أضف سؤال أو موضوع جديد          

ما معنى هذه المصطلحات؟

up 2 down 1
sjanzeir 283
قبل 4 سنه و 7 شهر



يا اخوان ما معنى "سوح" و"قطب"؟
يعني أشوف إعلانات "جنوط سوح [حديد يعني؟؟؟] لأهل القطب". أرجو التفسير. وشكراً.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سوح يعني سياحي

قطب يعني قطبي هههههههههههه لا أمزح قطب يعني اتوقع تنزيل او تهبيط

.. نشوف البقية


up 5 down 0
الاحترافي 1437
قبل 4 سنه و 7 شهر



سوح يعني سياحي يعني اقل فئة ستاندر

قطب هذي عاد دورها عند اهل القصيم والجنوب بعد

القطب ب اختصار هو استعراض الموتر يعني يقولك الجنوط هذي تصلح قطب يعني تصلح للاستعراض

الاستعراض مو تفحيط ههههههههه لا بس حقت وقفة جامدة ومنظر زين وكذا


up 4 down 0
salem almutairi 403
قبل 4 سنه و 7 شهر



كلمة تعتبر منتهية الصلاحية ... خاصة بأهل تلميع الكفرات

يعني جنوط حديد السوداء تنفع للي يبي يلمع ويوقفها ويستعرض قدام الشباب ان جنوطه مثل المرايا من كثر التلميع


up 2 down 0
أبو يارآ 491
قبل 4 سنه و 7 شهر



سوح يعني ستاندر(سياحي) مثلا يجيك واحد يقولك ركب سوح يعني ركب جنوط حديد فقط   ماله دخل جنوط تلمع او كذا والسوح تخص اهل الرياض دايم يقولونها زي ابتيما سوح وكذا  والقطب قصة ثانية تخص اهل جدة ومكة وهي تنزل وتبريز الكفرات واستكرات وتوليف شبوك وغيره من الحركات الي يسوونها 


up 4 down 0
stecker_gm 177
قبل 4 سنه و 7 شهر



سوح يعني سياحي


وما تنقال على الجنوط فقط تذكر حتى على السيارة يعني يقولك معي اوبتيما ولا كامري سوح يعني السياحي اقل شي اللي تجي بطيس ولا جنوط حديد مثل الكامري


ف كلمة جنوط سوح يعني جنط حق اقل فئة للسيارة هذي وفي اغلب السيارات الصغيرة يكون جنط حديد وطيس وبعضها بدون طيس مثل الكوامري


كلمة قطب هذي يستعلمونها حقين الزبرقه الزايدة اللي يخلي الموتر يلفت الانتباه ليس بالاعجاب انما بكثرة التغييرات على الموتر بمعنى جنوط شكلها غريب وتهبيط مثلاً الوجه وانوار ورا وقراطيس والموتر موديله عام الفيل وداخليه كلها اكياس حتى الطبلون يكيسه وهكذا بالعربي استعراض وصرف دراهم على قل سنع





up 1 down 1
a.ibrahem 3169
قبل 4 سنه و 7 شهر



اوضحها لك اخوي

سوح = سياحي: بمعنى سيارة أقل فئة ستاندر وعادتاً بدون مواصفات مثل الجنوط حديد طاسات

قطب: تعديل في المنظر الخارجي للسيارة
مثلا: تغيير الجنوط - اضافة تباريز ليخرج الاطار بمسافة بسيطة - استكرات - ترفيع او تنزيل السيارة - تغيير الواجهة من ناحية الشمعات والشبك
يعني من الآخر الرجال يبي يزحف الموتر


up 2 down 0
mr959 430
قبل 4 سنه و 7 شهر



أشكركم جميعاً على التوضيحات الوافية ما قصرتوا.


up 0 down 0
sjanzeir 283
قبل 4 سنه و 7 شهر