تفويض التعاونية والأهلي ايش الحل ؟

دام السياره ماهي باسمك باسم البنك الاهلي

لهم الحق الشيك يكتب باسمهم

ومالك ومال الطلبات

دام بيصلحوا السياره على التامين

انت مطالب فقط بنسبة تحمل تدفعهم ويمكن مايطلبوا 3000 الاف يمكن حول 1500

بس اطلب تصليح السيارة وكاله

نسبة التحمل مكتوبة في العقد ٣٠٠٠ وقيمت التصليح ٢٥٠٠

انا شغال بشركة تأمين 

اولا : دام ان السيارة بإسم البنك الاهلي مايحق لك تستلم شيك بأسمك لازم يكون تفويض لك بتقديم المطالبة موضح فيه رقم الايبان افضل لك علشان مايقولون ماعندنا شيكات او يطلع شيك بإسم البنك

بس شرط تكون جايب تفويض من البنك بتقديم المطالبة واستلام الشيك مصدق من البنك والبنك بالحالة هذي يتفاهم معك حسب اللي يشوفه 

بالنسبة للتحمل اشوفه مرتفع زيادة ! ما ادري انت متأكد او لا لا غالبا من ٥٠٠ ل ١٥٠٠ لختلف الفئات والموديلات

انت الان اللي عليك تسويه تاخذ من البنك تفويض بإسم شركة اللي صدمك ولو رفض البنك الشكوى لله

روح للتعاونية وراح ياخذون من ٧٥٠ ريال كنسبة تحمل لان لو الخطأ عليك ١٠٠ ياخذون ٣٠٠٠ لكن دام ٢٥ فقط ماياخذون الا ٧٥٠

والله يعينك على المراجعات 

عزيزي

دائم بيدفعونك على قولتك والسياره تصليحها يكلف 2500 ريال

ياخي روح صلحها برى بالورش وعلى حسابك يمكن ماتكلف 1000 او اقل

من واقع تجربتي

سيارتي صدمت فيها وكانت دقه بسيطه بالاسطب والرفرف والوكاله قدرت التصليح مع اجرة اليد حول 13000 الف

وانا رفضت التصليح لان بيغيرون المقدمه كامله وهذا حرام ونصب على التامين

صحيح مالي شغل وماراح ادفع الاقيمة تحمل حول 1500 ريال بس ماطاوعني قلبي

سحبت السياره ومريت الصناعيه القديمه شريت اسطب بـ250 ريال وكاله مستعمل

وعدلت الرفر ب100

كلها ماكلفت 400 ريال



الشاهد اذا شايف تصليح سيارتك مقدور عليه صلحها برى من جيبك والعوض من الله

ولاتدفع 3000 الاف على تصليح 2500 ريال


وفقك الله عزيزي

شكرًا لكم جميعا