انقل لكم تجربة سرقتي في صناعية السيارات

16 3

لايمكنك التصويت حتى الحصول على 20 نقطة على الأقل
إضغط هنا للإخفاء

mohammed507 56
قبل 7 سنه و 6 شهر

السلام عليكم ورحمة الله وبركاته :

أنقل لكم تجربة سرقتي في الصناعية لعل الواحد يتنبه ولايكون عرضة لهذه المواقف

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يوم من الايام رحت بسيارتي للصناعية اصلح مشكلة فيها وأنا جالس فالورشة اشوف شغل العمال إلا يجيني شخص

لبسه رياضي سبورة وعادي .. المهم أن الرجل اخذ فالكلام معي وطول ويقول أنا أعرفك ومن هذا الكلام .

فجأة الشخص يمسك ثيابي من جهة الصدر ويمثل انه بيسوي حركة وهو يقول مع الكلام لو أني سويت الحركة

هذي فيك كان تعرف اني راعي مشاكل وكذا وما طول لكن بس مسكه خفيفه وفك الثوب......

في هذي اللحظة أنا خفت وهو يقول اطلع معي برا وانا رفضت وقلت رح الله يصلحك لا تعرفني ولا اعرفك وحاول

فيني لكن رفضت .

طلع الرجل من الورشة وانا احمد الله اني افتكيت منه لكن بمجرد انه طلع جلست لحظات وامد يدي في جيب الصدر

اشوف فلوسي موجودة لكن بعد فوات الاوان ما حصلتها وعلمت أن الرجل أخذها .

(( اللي يقول كيف من مسكة الثوب اخذ فلوسك اقله هذولا نشالين خبرة وانا قبل ما يجيني الرجل متأكد ان فلووسي معي))

علما ان كان في جيبي تقريبا (( 3000 )) ريال وهي فلوس إصلاح السيارة ولم أكن املك سواها لكن قدر الله وما شاء فعل


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وش استفدت ووش الأغلاط اللي أنا غلطتها :

1- أني عطيت وجه للرجل واخذت فالكلام واعطيت معه والمفروض ما تعطي شخص ما تعرفه وجه وتطرده
ولا تخليه يتكلم معك خصوصا فالصناعية .

2- خليت الرجل يلمسني وهذي اكبر غلطة وقعت فيها .

3- الغلطة الكبيرة بعد أن فلوسي كلها كانت معي ولا المفروض أن تكون فالصرافو وبعد ما أخلص اروح اسحب من
الصرافة واحاسب .


آسف عالإطالة ووالله ما كتبت الكلام هذا إلا من الغبنة لكن حسبي الله ونعم الوكيل وكل شخص ينتبه على نفسه و
فلوسة والله لا يحطكم مثل هذا الموقف .... الله يحفظنا وإياكم .

إبلاغ

الردود