es 300 2002
شف الرابط
http://www.ebay.com/itm/New-CO-28004C-8832007090-99-03-Lexus-RX300-ES300-04-06-ES330-A-C-Compressor-/161834201210?fits=Year%3A2002%7CModel%3ACamry&hash=item25ae11f07a:g:4ywAAOSwGYVW-o~8&vxp=mtr

لكن مكيف فئة Se و Xle و le للاربعة سلندر يجي مكيفهم واحد
http://www.ebay.com/itm/New-A-C-Compressor-Fits-2002-2006-Toyota-Camry-Solara-Highlander-L4-2-4L-/262380880514?fits=Year%3A2002%7CMake%3AToyota%7CModel%3ACamry%7CSubmodel%3ALE%7CEngine+-+Liter_Display%3A2.4L&hash=item3d171e8282:m:mFF3XipETICDVj66wISWsAg&vxp=mtr


up 0 down 0
splinter cell 215
قبل 5 سنه و 2 شهر



يعطيك العافية موضوع مميز
بالنسبة للموديلات القديمه بعض الفئات تتعب فيها
بالنسبة 2007 وفوق خاصتا 6 سلندر
مريحه وقطعها قطع اوريون او افالون
وصيانتها اسهل من الموديلات القديمه


up 0 down 0
الرفاعي33 13914
قبل 5 سنه و 2 شهر



الكامري الامريكي من ٩٧ الى ٢٠٠١
نفس السعودي من ٩٨ الى ٢٠٠٢ سواء ٦ ولا ٤ سلندر
الفرق البسيط بينهم أن الاقمشه الخلفيه ل ٩٧ الى ٩٩ تيجي هلال
وال ٢٠٠٠ و ال ٢٠٠١ تيجي نفس السعودي


up 0 down 0
ابواحمد.2007 2086
قبل 5 سنه و 2 شهر



كانت عندي كامري ٢٠٠٦ امريكي
اغلب قطعها كانت لكزس
او لكوامري موديل ٧ الى ١٠



up 0 down 0
ربيع الأول 369
قبل 5 سنه و 2 شهر



الرفاعي33 صحيح بعض القطع تتعب فيها
ربيع الأول هل الرديتر نفسه للسعودي وللامريكي ؟
واحمد صحيح

شكرا لكم


up 0 down 0
splinter cell 215
قبل 5 سنه و 2 شهر



شكرا لك ع النصائح أخي الكريم

انا كان عندي كامري 95 فل كامل استخدام

بالفعل كلامك صحيح بعض القطع كنت اخذها من لكزس 300


up 0 down 0
masaaaaaa 118
قبل 5 سنه و 2 شهر



عندي كامري 2005 xle
بس الطابلون عادي مش ليزر
المكيف لمس وفيه مكيف خلفي
معظم القطع الميكانيكية لكزس
طبعا اصعب شئ تعبني وانا ابحث عنه كان الفحمات
واذا لقيتها الا يوفرها طلبية


مشكلة السيارة انها جنوط 17
يعني تبقى واحد يدلعها في الحفر والمطبات او استعمال خطوط بس عشان ماتحك في الكفرات
المهم اني اكتشفت المشكلة دي متاخر لان كل فترة اغير مسامير توازن


up 0 down 0
mohammad 13 523
قبل 5 سنه و 2 شهر



يا حبايبي الرديتر المكيف الي عندي خرب حق الكامري الاستخدام مديل 2005 و شريت حق سعودي ما ركب وش الي يركب لها و تحياتي


up 0 down 0
abood3773
قبل 4 سنه و 2 شهر



اخوي abood3773
انا معي كامري le 2005 استخدام نفس رديتر السعودي وركبت تايون ب 180 ريال


up 0 down 0
abadeibra 45
قبل 4 سنه و 2 شهر



السلام عليكم انا عندي ٢٠٠٢امريكي seشكل ٢٠٠٣طبعاً الخليجيه وين احصل ركب وكراسي مساعدات ؟


up 0 down 0
ahmad1433l
قبل 3 سنه و 11 شهر



الا محتاج قطع لكامري الامريكي يتفضل متوفر اصلي و تجاري


up 0 down 0
تشاليح الشرقية
قبل 3 سنه و 9 شهر