هل معارض السيارات مضمونة ؟

كلها زي بعض فيها الزين والشين
ولازم تاخذ معك واحد فاهم عشان تشتري وانت متطمن

هنا المصيبة يالغالي والله تعذبت ابي واحد فاهم عشان يشوفلي الموضوع

انتبه من السمكره و الرش

فيه اجهزه تكشف اذا السياره فيها رش او معجون

سيارات المعارض مثلها مثل الحراج 
يعني تلاقي سيارة بسعر مناسب بس يطلع لك فيها بلاوي ماتسوى ريال او تلاقي سيارة نظيييفة لكن بسعر الجديد 
هذا حال اغلب المعارض الا من رحم الله ولازم يكون معاك شخص فاهم اذا لقيت سيارة نظيفة ولاباس فيها تروح تفحصها وتستخير وتتوكل على الله

وعسى الله ييسر لك 

يا أخي ما تثق في أيّ واحد ما تعرفه. المعارض ممكن تحصّل فيها النظيف و التّعبان. أنصحك تشوفلك أي واحد حتى بفلوس و يروح معاك يدوّر معاك. و بعد ذلك تشيلها للفحص الي ما يكلفك فوق ال300 ريال. وقبل كل ذلك استخير

يعطيكم العافية ، والله المشكلة نص العالم اللي اعرفهم يكون خبرة بس خايف انه يورطني بسيارة فيبدا يتردد في الموضوع ، عشان كذا ماني عارف وش اسوي 
باذن الله تتيسر بس 

حياك
ليش خايف 
خذ السيارة وللورشه ينفضونه نفض من الصدام للصدام
مكينه قير دفرنسات كهرباء الشاص البدي
وتشرط عليهم ورقه مختومه وعلا مسوليتهم اذا طلع شي
في السيارة 
وبكذا تاخذ موتر وانت متطمن
وباالتوفيق

اخوي انا قبل شهر نزلت المعارض وحصلت سيارة عجبتني مستعملة
ماشية حول 11 الف كم والعامل يقلي شرط من الصدام للصدام
والسقف والكبوت باقي باكياس الوكالة المهم فكيت الكبوت اطالع
حصلت الدنيا مجرحة وفي نقاط بوية من الرش والرديتر حق المكينة
كان مليان تراب بينما رديتر المكيف كان يلمع ويلق لق وهذا اثبات انه
وصلته الصدمة وتم تغييره خلاصة الكلام لازم تفحص واشرط على
المعرض يتحمل قيمة الفحص اذا فيها شي واذا سليمة انت تتحملها
اذا وافق تعرف انه واثق من سيارته ولا تخليه هوا اللي يختار مركز
الفحص انت اختار المركز وحاول تاخذ مركز بعيد عن المعارض لانه
غالبا اللي داخل المهارض يعرفون بعض

انتبه اخوي اما عاد معارضنا مضمونه هم ساس المشكله وعليهم ايمان وحلفان يخلونك تبكي من فرط الايمان
معارضنا عباره عن مجمع وجامعه للشريطيه

والله يا غالى اصبح عندى منطق ان السياره لو معروضه فى معرض يبقى فيها مصيبه
تريد تشترى مستعمل يبقى من مستخدم ويفضل لو كنت تعرفه شخصيا يصير افضل
نصيحه لاتشترى مستعمل من معرض وطبعا كلامنا ماراح يعجب اصحاب المعارض لكن هذه اصبحت الحقيقه سواء رضو بيها ام لم يرضو وهذا بسبب عدم امانه اغلبهم للاسف

نصيحة توجه للوكالة فقط او المعارض زيرو جديد فقط. غير كذا لا تروح