اشتريت محرك خربان وابتلشت فيه

9 0

لايمكنك التصويت حتى الحصول على 20 نقطة على الأقل
إضغط هنا للإخفاء

بونبيل7 41
قبل 7 سنه و 6 شهر

بسم الله الرحمن الرحيم

السلام عليكم ورحمة الله وبركاته ،،،

يا اخوان ودي استشيركم بشغلة ،،،

انا اشتريت محرك لسيارتي الصينية ( جيلي ) من إحدى محلات التشاليح ، مقابل 3 آلاف ريال ،
وتم الاتفاق على سلامته وأنني سأستلم السيارة سليمة ومن هذا الكلام ،
لما جيت استلم السيارة كان فيها طفطفة ، قال لي السوداني هذي تحتاج تغيير بواجي ومافيها شي ، قلت مو مشكلة ودفعت الفلوس ومشيت ،
ورحت اغير البواجي ولقيت فيه ماي على احدى البواجي ،، الطفطفة خفت لكن بقت طفطفة ثانية ،رجعت للسوداني وقال لي لازم البواجي تحرق ،
عطها كم يوم وبتضبط معاك ، لكن ماضبطت ورجعت له بعد يومين وكان فيه صوت في المحرك لما أوقف عند التقاطعات داخل الحي ،
قال هذي من السيور لأن المحرك متروك فترة ، المهم الضمان كان 10 أيام ، وزهقت وقلت له المحرك فيه بلا ، لكن ما اقتنع وقال لي تحتاج برمجة ،
فريت الخضرية بالدمام لكن ماحد عنده برمجة للجيلي ، فحجزت موعد بالوكالة وكلمت السوداني يمدد لي الضمان عبر الجوال ووافق ،
الوكالة قالوا لي الإسطوانة رقم 4 الضغط فيها ( 60 ) وهذي ضعيفة جداً والمحرك ما يصلح ، فكلمت السوداني وما عجبه كلامي ،
بدا يتهرب ويلف ويدور ، وديتها لهم على طول وقلت لهم شوفوا لي حل ، قالوا من المنظم وغيروه لي ،
أخذوا السيارة لمحل برمجة بالدمام اسمه الساحل اظن ، والظريف مسح المشكلة مجرد مسح وإطفاء لعلامة المحرك ،، ما له معنى ، وقال المشكلة من الدبة والمنظم ،
تم تغيير الاثنين ولكن بدون فائدة ، السوداني ما يبي يرجع فلوسي ، حاولت اتواصل مع صاحب التشليح لكن للأسف ،
صار لي اكثر من اسبوع لكن الرجال مو مهتم الله يهديه ،

طبعاً خلال هالفترة دفعت اكثر من 2000 ريال ،، غيرت الكعكعة وغيرت كرسي محرك وغيرت دبة وغيرت ثلاجة و خساير عالفاضي ،،،
سعر المحرك بالوكالة 6 آلاف ، أحس بقهر ، تعاملت معهم على أساس أنه ماحد بيكذب وبيلف وبيدور ،،، أول مرة أتعامل معهم ،

للأسف الثقة ما تصلح مع هالأشكال ،

وحبيت استشيركم لعل عندكم حل للموضوع أو فكرة مفيدة ،،،

انا أفكر الحين آخذ المحرك القديم حقي ( مشكلته تهريب زيت ، والحذاف في وسطه قطعة مكسورة ) وأركب عليه الحذاف الي شتريه منهم ،
وأرجع لهم المحرك وأشوف وش يصير بعدها ،،،

جزاكم الله خير ،، وعذرأً على الإطالة .

إبلاغ

الردود