متى تتكون الرواسب داخل المكينه وكيف يتم ازالتها ؟

تتكون الرواسب اذا كنت تستخدم زيت ابوكلب زي المكرر الي عندنا والمغشوش سوبر جيتي وغير
تتكون الرواسب اذا ماتغير الزيت في وقته وتخليه يحترق ويصير اسود
تتكون الرواسب اذا تهمل تغيير السيفون . شخصيا اغير سيفون مع كل تغييرة زيت واستخدم زيت تخليقي بالكامل واغيره في وقته
طريقة إزالتها لاتستخدم منظفات البناشر ابدا ابدا تخرب عليك المكينه وتنشف جلد البلوف وتصير تنقص زي
الحل استخدم زيت تخليقي لأنه يحتوي بالأساس ع منظفات للمكينه مثل زيت A1 5W30 ممتاز جدا وغيره كل ٥ او ٧ آلاف مع السيفون حتى تحس ان مكينتك نظفت
وارجع غير كل ١٠٠٠٠ كيلو
خذ لك لفه ع هالموضوع ان شاء الله يفيدك واقراء المعلومات ع الصور
https://montada.haraj.com.sa/31343/%D9%85%D8%B9%D9%84%D9%88%D9%85%D8%A7%D8%AA-%D8%B9%D9%86-%D8%B2%D9%8A%D8%AA-%D8%A8%D8%AA%D8%B1%D9%88%D9%85%D9%8A%D9%86-A1-%D8%AA%D8%AE%D9%84%D9%8A%D9%82%D9%8A-%D8%A8%D8%A7%D9%84%D9%83%D8%A7%D9%85%D9%84/
او ادخل على اسمي فيه موضوع عن زيت A1
تقبل تحياتي

تتكون مع المشي والأستخدام
طريقة ازالتها في وسيلتين :

الأولى : انك تطلع الزيت القديم وتحط زيت جديد وتمشي عليه يومين ثلاثة وبعدها تغير زيت مرة ثانية.
الثانية : تجبلك منتجات تنظيف محركات مثل من شركة لوكي مواي او منتج EPR من شركة BG وتحطها مع الزيت القديم وتخلي السيارة شغالة 20 دقيقة وبعدها تغير زيت .

غسيل المكينه الداخلي = تخبيط المكينه % .. النظافه من الايمان بس موب لهذي الدرجه تبي تنظف أجزاء حديد .. انتظم في تغير الزيت وبس

الرواسب ماتتراكم الا للي يتأخر بتغيير الزيت ولايغير السيفون كل تغيير زيت وايضا استخدام نوع زيت سيئ 
اذا اردت حماية المحرك من الرواسب اتبع الاتي: 
1- تغيير الزيت بدري على حسب علب الزيت المستهلكه فمثلا اللي يغير 6 علب يغير الزيت كل 4 الاف او 5 واللي يغير 3 علب يغير كل 3 الاف الى 3500 وهكذا 
2- تغيير السيفون اصلي كل تغييرة زيت دائما 
بهاذي الطريقة تحافظ على محرك سيارتك وتتخلص من الرواسب نهائيا : هالكلام من واقع تجربه واللي بيسويها بيدعيلي . وشكراً

هههههههه
ي خوي لنا سنين نمشي وﻻفكرنا برواسب وﻻبطيخ
ﻻتوسوس ترا الوسوسه هي الي تخرب السياره
حط الزيت وغيره بوقته وحتى لو تزيد مايجيك شئ عادي
بس بعض الاعضاء بالمنتدى يخليك توسوس غصب
يقولك كلام واذا ماسويته خلاص بتنفجر المكينه هههههه


بالنسبه لبرق الحيا
احل اغير الزيت على حسب العلب!!
وين مصدرك خلنا نستفيد ونتاكد
وبعدين شلون عرفت ان السياره
نظفت من الرواسب!!
هل فكيت المكينه وتاكدت بنفسك؟

الطريقة الوحيدة والفعالة في تنظيف المحرك بعد عمر طويل
هيا بفك المحرك وتنظيف الاجزاء الداخلية يدوياً

لاتنظف ولا شيء لابد يكون في سواد داخل المحرك وهالشيء طبيعي
واذا المكينه زيتها مسود غير مرتين وراء بعض على 2500الى3000كيلو
صدقني يرجع الزيت ذهبي
واساسا الزيت مهمته تنظيف المكينه فطبيعي يسود ماينفع تحط زيت
وتقول وش فيه اسود لان يتحرك داخل المكينه والحراره يسود
اترك المكينه وامشي بس ماعليك شر

اذ فيه رواسب خلاص اثرت على المكينه حتى لو تزيلها وتحط احسن الزيوت 
ماراح ترجع مثل اول

نصيحة. لاتغسل المكينة. لان ازالة الرواسب. يسبب نص للمكينة. انا سويت غسيل لسيارتي. وهي ماشية 288الف. وبعد الغسيل بدات تنقص.

الله يعافيكم يا اخوان ، مجرد استفسار انا اركب زيت a1 وممتاز جدا 

ولافكرت اغسل المكينه ، ولكن استفسرت بموضوع الرواسب كيف تتكون

وكيف نزليها لتعم الفائده للجميع