هل يذهب الضمان بالصيانة خارج الوكالة ؟

لو سويت صيانة برا ما يروح الضمان

بس وانا اخوك ترى وكيل هيونداي عنده محطات تغيير الزيوت دون الحاجة انك تروح للوكيل .. مثل الجميح عنده اي سي ديلكو بالخارج .. وترى السعر نفسه بالنسبة لتغيير الزيت .. وبالتوفيق ومبروك

العالم كلها طايحة في بترومين شوف اذا الوكيل يعتمدها.

اطبع فواتير كل صيانة لاثباتها عند الحاجة.

الله يوفقك  و يعطيك خيرها و يكفيك شرها.

ايه يروح واتركـ عنكـ كلام الناس .... والله لو صار لموتركـ شيء ( لاسمح الله ) وانت مصين برا الوكالة انهم وبكل راحة يلغون الضمان وتلزمكـ وزارة التجارة بتقديم اثباتات انكـ قمت بالصيانة في مراكز معتمدة لدى وزارة التجارة

اولا. مبروك السيارة. وانصحك لاتسوي عندهم اي صيانة. لانهم الزيت الي يحطونة اسمة سيرفو قيمتة 16ريال. وصناعتة هندية. وكان زيتهم كاسترول. ممتاز. وانصحك تغير برى. عند بترومين. لانة معتمد لديهم. وتاخذ فواتير. . والا الوكالة غالية.

انا تعطلت البطارية. قبل تكمل سنة. والضمان عليها سنتين. ورحت استبدلها. قالو. لو منتظم بالصيانة معنا. نغيرها لك . وقلت اسعاركم غالية. وقالو غير عند بترومين. واحتفض بالفواتير. لحد 100الف. ويبقى الضمان ساري.

بترومين اغير عندهم الزيت وكل شي ب فواتير جمييييع الصيانات عندهم
وجت عندي نتعه بالقير رحت للوعلان قالوا خارج الضمان انت ماكد جيت
قلت عندي فواتير بترومين صوروها قالوا النقاط اللي نشيك عليها اكثر من النقاط اللي تشيك على بترومين
موترك طلع من الضمان
للعلم موتري 2016
ماشي 80

اشتكيت التجاره قالوا كلامهم صحيح

اذا ما عندك اثبات رسمي معتمد 
انهم يقبلون بترومين بديل لهم ....
راح بجحدونك ويلغون الضمان 
زي شرب الماء 

من اي وكيل ؟ الوعلان عندهم عرض اصلا سنه او ٢٠ الف صيانه مجانيه

والمجدوعي ٣ سنوات او ٥٠ الف صيانه مجانيه

بعدين اول فحص على ٥٠٠٠ تغيير زيت وفلتر مافيه على ١٠٠٠

كلهم كذابين. الوكالة. تجربك على الصيانة. عندهم. عشان مايلتغي الضمان. ويقولك بترومين معتمدة عندنا. وامس تعطلت بطارية سيارتي. اكسنت. 2017 وقلت بروح الوكالة. لان ضمانها سنتين. وتوي مخلص صيانة مجانية 20الف كيلو وسحبت على صيانة 25 لانها غالية ب624 ريال وقلت ابي اغير البطارية قلو لازم تسوي صيانة. وتلتزم عشان الضمان يكون ساري ل100الف. وقلت اسعاركم غالية. قال مجير الصيانة عادي تسوي عنج بترومين معتمدة لدينا وتجيب فواتير ونقبلها ولازم كل 5الاف كيلو الصيانة. الزبدة دقيت على وزارة التجارة وعلمتهم وقال كلام الوكالة صحيح لازم تلتزم بالصيانة اوعند مراكز معتمدة. قلت الاسعار غالية انا اغير عند بنشر عادي. وقالي عادي خذ فاتورة بتغيير الزيت والفلتر لو بخط اليد مكتوبة قلت ماتقبلها الوكالة. قال اذا ماقبلوها. قدم شكوى علينا. ونفيدك. باختصار. وزارة التجارة. واقفة بصفهم. يعني تشتري سيارة جديدة عشان ترتاح من الورش. والدفع كل شهر. للورش. وتقعد تدفع لمراكز الصيانة. كل شهر. 400و500