ايهما افضل

حقت مكده كورلا مكينة 1600 تماتيك طيس

هههههههه الحيرة ذبحتهم

و اللي يردون عليه غالبا ما جرب النوعين عشان يحكم

ترى فيه ناس تستشير وتستخير وتجرب

يعني قد احد الاعضاء يذكر معلومة مفيدة في قطع الغيار او شغله معينة للسيارة هذي تنبهك وتاخذها في الاعتبار وتسأل وتستشير عنها


يعني مهب كل شي التجربة وخلاص يعني كم بتجربها يوم يومين فيه مواتر تجربها ماودك تنزل منها لكن لما تستشير مجربينها او اللي عندهم معرفة عنها يبدون يعطونك وش مميزاته وعيوبه اللي ممكن انت تاخذها في الاعتبار

يعني لما اخوي او قريب لي حيل مستخدم الموتر واعرف كيف استخدامه وأرى ان فيه ملاحظات طلعت له او مشهورة في سيارته بذكرها حتى لو اني ما استعملتها

يعني انت تبي تقنعني انك من اول سيارة شريتها تشطح من راسك وتجربها وتشتري ؟؟؟ اكيد انك تسأل خويك اخوك قريبك من باب يؤيد او لا بس الفرق ان ذولي مساكين ماعندهم من يستشيرونه او حب استطلاع لمعرفة اكبر قدر ممكن مؤيد او معارض وفي النهاية ماتضر بشي


احسن من موضوعك الطقطقة وما اعجبك مهب لازم ترد عليه ترى اشغلتونا كل واحد مسك له شغله مابي احد يرد على كذا ليش تنزلون موضوع كذا ترى الناس مهب في حكمك خله يستشير ان رد عليه احد خير وبركه مارد لا انت ولا هو خسرانين شي


كثير مواضيع في هالمنتدى مالها قيمة لكن انت ادخل وعلق على المفيد او اللي لك معرفه فيه

اخوي a.
الانسان جبل ( بضم الجيم) على الميول للشي اللي يملكه ولا تجد
انسان محايد بشكل كامل فاذا استشرت شخص يملك مثلا كامري.
لو سألته عنها ف نسبة عالية جدا انه راح يمدحها لك وكذلك بالنسبة لبقية السيارات.

علشان كذا انت لو اردت شراء سيارة ومحتار والنوع الذي تريده
موجود عند احد تعرفه صديقك اخوك ابوك...الخ ولو مش موجودة عند احد تعرفه تروح تستأجرها.
بعد ذلك لو ارتحت لاحدى السيارات ورأيت انها في طريقة القيادة مناسبة لك.
تبدا بالبحث عن مواصفاتها الكماليات بالاضافة للذهاب لأي محل قطع غيار الخاص بسيارتك وتطلب منه ورقة باسعار القطع الاستهلاكية.
لو رأيت ان الاسعار مناسبة لك ( والمفترض تلقائيا انها تكون مناسبة لك ولايحتاج من الاساس السؤال عن قطعها).
بسبب انك ستشتري سيارة من فئة مثلا ( صغيرة. متوسطة. كبيرة. ..الخ) مناسبة لدخلك المالي
بالاضافة لاسباب اخرى مثل السيارة السابقة التي كنت تملكها تقيس عليها بشكل تقريبي اسعار قطع الغيار لسيارتك الجديدة.
او لو كانت اول سيارة لك فسترى قدرة راتبك على تحمل اي طارئ يحصل للسيارة.
يجي شخصك راتبه قليل ويبقى يشتري له لكزس او مرسيدس من الموديلات الحديثة ويسأل عن قطع غيارها ومقدار استهلاكهم للبنزين هذا شنهو تقول عنه.
او شخص غير موظف ولا يملك اي عمل طالب مثلا مايروح ياخذ له سيارة فوق قدرته حتى لو كان يميل لها فالانسان المفترض عليه يشغل مخه مش عاطفته لكي لا يتوهق بعدين ويجلس يبكي هههه.

اعتذر على الاطالة.