22222222222222213444

لازم تروح المرور و تقدم الشكوى و تتكلم مع العقيد و عين الخير ما يصير الا طيب الخاطر

طيب اي مرور ؟ انا بالرياض فيه مرور الشمال ينفع ؟
او اروح الناصرية او اقرب مركز شرطة .. او وين بالضبط

اخوي الموضوع بسيط هاذا واحد حاط رقم جوالك في نظام ابشر
يعني مابيجك مخالفات ولاشي
بتجيك رسائل المخالفات فقط
واذا بغيت تروح المرور روح الناصرية لان كل شي هناك

ياخوي انا زيك جاتني مخالفه على شاحنه عدم التزام بالمسار بتاريخ
8/8/1438 والسياره لها سنتين ماطلعت على الاسفلت واقفه 
راجعتهم في مرور جده شارع فلسطين طلعت للضابط ماجاب فايده
قالو قدم اعتراض وبعد 14 يوم راجعنا وهاذا حنا بعد 14 يوم بنراجعهم
مع العلم القسيمه من نظام باشر 

اتصل على رقم وزارة الداخلية المرور ويرد عليك مسج اختر خدمة الاستفسار عن المخالفات المرورية وادخل رقم الحاسب الالي وتأكد اذا عليك مخالفة من عدمه 
اذا عليك وانت متأكد انك ما خالفت رح لمرور الناصريه لادارة الفصل في المخالفات المرورية اللي جنب التوقيف وبيتجابون معك 

المرور وش عندهم الاسبوع الماضي راح واحد من خوياي لجده ونظامي وكل يوم تجيه مخالفتين عدم ربط حزام امان ووقوف خاطئ لدرجة انه صور لي موقفه عند البيك اللي اخذ مخالفه عليه واقسم بالله وقوفه صح ميه في الميه ونظام باشر هذا اعطى رجال المرور الحريه بشكل فضيع وفيه عسكر مرور مع احترامي جاهلين بالانظمه ومو كلهم بعضهم والمفروض ضابطهم يوعيهم اكثر يعني ماهو لازم مخالفه وانا قبل فتره سمعت مقطع صوتي عالواتس ضابط يوبخ افراد المرور عشانهم ماجابوا مخالفات واجد والوضع حمايه ماهو جبايه وطفشونا والله ماعاد احد يطلع يتمشى عشان الامور هذي

مالك الا ادارة المرور

المشكلة انها مسجلة في ابشر بمبلغ 100 ريال وعلى لوحة سيارة ماهي حقتي ولا اعرفها في الاساس
وجايتني رسالة عليها .. يعني الى هالدرجة يعني ما عندهم هالدوريات سستم يتأكدون منه قبل لا يحطون المخالفات على الناس ؟!
يعني لو بيحط مخالفة على الاقل يتأكد من رقم الهوية ونوع السيارات اللي على رقم الهوية قبل لا يسجلها ..
لكن الله يعين بأراجع الناصرية بالرياض واشوف وش يصير هي ما همتني 100 ريال لكن الغريب ان تجيك مخالفة وتتسجل بأسمك وهي ماهي سيارتك !

--

اعطيك العلم اللي ملحه فيه انصحك تسددها لان الميه بتروح في البنزين وانت رايح للناصريه وراجع وغير كذا تبهذل نفسك والنظام كله تعبان ووالله ماترجع لك ال١٠٠ الا بعد ماتتخسر غيرها واجد من جهد ومال واحتسبها عند الله وادع على من ظلمك 

تدري كيف تصير العسكري حضرته يغلط في رقم بطاقة أحوالك وتنزل المخالفة عليك أنت فيه واحد نزلت عليه مخالفة الف ريال تعديل على هيكل المركبة وسيارته اصلا مو معدلة شف الظلم اكيد انها على واحد ثاني بس غلط في كتابة رقم الأحوال ونزلت عليه والمشكلة يقولون الأعتراض على المخالفات تسليك يقولون لك سدد المخالفة بعدين تعال اعترض

أنا صارت معي بس في سيارة أخوي وهو مسجل في ابشر بجواله وكل شيء سليم والرسالة جاتني أنا على جوالي يوم دققنا في الأمر وجدنا أن أخوي فوض لي السيارة قبل 5 شهور لذلك أنا المفوض على السيارة وأنا اللي اتحمل المخالفات

تأكد يمكن واحد فوض لك سيارته قبل وانت ناسي الموضوع راجع حساباتك وإذا طلع من التفويض يتحملها اللي خالف انت مالك علاقة بس السستم ينزلها على المفوض يعني تفاهم مع صاحب السيارة باللتي هي أحسن وإن شاء لله يتفهم الموضوع

طيب واذا سجلو عليك مخالفة وانت في بيتك والله العظيم حصلت معاي