ناوي اشتري سيارة جيلي الصينيه ومالي غنى عن نصايحكم ؟

شفت فيها اكبر عيب اللي هو المكيف


دامها كذا ماعاد يبي لها كلام ومشوره


شف غيرها ياغالي

خذ النصيحة من صاحبك محد بيفيدك غيره مادام معاه وحدة وثم قرر

تقدر تاخذ بثمنها سياره كوري بس موديل اقدم شوي 
او ممكن نفس الموديل السوق مليان 
والجوده في الصيني لك عليها ...وخصوصا المكيف 
كثير يشتكوا من تكييف الصيني ...والصيف توه في اوله 
وشوري لك اذا تقدر تزود فلوسك شوي تاخذ لك صني 
والله روعه وعندهم عرض قسط ب 655 في الرياض 
وموفق وكل الشباب والشيبان 

عليكم السلام ورحمة الله
شف ميزة الصيني سعره  رخيص 
بسس عيبه قطع الغيار اللي اعرفه سعره غالي 
ولو يطلع فيها عيب مصنعي بالقير ولا المكينه شف 
كم يصلخونك بالسعر 
وبعدين عندك السيارات اللي منتشره بعض قطع لها 
ماتلقاها عند الوكالات والتشاليح وزين تحصلها بالوكاله
شلون الصيني 

الصين لسه ما ابدعت في السيارات بدري عليهم

صحيح عندهم مواصفات لكن مثل ماقلت انت 2014 وماشي 30 وبرفع حرارة
اجل كيف لو مشت 100 الف؟
ناهيك عن شوارعنا وحرارة الجو في الصيف

اذا بغيت الكرف والتحمل لاتدور غير الياباني او الكوري

مدام نويت تاخذ صيني
اجل خذها
لاتنوي على شي حتى تتتتاكد
منه
اشتر اكسنت افضل واجمل
اذا فليساتك اكثر
طق كورلا

عطنا ميزانيتك وبنعطيك السيارات المتاحة بحدودها واركد شوي وفكر 

مكيفات الجيلي والله حاجة ثلاجة ماشاء الله انا اكلمك على اي سي 8
واستخدامها طيب وقطعها الأصلية رخيصة في الوكالة

مادري اذا نوع الكمبرسور في سيارتي مختلف عن الا في EC7
لكن بتكلم عن مستوى تبريد سيارتي شهادة لله والله يا تبريد السيارة 10/10 واكثر شي عاجبني بالسيارة هو
https://www.youtube.com/watch?v=PFkW9PR-i_M
التبريد الضعيف المشهور فيها السيارات الكورية الا تفصل مع التوقف عند الأشارات وصارت لأخوي شخصيا مع سيارته
كمان تقدر ترجع لتجربة الظفيري للسيارة وتسمع رأيه عن مستوى تبريد المكيف
سيارتي كملت معي للحين سنة و 3 شهور والحمدلله ماعانيت من اي مشكلة تذكر فيها مع العلم اني قبل فتره سويت حادث بالواجهة وتضررت السيارة كثير وصلحتها وللحين عال العال
بالنسبة لقطع الغيار مادري مين يروج ان اسعار قطع الغيار غالية !
سيارتي امجراند GT ابعادها اكبر من الأفالون صدام السيارة شريته من الوكالة ب 350 ريال ارخص سيارة بأسعار قطع الغيار بالنسبة للسيدان الوسطي هي مازدا 6 وسعر صدامها فقط بدون اضافاته من شبك وكشافات وكروم ب 800 ريال
قيمة الصدام هذا يالله يجيب لك صدام اكسنت تجاري ! بطانة كفر شريتها ب 90 (وكالة) بطانة هوندا اكورد الحبة ب 350
لله زي ماذكرت محاسنها بتكلم عن العيوب
اولا انتشار الوكيل سيى وقطع الغيار ما تحصلها الا بالوكالة لكن ec7 توجد بعض المحلات الخارجية تبيع قطعها لكن بالنسبة لي مامعي الا الوكالة او مواقع الأنترنت ! والصيانة الدورية فيه سيئة ايضا صيانة 20 الف كيلو سلمتها الصباح واستلمتها العصر عشان تغيير زيت وفلتر ! يختلف من منطقة لأخرى وهذا يخص منطقتي
ثانيا للأمانة تسارع السيارة ضعيف ولكني شخصيا ما اهتم لهذي النقطة انا من قوم اهم شي سيارة توصلك وتجيبك
ثالثا صرفية الوقود لك عليها ولكن نسبيا كا نسبة وتناسب بالمقابل اسعار الصيانات والقطع رخيصة
السيارات المنافسة صرفية الوقود فيها افضل لكن لو يصير له حادث بسيط دفع حق كم سنة قدام

ابعد عنها
مكيفها خايس هذا اول شي وزي ما قلت اذا وقفت والمكيف شغال تسخن السيارة
هو الشي المغري فيها ان قطع غيارها رخيصه
لكن ما تستاهل ولو تلاحظ السيارة انعدمت ما تلقاها في الشوارع
خلك على الياباني والكوري احسن

خذ صيني لكن بحذف الياء الأولى