كم عمولة الموقع في بيع سيارة أقساط

اذا كان البيع بين طرفين : ( البائع والمشتري )
اشوف على قيمة السياره كامل لانه اللي يبي يقسطها راح يحصل كامل المبلغ
ولو بعد كم سنه والاساس تم البيع بالموقع على سعر محدد للسياره بغض النظر عن الدفعه
المقدمة وسنوات التقسيط .
مثال :
البائع عارض سياره سعرها 50 الف اقساط
والمشتري بيدفع 10 الاف دفعه اولى والباقي تقسيط
على البائع دفع عمولة من اصل ال 50 الف

ولكل عضو نسبه مختلفة شوف اسفل الموقع حساب العمولة

واذا كان البيع بين 3 اطراف : ( المشتري والمؤجر وشركة التأجير )

مثال :

فهد اشترى كامري من شركة تقسيط بقيمة 100 الف
دفع من اقساطها 30 الف
فهد يبي يتنازل عن السياره ويبي مبلغ للتنازل جزء من المبلغ اللي دفعه
تجي انت تدفع له مثلا 15 الف وتاخذ السياره
هنا للموقع عمولة من ال 15 الف مو من قيمة السياره لان فيه طرف ثالث

ونظام الطرف الثالث معمول فيه بالموقع وهو التنازل بمقابل

بيض الله وجهك يالتميمي ... لكن اشوف دفع العمولة على كامل المبلغ بغض النظر عن المقدم كثير جدا خصوصا بعض السيارات توصل أقساطها الى 300 ألف كذا العمولة بتكون كبيرة والبايع ما استلم الا مقدم بسيط

سيارات الإيجار المعروضه للتنازل تكون عمولتها حسب القيمة المدفوعه خلال الاتفاق. مثلا لو اراد شخص التنازل عن سيارته وباقي عليها 20 قسط واتفق مع شخص ان يتنازل عنها له بمبلغ 10 الف ريال فأن عمولة الموقع هي 100 ريال. اذا كان التنازل مجانيا فأن العموله أيضا مجانيه.

https://haraj.com.sa/commission.php

وجهك ابيض اخوي ابو اسيل

اللي بياخذ سياره توصل الى 300 الف بواقع 60 شهر كحد اقصى عند الشركات
بيكون قسطة الشهري 5000 ريال

واشوف اللي بيدفع قسط شهري 5000 لمدة 5 سنوات ماهي كثيره
يدفع عمولة للموقع 3000 ريال لمره واحده والموقع هو السبب بعد الله في شراء او بيع
هذي السياره .

التميمي 
كيف انا الشاري وانا الي ادفع العموله 
الي اعرفه ان العموله  او بمى تسمى منذ القدم  الدلاله على البائع وليس الشاري 

هلابك اخوي الاش
المقصود بردي البائع وليس المشتري اقرا ردي الاول علشان يوضح لك ردي الثاني

والدلاله او العموله ماهي شرط على البائع في العقار الدلاله على المشتري

عاد في الزمن هذا انقلبت الموازين   
اما الحق في عقار وغير عقار  الدلاله او العموله  على البائع  
يعني  لو اشتري منك عقار عن طريق مكتب  ولا بيننا اي اتفاق على  الدلاله او العموله  وانت رفضت وانا رفضت  ان انعطي المكتب  دلالته  وشكانا على القاضي فئنه يقضي علىك انت فقط بدفع  الدلاله وليس انا لأني شاري. 
هذا ماعلمه وماعرفته  

ماعندي معلومات كافيه عن دلاله العقار خلنا نرجع لموضوع خوينا ولا نتشعب
الله يعطيك العافية