شركات التأمين - ماهو الحل ؟ الجشع أعماهم

4 2

لايمكنك التصويت حتى الحصول على 20 نقطة على الأقل
إضغط هنا للإخفاء

الاحترافي 1441
قبل 7 سنه و 7 شهر

السلام عليكم ورحمة الله وبركاته

اسعد الله اوقاتكم اعضاء وزوار موقع حراج واتمنى ان تكونوا بصحة وعافية وابلغنا رمضان بإذن الله لا فاقدين ولا مفقودين

في الأمس تم شراء النترا 2017 من أحد الاقرباء , وعند سؤال الموظف صاحب المعرض ابلغني ان التأمين يكلف 1500 ريال على حسب نظافة سجل الشاري

لما رحنا لشركة اسيج وملاذ وغيرها , تفاجئنا ان الأسعار متفاوتة
اسيك طلبوا 1950 وملاذ وغيرها طلبوا 1750

وبدون ما نعطيهم أي معلومات عنا عطونا السعر على السريع
طيب وين شروط التأمين وين نظافة سجل المأمن ؟؟
يعني والله اذكر التأمين 650 ريال وبعدها وصل 900 ريال وبعدها 1300 والآن 1900

وين حنا رايحين ؟؟

ليش ما لما ندفع المبلغ الكبير هذا يتعوض بنهاية السنة ؟؟ ليش ما يكافئ أصحاب السجل النظيف من الحوادث ؟ يعني والله شي يغبن ويرفع الضغط

وين وزارة التجارة عن هالجشع هذا والاستغفال؟ يعني هل يعقل تأمين سيارة ب 1900 ريال ؟ طيب لو ما سويت حادث تروح علي 1900 ريال ؟؟

بعض الدول التامين نهاية السنة يرجع لك 50 بالمية من قيمته الا حنا

حتى لو جاك واحد وصدمك وتامينه خرطي من هالشركات بتقعد تطالبهم شهور حتى يجيبونه لك

لازم في حل يا إخوان والله شي يرفع الضغط .حاطين لي مصارية .. عاوز والا شوف غيرنا

يعني كأن بينهم اتفاقات .. يالله نرفع التأمين

المفروض نرفع شكوى لوزارة التجارة بهذا الشيء او نطالب بهاشتاق من أحد الاخوان الاعضاء ويكون حسابه قوي ويفعل هاشتاق لأن الموضوع وصل حده صراحة

الله يوفق الجميع

إبلاغ

الردود