استغلال شركات التأمين

الله يقويكم
ماشفنا شئ من حملةstc
نشوف حملة التامين ان شاءالله
تنجح الحمله.

غالية
السبب انك تروح للمكاتب اللي بالمعارض او مكاتب السداد العام

ادخل موقع اللي الشركة اللي تبي تامن عندها  تطلع لك بارخص من المكاتب


المكاتب تاخذ زيادة تبي تربح

والله اني توي صحيت على المنبه اللي حاطه من امس عشان اروح شركة سلامة اسوي تأمين
الحين طالع

كيف تبينا نقاطع وهو صار شي الزامي
انا ما ابغا اامن حبا فيهم
ابغا اامن عشان اجدد الاستمارة و انقل ملكية السيارة على اسمي
هذا شي اجباري
لو ما كان اجباري كنت قاطعتهم والله

ياخي وش مقاطعة ؟؟؟

لا تأمن وتسوي مقاطعة واذا لا سمح الله صدمت لك واحد قشوك انت ومقاطعتك للحجز وخله ينفعك ان ما معك تأمين

الحل ياطويل العمر مالك الا تهاجمهم عن طريق برامج التواصل تويتر وانستقرام وفيسبوك وغيرها

غير هالكلام ما ينفعك .. انت قاعد تقاطع شي يسجنك لا سمح الله مو تقاطع وبس .. يعني stc معقولة قاطعها منت مسجون ولا غيره

سوو هاشتاق

#اختلاس_شركات_تامين_السيارات

او
#مبالغة_اسعار_تامين_المركبات

واجلدهم بالهاشتاق لين يجيك سبق وخبر عاجل وينشرون معك وتصير ظاهرة اجتماعية ووقتها تشوف كيف يبلعون العافية

المشكلة تدري وش هي

المشكلة أغلب أصحاب شركات التأمين موظفين قويين بوزارة التجارة ... حاميها حراميها

واللي حط لي ديسلايك شكله منتفع وما يبيها توصل شبكات التواصل

والله لا أوصلها لأبعد الحدود عشان تفكون شركم من المسلمين يا كلاب الاموال

نبغى نأمن مثل دول الخليج 280 ريال . 
وش 1000 ريال تأمين اصرفها على اولادك .
اغلب شركاء شركات التأمين لبنانيين واجانب قصورهم في اورباء من فلوس الشعب لاحول ولا قوه.

المشكله الان ماهي غلا التأمين فقط
المشكله ألزامه على الناس
ما عاد تشتري ولا تبيع سياره الا لازم تأمين
ما عاد تجدد الاستماره الا تأمين وغيرها من الامور
ما عندي مشكله ارفع سعر التأمين لكن لا تلزمه على الناس ، اما ترفع السعر وتلزمه هنا المشكله

الشعب آخر ماتكلمه في المقاطعة
راحت ايام الدنمارك يوم سبت النبي وقالوا نبي نقاطع الزبدة الدنمركيه وباقي المنتجات الدنمركيه ولا صار شي مغير هياط

اما بخصوص التأمين فدول الخليج
خويي فعمان ماكان الفورشنر ضد الغير ب 1200 ريال سعودي
يعني تقريبا مثل وضعنا

الحين اللي عمره اقل من 25 والله يا انه يكع كثيييير
رحت حصلتهم كلهم غالين ارخصهم سلامة لان العمر عندهم 21 وفوق
امنت سيارتي قبل العصر ب 940 ريال
السيارة ميتسوبيشي لانسر 2009 العمر 22

الله يعين اصحاب الهونداي والله مرررررة غالي شفت كم واحد جالس يقول ليش الهونداي غالي