لنقاش فائدة ورقة الاصلاح
3
7
إضغط هنا للإخفاء
بسم الله الرحمن الرحيم
السلام عليكم ورحمة الله وبركاته
اليوم وانا عند المرور قاعد انتظر اعطائي ورقة اصلاح بين الزحمة وكلنا حنا نبي ورقة اصلاح وراحت ساعات والناس ملت وداخت وكذالك العسكري الي يعطي ورقة اصلاح برضه مرهق
وانا قعدت افكر
هل حنا فعلاً محتاجين للورقه هذي
هل الحكومة فعلاً محتاجه للورقه هذي
بالأول والأخير وش فايدة هذي الورقه
انتم تعرفون انه كل قرار إلى لازم له اهداف مرجوة وله اسباب ادت لتخاذ القرار وبديت اسئل نفسي وش اهداف ورقة الاصلاح وش الاسباب الي ادت لتخاذ القرار وصارت الناس مايصلحون سياراتهم إلا بأذن من الحكومه
وليه الحكومة متعبه نفسها وراء هذا الموضوع الي انا اشوف انه ماله اي داعي ولا فائدة بالنسبه للحكومه مجرد ان الحكومة متعبه نفسها بنفسها غير كذا اني سمعت ان فيه دوريات من المرور تدور على الورش وتفتش ؟!!!
هذا تصليح وليس بيع ولا شراء ولاتغيير وحتا لو انه تغيير ماتفيد الورقه هذي بشي
دام ان السياره ملك لي واوراقها ساريه المفعول انا حر ان دخلتها ان صلحتها او ماصلحتها. زيها زي غسالت البيت اذا خربت على طول اروح اصلحها ماروح اخذ اذن من وزارة التجارة مثلاً او اي شي ثاني ً!! ووين فايدة الحكومه هنا
فكرت يمكن عشان انهم خايفين اشلح السياره قطع غيار برضه الورقة هذي ماتفيد ولا ترد من تشليحها ولا الحكومة تبي تدري اني قاعد اشلح السياره
قلت يمكن عشان خايفين اعدل بسيارتي لونها مثلاً برضه مالها دخل ورقة الاصلاح
انا لحد الأن ماني فاهم فايدة ورقة الاصلاح لامن قبل الحكومة ولا من قبل الناس ولابالجانب الامني ولا الجانب التجاري
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
إبلاغ
الردود
1
0
قبل 6 سنه و 10 شهر